ຂ່າວ

ວິທະຍາໄລກະສິກຳ ແລະ ປ່າໄມ້ ພາກເໜືອ ເຂົ້າຮ່ວມວັນຜູ້ບໍລິຈາກເລືອດໂລກ

IMG_2669

ວັນທີ 14 ມິຖຸນາ 2019 ນີ້ ພະນັກງານ, ຄູອາຈານ ແລະ ນັກສຶກສາ ວິທະຍາໄລກະສິກຳ ແລະ ປ່າໄມ້ ພາກເໜືອ ເຂົ້າຮ່ວມ ພິທີສະເຫຼີມສະຫຼອງ ວັນຜູ້ບໍລິຈາກເລືອດໂລກ ຢູ່ທີ່ ວິທະຍາໄລ ວິທະຍາສາດ ສຸຂະພາບ ຫຼວງພະບາງ, ຊຶ່ງນໍາພາໂດຍ ທ່ານ ສົມສີ ຄໍາມະນີວົງ ຮອງອໍານວຍການວິທະຍາໄລ, ມີທ່ານ ບຸນຈັນ ເລັ່ງສະຫວັດ ຫົວໜ້າຫ້ອງການບໍລິຫານ ແລະ ຈັດຕັ້ງ ພ້ອມດ້ວຍພະນັກງານ, ຄູອາຈານ ແລະ ນັກສຶກສາເຂົ້າຮ່ວມ. ຊຶ່ງໃນການບໍລິຈາກເລືອດໃນຄັ້ງນີ້ ວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ບໍລິຈາກທັງໝົດ 17 ຄົນ, ໃນນີ້ ພະນັກງານ, ຄູອາຈານ 2 ຄົນ ແລະ ນັກສຶກສາ 15 ຄົນ.

——

ພາບ-ຂ່າວ: ສີສະຫວາດ ພັນທຸວົງ

ພິທີເລື່ອນສະມາຊິກພັກສຳຮອງ ຂຶ້ນເປັນສະມາຊິກພັກສົມບູນ

IMG_13519

ໃນຕອນບ່າຍ ວັນທີ 6 ມິຖຸນາ 2019 ນີ້ ທີ່ຫ້ອງປະຊຸມ ວິທະຍາໄລກະສິກໍາ ແລະ ປ່າໄມ້ພາກເໜືອ ໄດ້ຈັດພິທີເລື່ອນສະມາຊິກພັກສຳຮອງຂຶ້ນສົມບູນ, ໂດຍການເປັນປະທານຂອງ ສະຫາຍ ທອງສະມຸດ ພູມມະສອນ ເລຂາຄະນະພັກຮາກຖານວິທະຍາໄລກະສິກຳ ແລະ ປ່າໄມ້ ພາກເໜືອ. ມີບັນດາສະຫາຍຄະນະໜ່ວຍພັກຮາກຖານ, ເລຂາ-ຮອງເລຂາໜ່ວຍພັກ ພ້ອມດ້ວຍສະມາຊິກພັກ ສໍາຮອງ-ສົມບູນ ທັງ 2 ໜ່ວຍເຂົ້າຮ່ວມ ຄື: ໜ່ວຍພັກຄະນະວິຊາລ້ຽງສັດ ແລະ ໜ່ວຍພັກຄະນະວິຊາປູກຝັງ.

IMG_1311IMG_1261

ໃນພິທີ ສະມາຊິກພັກສໍາຮອງທັງສອງໜ່ວຍ ກໍໄດ້ຜັດປ່ຽນກັນຂຶ້ນອ່ານໃບສໍາຫຼວດຕົນເອງທີ່ຈະເລື່ອນຂຶ້ນເປັນສະມາຊິກພັກສົມບູນ ແລະ ພ້ອມທັງປະຕິຍານຕົນ ຊຶ່ງລວມທັງໝົດມີ 5 ສະຫາຍ, ຍິງ 2 ສະຫາຍ, ໃນນີ້ ໜ່ວຍພັກຄະນະວິຊາລ້ຽງສັດ ມີີ 3 ສະຫາຍ, ຍິງ 1 ສະຫາຍ ແລະ ໜ່ວຍພັກຄະນະວິຊາປູກຝັງ ມີ 2 ສະຫາຍ, ຍິງ 1 ສະຫາຍ. ຈາກນັ້ນ ເລຂາໜ່ວຍພັກທັງສອງ ກໍໄດ້ຜ່ານມະຕິຕົກລົງວ່າດ້ວຍການເລື່ອນສະມາຊິກສໍາຮອງຂຶ້ນສົມບູນ ພ້ອມທັງມອບມະຕິຕົກລົງ ແລະ ຈັບມືຮັບຮອງເອົາສະມາຊິກສໍາຮອງເລື່ອນຂຶ້ນສົມບູນ.

ໃນໂອກາດດັ່ງກ່າວ ສະຫາຍ ທອງສະມຸດ ພູມມະສອນ ເລຂາຄະນະພັກຮາກຖານວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ຂຶ້ນໂອ້ລົມ ແລະ ໃຫ້ຄຳໂອວາດ ຊຶ່ງສະຫາຍໄດ້ສະແດງຄວາມຍ້ອງຍໍ ຊົມເຊີຍສະມາຊິກໃໝ່ ພ້ອມທັງສະແດງຄວາມຍິນດີຮັບເອົາທັງ 5 ສະຫາຍ ເປັນສະມາຊິກພັກສົມບູນ ຂອງພັກປະຊາຊົນປະຕິວັດລາວ, ພ້ອມນັ້ນ ສະຫາຍໄດ້ຍົກໃຫ້ເຫັນພາລະບົດບາດ, ສິດ, ໜ້າທີ່ ແລະ ຂໍ້ຫ້າມຂອງສະມາຊິກພັກ.ໃນຕອນທ້າຍ ສະຫາຍຍັງໄດ້ເນັ້ນໜັກໃຫ້ສະມາຊິກພັກທຸກສະຫາຍຈົ່ງຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ກາຍເປັນສະມາຊິກພັກຜູ້ທີ່ດີເດັ່ນ ແລະ ເປັນແບບຢ່າງທີ່ດີໃຫ້ແກ່ອົງການຈັດຕັ້ງມະຫາຊົນ, ເພີ່ມທະວີຄວາມຮັບຜິດຊອບຕໍ່ໜ້າວຽກຂອງຕົນ, ມີສະຕິຕໍ່ການຈັດຕັ້ງສູງ, ຍຶດໝັ້ນ ແລະ ເປັນເອກະພາບຕໍ່ແນວທາງນະໂຍບາຍຂອງພັກ-ລັດ, ປະກອບສ່ວນຄວາມຮູ້ ຄວາມສາມາດຂອງຕົນເຂົ້າໃນວຽກງານທີ່ການຈັດຕັ້ງມອບໝາຍໃຫ້, ສືບຕໍ່ຍົກລະດັບຄວາມຮູ້ຄວາມສາມາດຂອງຕົນ ເພື່ອປະກອບສ່ວນເຂົ້າໃນການສ້າງສາພັດທະນາປະເທດຊາດ ໃຫ້ນັບມື້ນັບມີຄວາມເຂັ້ມແຂງຂຶ້ນໄປເລື້ອຍໆ.

*****************

ພາບ-ຂ່າວໂດຍ: ສີສະຫວາດ ພັນທຸວົງ

 ວິທະຍາໄລກະສິກຳ ແລະ ປ່າໄມ້ ພາກເໜືອ ເປີດການສອບເສັງຄັດເລືອກເອົາລັດຖະກອນໃໝ່ ສົກປີ 2019

ໃນຕອນເຊົ້າຂອງ ວັນທີ 6 ມິຖຸນາ 2019 ວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ເປີດການສອບເສັງຄັດເລືອກເອົາລັດຖະກອນໃໝ່ຂຶ້ນ ທີ່ຫ້ອງປະຊຸມຂອງວິທະຍາໄລ, ໂດຍເປັນປະທານຂອງ ທ່ານ ທອງສະມຸດ ພູມມະສອນ ອໍານວຍການວິທະຍາໄລ, ມີ ທ່ານ ວົງຄໍາ ສຸລິພົນ ຫົວໜ້າພະແນກຄຸ້ມຄອງພະນັກງານ ພະແນກພາຍໃນ ແຂວງຫຼວງພະບາງ, ມີຄະນະກຳມະການສອບເສັງ ພ້ອມດ້ວຍ ນັກສອບເສັງເຂົ້າຮ່ວມ. ໃນພິທີ ທ່ານ ບຸນຈັນ ເລັ່ງສະຫວັດ ຫົວໜ້າຫ້ອງການບໍລິຫານ-ຈັດຕັ້ງ ໄດ້ຂຶ້ນຜ່ານກົດລະບຽບການສອບເສັງ ເພຶ່ອເຮັດໃຫ້ຜູ້ສະໝັກສອບເສັງເຂົ້າເປັນລັດຖະກອນແຫ່ງ ສ ປປ ລາວ ເຂົ້າໃຈມີຄວາມຮັບຜິດຊອບ ແລະ ປະຕິບັດຕາມລະບຽບການສອບເສັງທີ່ກຳນົດໄວ້. ຈາກນັ້ນ ທ່ານ ທອງສະມຸດ ພູມມະສອນ ໄດ້ມີຄຳເຫັນໂອ້ລົມ ຮຽກຮ້ອງໃຫ້ຄະນະກຳມະການ, ນັກສອບເສັງຈົ່ງພ້ອມກັນຈັດຕັ້ງປະຕິບັດໃຫ້ໄດ້ຮັບຜົນດີ, ເພຶ່ອເຮັດໃຫ້ການສອບເສັງເຂົ້າເປັນລັດຖະກອນໃໝ່ໃນຄັ້ງນີ້ ດຳເນີນໄປຢ່າງຖືກຕ້ອງຕາມລະບຽບຫຼັກການ, ມີຄວາມຍຸຕິທຳ, ມີຄວາມໂປ່ງໃສ, ມີຄວາມສະຫົງບ-ຄວາມເປັນລະບຽບຮຽບຮ້ອຍ ແລະ ມີປະສິດທິຜົນສູງ. ໂດຍມີນັກສອບເສັງ ຈຳນວນ 10 ຄົນ, ຍິງ 3 ຄົນ, ໂດຍໄດ້ຈັດແບ່ງອອກເປັນ 2 ພາກຄື: ພາກຄວາມຮູ້ທົ່ວໄປ 5 ຂໍ້ ແລະ ພາກຄວາມຮູ້ດ້ານວິຊາການ 20 ຂໍ້, ເພຶ່ອຄັດເລືອກເອົາ 1 ຄົນ ຕາມຕົວເລກແບ່ງປັນຂອງກະຊວງກະສິກຳ ແລະ ປ່າໄມ້.

——————

ພາບໂດຍ: ມະນີຈັນ ສີບົວຄໍາ

ຂ່າວໂດຍ: ສີສະຫວາດ ພັນທຸວົງ

ກອງປະຊຸມເຊື່ອມຊຶມພາລະບົດບາດຂອງກຸ່ມແລກປ່ຽນປະສົບການດ້ານວິຊາການ

ກອງປະຊຸມເຊື່ອມຊຶມພາລະບົດບາດຂອງກຸ່ມແລກປ່ຽນປະສົບການດ້ານວິຊາການ ໃນລະຫວ່າງວັນທີ 4-5 ມິຖຸນາ 2019 ທີ່ຫ້ອງປະຊຸມວິທະຍາໄລກະສິກຳ ແລະ ປ່າໄມ້ ພາກເໜືອ, ໂດຍມີພະນັກງານ, ຄູ-ອາຈານຈາກ 5 ຄະນະວິຊາເຂົ້າຮ່ວມ.

ຄະນະວິຊາປ່າໄມ້ ຈັດພິທີປ້ອງກັນບົດຈົບຊັ້ນລະບົບຕໍ່ເນື່ອງ ຮຸ່ນທີ VI

ໃນວັນທີ 28 ພຶດສະພາ 2019 ນີ້ ຢູ່ທີ່ຫ້ອງປະຊຸມຄະນະວິຊາປ່າໄມ້ (ວິທະຍາເຂດ ຊຽງເງິນ) ໄດ້ຈັດພິທີປ້ອງກັນບົດໂຄງການຈົບຊັ້ນສຳລັບຫຼັກສູດຊັ້ນສູງ ກະສິກຳ ແລະ ປ່າໄມ້ ເຂດເນີນສູງ, ລະບົບຕໍ່ເນື່ອງ ຮຸ່ນທີ VI ຂຶ້ນ. ພາຍໃຕ້ການເປັນປະທານ ຂອງ ທ່ານ ສົມສີ ຄຳມະນີວົງ ຮອງອຳນວຍການ ວິທະຍາໄລກະສິກຳ ແລະ ປ່າໄມ້ ພາກເໜືອ, ມີພະນັກງານ,ຄູ-ອາຈານພາຍໃນຄະນະວິຊາ, ນັກສຶກສາ ພ້ອມດ້ວຍ ແຂກຖືກເຊີນຈາກຂະແໜງປ່າໄມ້ ແຂວງຫຼວງພະບາງ ຊຶ່ງມີຜູ້ເຂົ້າຮ່ວມທັງໝົດ 16 ທ່ານ, ຍິງ 1 ທ່ານ. ໃນພິທີ ທ່ານ ບຸນກ້ຽງ ສຸລິຍະສັກ ຫົວໜ້າຄະນະວິຊາປ່າໄມ້ ໄດ້ຂຶ້ນຜ່ານຂໍ້ຕົກລົງວ່າດ້ວຍການແຕ່ງຕັ້ງຄະນະກຳມະການຮັບຜິດຊອບການປ້ອງກັນບົດໂຄງການຈົບຊັ້ນ ສົກສຶກສາ 2018 – 2019 ແລະ ຜ່ານລະບຽບການປ້ອງກັນບົດໂຄງການຈົບຊັ້ນ ແລະ ຕໍ່ມາຕາງໜ້າຄະນະກຳມະການໄດ້ຂຶ້ນປະຕິຍານຕົນ ເພື່ອເປັນການຮັບປະກັນຄວາມໂປ່ງໃສ ແລະ ປະຕິບັດຕາມລະບຽບທີ່ວາງອອກ. ຫຼັງຈາກນັ້ນ, ໄດ້ເລີ່ມຕົ້ນດຳເນີນການປ້ອງກັນບົດໂຄງການຈົບຊັ້ນ ສະເພາະສົກສຶກສາ 2018 – 2019 ມີນັກສຶກສາປ້ອງກັນບົດໂຄງການຈົບຊັ້ນສາຂາປ່າໄມ້ ຈຳນວນ 5 ຄົນ, ຍິງ 0 ຄົນ. ໃນການປ້ອງກັນບົດຄັ້ງນີ້ ກໍເພື່ອເປັນການປະຕິບັດຕາມຫຼັກສູດການຮຽນ-ການສອນ ຂອງຄະນະວິຊາປ່າໄມ້ ວາງອອກ, ສໍາລັບຫຼັກສູດລະບົບຕໍ່ເນື່ອງຊັ້ນສູງ ຊຶ່ງເປັນຫຼັກສູດທີ່ຈັດໃຫ້ມີການສິດສອນ 1 ປີ 6 ເດືອນ ຫຼື 3 ພາກຮຽນ, ເນັ້ນສ້າງນັກວິຊາການປ່າໄມ້ ໃຫ້ມີຄວາມຮູ້, ຄວາມສາມາດ ແລະ ຄວາມຊຳນານງານໃຫ້ມີປະສິດທິຜົນສູງ ຊຶ່ງມີບັນດາພະນັກງານຈາກຂະແໜງການ ກະສິກຳ ແລະ ປ່າໄມ້ ໃນບັນດາແຂວງພາກເໜືອ. ໃນຕອນທ້າຍພິທີ ຫົວໜ້າຄະນະວິຊາປ່າໄມ້ ໄດ້ມອບໃບຍ້ອງຍໍໃຫ້ແກ່ນັກສຶກສາຜູ້ທີ່ມີຜົນການຄົ້ນຄວ້າຮ່ຳຮຽນ ແລະ ຜົນງານດີເດັ່ນແຕ່ລະປະເພດ ຊຶ່ງໃນນັ້ນໄດ້ປະເພດ 1 ຈຳນວນ 2 ຄົນ ແລະ ປະເພດ 2 ຈຳນວນ 3 ຄົນ. ຈາກນັ້ນ, ເພື່ອໃຫ້ພິທີດັ່ງກ່າວນີ້ ມີຄວາມໝາຍຄວາມສໍາຄັນ ທ່ານ ສົມສີ ຄໍາມະນີວົງ ຮອງອໍານວຍການ ວິທະຍາໄລກະສິກໍາ ແລະ ປ່າໄມ້ພາກເໜືອ ໄດ້ມີຄໍາເຫັນເນັ້ນໜັກໃຫ້ນັກສຶກສາຈົ່ງສືບຕໍ່ຮັກສາມູນເຊື້ອ ຊອກຮູ້ສຶກສາຮ່ຳຮຽນ ແລະ ນຳເອົາຄວາມຮູ້ ຄວາມສາມາດທີ່ໄດ້ຮັບ ໄປນຳໃຊ້ພັດທະນາໜ້າທີ່ວຽກງານທາງດ້ານວິຊາສະເພາະຂອງຕົນໃຫ້ດີຂຶ້ນ.
—————–

#ຂ່າວໂດຍ: ພຸດທະຟົງ ເຮີ ນັກຂ່າວຄະນະວິຊາປ່າໄມ້

61342070_651364625309420_6380963470635958272_n

 

 

ພິທີເຊັນບົດບັນທຶກການປະຕິບັດກິດຈະກຳຮ່ວມກັນ (MoA) ລະຫວ່າງ ວິທະຍາໄລ ກະສິກຳ ແລະ ປ່າໄມ້ ພາກເໜືອ ກັບ ມະຫາວິທະຍາໄລ ແມ່ໂຈ້ (ປະເທດໄທ)

ໃນວັນທີ 9 ພຶດສະພາ 2019 ນີ້, ​ຢູ່ທີ່ຫ້ອງປະຊຸມ ວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ມີພິທີເຊັນບົດບັນທຶກການປະຕິບັດກິດຈະກຳຮ່ວມກັນ (MoA) ຂຶ້ນ, ລະຫວ່າງ ຄະນະ ວິຊາປະມົງ, ວິທະຍາໄລກະສິກຳ ແລະ ປ່າໄມ້ ພາກເໜືອ ກັບ ຄະນະເຕັກໂນໂລຊີການປະມົງ ແລະ ຊັບພະຍາກອນທາງນໍ້າ, ມະຫາວິທະຍາໄລ ແມ່ໂຈ້ (ປະເທດໄທ). ໂດຍການເຊັນຂອງ ທ່ານ ປທ. ທອງສະມຸດ ພູມມະສອນ ອຳນວຍການ ວິທະຍາໄລກະສິກຳ ແລະ ປ່າໄມ້ ພາກເໜືອ ແລະ ທ່ານ ປອ. ຈົງກົນ ພົມຍະ ຄະນະບໍດີ ຄະນະເຕັກໂນໂລຊີການປະມົງ ແລະ ຊັບພະຍາກອນທາງນໍ້າ ມະຫາວິທະຍາໄລ ແມ່ໂຈ້ (ປະເທດໄທ). ເຂົ້າຮ່ວມເປັນສັກຂີພິຍານໂດຍມີ ທ່ານ ສຈ. ປອ. ເລືອງໄຊ ຈຸວັດຕະນະສໍາລານ ຄະນະບໍດີ ຄະນະຜະລິດຕະກໍາການກະເສດ, ມະຫາວິທະຍາໄລ ແມ່ໂຈ (ປະເທດໄທ), ມີຮອງອຳນວຍການວິທະຍາໄລ, ມີບັນດາຫົວໜ້າຫ້ອງການ-ຄະນະວິຊາ, ຮອງຫົວໜ້າຫ້ອງການ-ຄະນະວິຊາ ພ້ອມດ້ວຍພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມ. ໃນການເຊັນບົດບັນທຶກການປະຕິບັດກິດຈະກຳຮ່ວມກັນ ໃນຄັ້ງນີ້ເພື່ອ ຮ່ວມມືໃນການແລກປ່ຽນການຝຶກງານຂອງນັກສຶກສາ, ການເຮັດກິດຈະກຳຮ່ວມກັນ, ແລກປ່ຽນດ້ານວິຊາການ ແລະ ອຸປະກອນການຮຽນ-ການສອນ, ການຄົ້ນຄ້ວາທົດລອງ ແລະ ໂຄສະນາສົ່ງເສີມຄູ່ຮ່ວມງານທາງເວັບໄຊ, ໜັງສືພິມ ຫຼື ສື່ສິ່ງພິມຕ່າງໆ ທີ່ເປັນປະໂຫຍດຮ່ວມກັນ. ໃນບົດບັນທຶກດັ່ງກ່າວ ມີອາຍຸການນຳໃຊ້ທັງໝົດ 5 ປີ ຊຶ່ງເລີ່ມແຕ່ 1 ພຶດສະພາ 2019 – 30 ເມສາ 2024. ຈາກນັ້ນຍັງໄດ້ລົງຢ້ຽມຢາມຟາມ ປະມົງຂອງວິທະຍາໄລຕຶ່ມອີກ.

***********************

ພາບ-ຂ່າວ ໂດຍ: ສີສະຫວາດ ພັນທຸວົງ

ກຸ່ມວຽກໂຄສະນາ ແລະ ປະຊາສໍາພັນ, ຫ້ອງການພົວພັນ ແລະ ການຮ່ວມມື

ພິທີ ເຊັນບົດບັນທຶກການຮ່ວມມື ລະຫວ່າງ ວິທະຍາໄລກະສິກຳ ແລະ ປ່າໄມ້ ພາກເໜືອ ກັບ ພະແນກແຮງງານ ແລະ ສະຫວັດດີການສັງຄົມ ແຂວງ ຫຼວງພະບາງ

ໃນຕອນບ່າຍ ວັນທີ 2 ເມສາ 2019 ຢູ່ທີ່ຫ້ອງປະຊຸມ ວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ມີພິທີ ເຊັນບົດບັນທຶກການຮ່ວມມື ລະຫວ່າງ ວິທະຍາໄລກະສິກຳ ແລະ ປ່າໄມ້ ພາກເໜືອ ກັບ ພະແນກແຮງງານ ແລະ ສະຫວັດດີການສັງຄົມ ແຂວງ ຫຼວງພະບາງ. ຊຶ່ງຕາງໜ້າເຊັນ ໂດຍ ທ່ານ ທອງສະມຸດ ພູມມະສອນ ອໍານວຍການ ວິທະຍາໄລກະສິກຳ – ປ່າໄມ້ ພາກເໜືອ ແລະ ທ່ານ ສຸລິສັກ ພົມມາລີ ຫົວໜ້າພະແນກແຮງງານ ແລະ ສະຫວັດດີການສັງຄົມ ແຂວງ ຫຼວງພະບາງ. ຊຶ່ງເປັນສັກຂີພິຍານໂດຍມີ ຮອງອໍານວຍການ, ຫົວໜ້າ-ຮອງຫົວໜ້າຫ້ອງການ, ຫົວໜ້າ-ຮອງຫົວໜ້າຄະນະວິຊາ ພ້ອມດ້ວຍ ພະນັກງານຈາກ ພະແນກແຮງານ ແລະ ສະຫວັດດີການສັງຄົມ ແຂວງຫຼວງພະບາງ ເຂົ້າຮ່ວມ. ໃນການເຊັນບົດບັນທຶກການຮ່ວມມືໃນຄັ້ງນີ້ ຊຶຶ່ງມີຈຸດປະສົງ ເພື່ອຮ່ວມມືໃນການອົບຮົມຄວາມຮູ້ຕາມສາຂາວິຊາທີ່ມີພາຍໃນວິທະຍາໄລ ນັບທັງໄລຍະສັ້ນ, ໄລຍະກາງ ແລະ ໄລຍະຍາວ ໃຫ້ແກ່ນັກຮຽນທີ່ຈົບມັດທະຍົມ ຫຼື ຜູ້ທີ່ສົນໃຈໃນການສຶກສາຮໍາຮຽນໃນດ້ານການກະສິກຳ-ປ່າໄມ້, ຮ່ວມກັນຈັດຕະຫຼາດນັດແຮງງານ ໂດຍທາງວິທະຍາໄລກະສິກຳ ແລະ ປ່າໄມ້ ພາກເໜືອ ຈະເປັນຜູ້ສະໜອງນັກສຶກສາທີ່ຈົບຈາກວິທະຍາໄລໃນແຕ່ລະປີ ແລະ ທີ່ຍັງຫວ່າງງານຢູ່ແຕ່ລະທ້ອງຖິ່ນພາຍໃນແຂວງ ຫຼື ບັນດາແຂວງພາກເໜືອ ເພື່ອສ້າງໂອກາດໃຫ້ໄດ້ວຽກເຮັດງານທໍາ, ໂດຍພະແນກແຮງງານ ແລະ ສະຫວັດດີການສັງຄົມ ແຂວງຫຼວງພະບາງ ເປັນຜູ້ຊ່ວຍໃນການຈັດຫາວຽກເຮັດງານທໍາໃຫ້ແກ່ນັກສຶກສາທີ່ຮຽນຈົບ. ນອກນັ້ນ ທັງສອງຝ່າຍຍັງຕົກລົງໃນການພັດທະນາຂີດຄວາມສາມາດໃຫ້ບຸກຄະລາກອນໃນດ້ານຕ່າງໆເຊັ່ນວ່າ: ການເຂົ້າຮ່ວມກອງປະຊຸມສໍາມະນາຕ່າງໆ, ການທັດສະນະສຶກສາແລກປ່ຽນບົດຮຽນຊຶ່ງກັນ ແລະ ກັນ ທີ່ເປັນປະໂຫຍດຮ່ວມກັນ. ໃນບົດບັນທຶກການຮ່ວມມືສະບັບນີ້ ແມ່ນມີອາຍຸການນຳໃຊ້ 5 ປີ (2 ເມສາ(4) 2019 ຫາ 2 ເມສາ(4) 2024). ໃນໂອກາດດັ່ງກ່າວ ທັງສອງຝ່າຍຍັງໄດ້ແລກປ່ຽນຂອງທີ່ລະນຶກເຊິ່ງກັນ ແລະ ກັນອີກຕື່ມ.

**********************

ພາບ-ຂ່າວໂດຍ: ສີສະຫວາດ ພັນທຸວົງ,

ຫ້ອງການພົວພັນ ແລະ ການຮ່ວມມື

 

ຕ້ອນຮັບການມາຢ້ຽມຢາມຂອງ ຄະນະທີມງານຜູ້ແທນ ຈາກກົງສູນ ອົດສະຕາລີ ປະຈໍາລາວ

ໃນຕອນບ່າຍຂອງວັນທີ 13 ມີນາ 2019 ວິທະຍາໄລ ກະສິກຳ ແລະ ປ່າໄມ້ ພາກເໜືອ ຕ້ອນຮັບການມາຢ້ຽມຢາມຂອງ ຄະນະທີມງານຜູ້ແທນ ຈາກກົງສູນ ອົດສະຕາລີ ປະຈໍາລາວ. ໂດຍການຕ້ອນຮັບຂອງ ຄະນະອໍານວຍການວິທະຍາໄລ, ມີພະນັກງານ, ຄູ-ອາຈານ ຈໍານວນໜຶ່ງພາຍໃນວິທະຍາໄລ, ພ້ອມດ້ວຍຊາວກະສິກອນບ້ານສົບເຈ້ຍ, ເມືອງໂພນໄຊ ທີເຂົ້າຮ່ວມໂຄງການ ACIAR. ໃນພິທີ ທ່ານ ປອ. ອຸໄທ ສຸກຂີ ໄດ້ສະເໜີສະພາບລວມຂອງວິທະຍາໄລ ແລະ ແລກປ່ຽນບົດຮຽນລະຫວ່າງ ຄະນະຜູ້ແທນຈາກທີມງານທີ່ມາຢ້ຽມຢາມ ກັບ ຊາວກະສິກອນ ຈາກເມືອງໂພນໄຊ ທີ່ເຂົ້າຮ່ວມ ໂຄງການ ACIAR, ຈາກນັ້ນ ໄດ້ລົງໄປຢ້ຽມຢາມ ຟາມພືດເສດຖະກິດ ໃນການອານຸລັກແຂມ ແລະ ຟາມພືດອຸດສາຫະກໍາ ໃນລະບົບການປູກໄມ້ສັກ. ນອກຈາກນັ້ນ ທາງທີມງານທີ່ມາຢ້ຽມຢາມນັ້ນຍັງໄດ້ຮ່ວມປູກຕົ້ນໄມ້ຮ່ວມກັບນັກສຶກສາ ເພື່ອເປັນທີ່ລະນຶກຕື່ມອີກ.

IMG_4553IMG_4573IMG_4368IMG_4335IMG_4352IMG_4359IMG_4346IMG_4341IMG_4338IMG_4376IMG_4380IMG_4383IMG_4387IMG_4388IMG_4396IMG_4413IMG_4423IMG_4425IMG_4427IMG_4429IMG_4445IMG_4463IMG_4466IMG_4472IMG_4476IMG_4485IMG_4509IMG_4514IMG_4517IMG_4525

************

ພາບ-ຂ່າວ: ສີສະຫວາດ ພັນທຸວົງ

ກອງປະຊຸມແລກປ່ຽນວິຊາການ ລະຫວ່າງວິທະຍາໄລກະສິກໍາ ແລະ ປ່າໄມ້ ພາກເໜືອ ກັບ ມະຫາວິທະຍາໄລຊຽງໃໝ່ ປະເທດໄທ

ວັນທີ 6 ມີນາ 2019 ໄດ້ມີກອງປະຊຸມແລກປ່ຽນວິຊາການ ລະຫວ່າງ ຄະນະລ້ຽງສັດ ວິທະຍາໄລກະສິກໍາ ແລະ ປ່າໄມ້ ພາກເໜືອ ກັບ ພາກວິຊາລ້ຽງສັດ ແລະ ສັດນໍ້າ ຄະນະກະເສດສາດ ມະຫາວິທະຍາໄລຊຽງໃໝ່ (ປະເທດໄທ).  ໂດຍ ການນໍາພາຂອງ ທ່ານ ປອ. ວັນນະພອນ ທະພິງແກ ພ້ອມດ້ວຍທີມງານ ມີພະນັກງານຄູອາຈານ ຈາກພາກວິຊາລ້ຽງສັດ ແລະ ສັດນໍ້າ ຄະນະກະເສດສາດ ມະຫາວິທະຍາໄລຊຽງໃໝ່ (ປະເທດໄທ), ໂດຍມີພະນັກງານ, ຄູອາຈານ ພ້ອມດ້ວຍ ນັກສຶກສາຈາກ ວິທະຍາໄລ ກະສິກຳ ແລະ ປ່າໄມ້ ພາກເໜືອ ເຂົ້າຮ່ວມ. ໃນພິທີ ທ່ານ ສົມສີ ຄໍາມະນີວົງ ຮອງອໍານວຍການວິິທະຍາໄລ ໄດ້ກ່າວຕ້ອນຮັບ ແລະ ມີຄໍາເຫັນ, ຈາກນັ້ນ ໄດ້ມີການນໍາສະເໜີສະພາບລວມຂອງທັງສອງສະຖາບັນ. ຈຸດປະສົງຂອງກອງປະຊຸມຄັ້ງນີ້ ກໍເພື່ອແລກປ່ຽນຄວາມຮູ້ທາງດ້ານວິຊາການລ້ຽງສັດໃຫ້ມີການພັດທະນາຂຶ້ນເປັນກ້າວໆ. 

**************

ພາບ-ຂ່າວ: ສີສະຫວາດ ພັນທຸວົງ

ຫ້ອງການພົວພັນ ແລະ ການຮ່ວມມື

ກອງປະຊຸມທົບທວນການຈັດຕັ້ງປະຕິບັດວຽກງານຂອງທີມງານຄູຝຶກ

ກອງປະຊຸມທົບທວນການຈັດຕັ້ງປະຕິບັດວຽກງານຂອງທີມງານຄູຝຶກໃນໄລຍະທີ່ຜ່ານມາ ຄັ້ງວັນທີ 6-7 ມີນາ 2019, ໂດຍການເປັນປະທານຂອງ ທ່ານ ສົມສີ ຄໍາມະນີວົງ ຮອງອໍານວຍການວິທະຍາໄລ, ໂດມີພະນັກງານຄູອາຈານທີ່ຮັບຜິດຊອບທີມງານຄູຝຶກ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

************

ພາບ-ຂ່າວ: ສີສະຫວາດ ພັນທຸວົງ

ຫ້ອງການພົວພັນ ແລະ ການຮ່ວມມື