ນາງ ຕຸ້ຍ ໄຊໂກສົນ ມອບເຄື່ອງກິລາ ແລະ ອຸປະກອນກິລາ ໃຫ້ ວກປໜ

ຕອນບ່າຍວັນທີ 10 ສິງຫາ 2018 ທີ່ຜ່ານມານີ້ ທ່ານ ນາງ Mayrisa Saykoson ( ທ່ານ ນາງ ຕຸ້ຍ ໄຊໂກສົນ), ຊຶ່ງເຄີຍເປັນອາຈານສອນຢູ່ໃນຄະນະວິຊາປູກຝັງ, ວິທະຍາໄລກະສິກຳ ແລະ ປ່າໄມ້ ພາກເໜືອ. ຫຼັງຈາກນັ້ນໄດ້ຍົກຍ້າຍໄປຢູ່ ປະເທດ ສະຫະລັດອາເມລິກາ. ປັດຈຸບັນເພິ່ນໄດ້ມາຢ້ຽມຢາມຄອບຄົວທີ່ ບ້ານວຽງສະຫວັນ, ນະຄອນ-ຫຼວງພະບາງ, ແຂວງຫຼວງພະບາງ. ພ້ອມດຽວກັນນັ້ນເພິ່ນໄດ້ມາມອບເຄື່ອງກິລາ ແລະ ອຸປະກອນກິລາ ໃຫ້ແກ່ ວິທະຍາໄລກະສິກຳ ແລະ ປ່າໄມ້ ພາກເໜືອ ຊຶ່ງປະກອບມີ ເຄື່ອງກິລາ ຈໍານວນ 24 ຊຸດ ແລະ ບານສົ່ງຈຳນວນ 2 ໜ່ວຍ ໂດຍແມ່ນທ່ານ ປທ. ທອງສະມຸດ ພູມມະສອນ ອຳນວຍການວິທະຍາໄລກະສິກຳ ແລະ ປ່າໄມ້ ພາກເໜືອ ເປັນຜູ້ຮັບ ຊຶ່ງມີພະນັກງານຄູອາຈານຈໍານວນໜຶ່ງຮ່ວມເປັນສັກຂີພິຍານ.
=====================
ພາບ-ຂ່່າວໂດຍ: ປອ. ບຸນຊູ ໄຊຊະນະ
ຫ້ອງການພົວພັນ ແລະ ການຮ່ວມມື, ວິທະຍາໄລກະສິກຳ ແລະ ປ່າໄມ້ ພາກເໜືອtouy

ເປີດຮັບນັກສຶກສາໃໝ່ ສົກປີ 2018-2019

ວິທະຍາໄລກະສິກຳ ແລະ ປ່າໄມ້ ພາກເໜືອ 👈👈
ເປີດຮັບນັກສຶກສາໃໝ່ ສົກປີ 2018-2019
ຫຼັກສູດຊັ້ນສູງ ກະສິກຳ ແລະ ປ່າໄມ້ ເຂດເນີນສູງ

ວິທະຍາໄລຂອງພວກເຮົາມີ 5 ສາຂາວິຊາຮຽນຄື:
1️⃣ ສາຂາວິຊາ ລ້ຽງສັດ
2️⃣ ສາຂາວິຊາ ປູກຝັງ
3️⃣ ສາຂາວິຊາ ທຸລະກິດກະສິກຳ
4️⃣ ສາຂາວິຊາ ການປະມົງ
5️⃣ ສາຂາວິຊາ ປ່າໄມ້

#ໄລຍະເວລາ:
📌 ເລີ່ມຮັບສະໝັກ:15/ 08 / 2018 ເຖິງ 23 / 09 / 2018

📌 ສອບເສັງເຂົ້າຮຽນວັນທີ 26 / 09 / 2018

📍ສະຖານທີ່ບ່ອນຂໍເອົາໃບສະໝັກ ແລະ ຮັບໃບສະໝັກ: ທີ່ ວິທະຍາໄລກະສິກໍາ ແລະ ປ່າໄມ້ ພາກເໜືອ. ຫ້ອງການພັດທະນາວິຊາການ. ເສັ້ນທາງເລກທີ 13 ເໜືອ, ຫຼັກກິໂລແມັດທີ 20, ບ້ານວຽງສະຫວັນ, ນະຄອນ-ຫຼວງພະບາງ, ແຂວງ ຫຼວງພະບາງ
https://goo.gl/maps/qjXN7qVnhf72

👉ສອບຖາມໄດ້ທີ່:
📞 ໂທ: 071 219 036 ; 📠 ແຟັກສ໌: 071 219 034
📱020 5537 7750; 030 537 2152; 020 9708 7002

1New student

ງານສະເຫຼີມສະຫຼອງວັນສິງແວດລ້ອມໂລກຄົບຮອບ 46 ປີ

ວັນທີ 5 ມິິຖຸນາ 2018 ນີ້ທີ່ ວິທະຍາໄລ ກະສິກຳ ແລະ ປ່າໄມ້ພາກເໜືອ ໄດ້ຈັດງານສະເຫຼີມສະຫຼອງວັນສິ່ງແວດລ້ອມໂລກຄົບຮອບ 46 ປີ ໂດຍການເປັນທານ ຂອງ ທ່ານ  ປອ ອຸໄທ ສຸກຂີ ຮອງອຳນວຍການ ພ້ອມດ້ວຍແຂກທີ່ຖຶກເຊີນຈາກພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ, ພະນັກງານ, ຄູອາຈານ ແລະ ນັກຮຽນນັກສຶກສາ ເຂົ້າຮ່ວມຢ່າງພ້ອມພຽງ

ຈຸດປະສົງ ຂອງການຈັດງານສະເຫຼີມສະຫຼອງວັນສິ່ງແວດລ້ອມໂລກດັ່ງກ່າວແມ່ນ ເພື່ອປູກຈິດສຳນຶກໃຫ້ແກ່ພະນັກງານ, ຄູອາຈານ, ນັກຮຽນນັກສຶກສາ, ປະຊາຊົນ  ແລະ ເຍົາວະຊົນໃຫ້ເຫັນຄຸນຄ້າຂອງສິງແວດລ້ອມ, ຮ່ວມມືກັນດູແລ ແລະ ຮັກສາສິງແວດລ້ອມດ້ວຍການຈັດກິດຈະກຳຕ່າງໆ

ພາຍໃນງານດັ່ງກ່າວເຕັມໄປດ້ວຍບັນຍາກາດອັນມ່ວນຊື່ນ, ການສະແດງສິນລະປະຂອງນ້ອງນັກສຶກສາ ແລະ ກິດຈະກຳຕ່າງໆ ທີ່ກ່ຽວກັບການຮັກສາ, ອານຸລັກສິງແວດລ້ອມ, ຜະລິດຕະພັນຈາກສິງເສດເຫຼື້ອມາເປັນເຄື່ອງປະດັບ ແລະ ເຄື່ອງໃຊ້ອຶ່ນໆໄດ້ນຳມາສະແດງ ແລະ ປະກວດລາງວັນໃນງານດັ່ງກ່າວ.

ຂຽນຂ່າວ: ພົມພອນ ໜໍ່ບຸນຕາ, ຫ້ອງພົວພັນ ແລະ ການຮ່ວມມື

 

ພິທີມອບ-ຮັບ ລານເຄົາລົບທຸງ ແລະ ປະຖະກະຖາຈາກ ກົງສູນໃຫຍ່ ສປ ຈີນ ປະຈຳ ແຂວງ ຫຼວງພະບາງ

ຕອນແລງຂອງພະຫັດ ວັນທີ 3 ພຶດສະພາ 2018 ຢູ່ທີ່ ວິທະຍາໄລ ກະສິກຳ ແລະ ປ່າໄມ້ ພາກເໜືອ ໄດ້ຈັດພິທີມອບ-ຮັບລານເຄົາລົບທຸງ ພາຍໃຕ້ການເປັນປະທານຮ່ວມຂອງທ່ານ ທອງສະມຸດ ພູມມາສອນ ອຳນວຍການວິທະຍາໄລ, ທ່ານ ລີ ບາວກວາງ ຫົວໜ້າກົງສູນໃຫຍ່ ສປ ຈີນ ປະຈຳແຂວງຫຼວງພະບາງ ພ້ອມດ້ວຍພະນັກງານ, ຄູອາຈານ ແລະ ນັກສຶກສາເຂົ້າຮ່ວມ
ພາຍໃນງານດັ່ງກ່າວປະກອບມີສອງກິດຈະກຳ ອັນທີ່ໜຶ່ງແມ່ນການພິທີການມອບຮັບລານເຄົາລົບທຸງ ເຊິງທາງກົງສູນປະຈຳແຂວງຫຼວງພະບາງເປັນຜູ້ໃຫ້ທຶນໃນການກໍສ້າງ ໃນເນື້ອທີ່ປະມານ 1,200 ຕາແມັດ ເປັນມູນຄ່າ 200,000,000 ກີບ ຈຸດປະສົງໃນການກໍສ້າງລານເຄົາລົບທຸງດັ່ງກ່າວແມ່ນເພື່ອໃຊ້ໃຫ້ເກີດປະໂຫຍດສູງສຸດ ອັນທີ1 ເປັນບ່ອນເຄົາລົບທຸງ ອັນທີ2 ເປັນບ່ອນ ຈັດງານຕະຫຼາດນັດແຮງງານ, ອັນ 3 ແມ່ນເປັນບ່ອນ ອອກກຳລັງກາຍ ແລະ ຈັດກິດຈະກຳຕ່າງໆ
ຫຼັງຈາກນັ້ນ ທ່ານ ລິ ບາວກວາງ ໄດ້ກ່າວປາຖະກະຖາ ເຜີຍແຜ່ກ່ຽວກັບເນື້ອໃນຈິດໃຈກອງປະຊຸມໃຫຍ່ຜູ້ແທ່ນປະຊາຊົນທົວປະເທດ ຄັ້ງທີ19 ຂອງພັກກອມມູນິດຈີນ, ນຳສະເໜີໂດຍຫຍໍ້ກ່ຽວກັບການຕ້ານສໍ້ລາດບັງຫຼວງ ແລະ ການພັດທະນາການສຶກສາຂັ້ນສູງຂອງຈີນ ໃນນັ້ນທ່ານກໍ່ຍັງກາວເຖິງການປະຕິບັດແຜນຍຸດທະສາດພຶ້ນຖານ ຍຶກໝັ້ນຫຼັກການຖືປະຊາຊົນເປັນໃຈກາງ ແລະ ຫຼັກການຈີນດ່ຽວ.
ເຊິງໄດ້ເຮັດໃຫ້ພະນັກງານ, ອາຈານ ແລະ ນັກສຶກສາເຂົ້າໃຈ ສະພາບລວມຂອງຈີນຫຼາຍຂຶ້ນກວ່າເກົົ່າ

ຖ່າຍພາບໂດຍ: ສີສະຫວາດ ພັນທູວົງ

ຂຽນຂ່າວໂດຍ: ພົມພອນ ໜໍ່ບຸນຕາ

 

ການມາແລກປ່ຽນບົດຮຽນ ວຽກງານຊາວໜຸ່ມ ຂອງ ຄະນະຊາວໜຸ່ມ ວິທະຍາໄລຄູ ດົງຄຳຊ້າງ


ໃນວັນທີ 12 ມັງກອນ 2018 ທີ່ຜ່ານມານີ້ ຢູ່ທີ່ຫ້ອງປະຊຸມຂອງ ວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ໃຫ້ການຕ້ອນຮັບ ການມາແລກປ່ຽນບົດຮຽນວຽກງານຊາວໜຸ່ມ ຈາກ ວິທະຍາໄລຄູດົງຄຳຊ້າງ (ນະຄອນຫຼວງວຽງຈັນ). ເຊິ່ງເປັນປະທານໂດຍ ສະຫາຍ ປອ. ອຸໄທ ສຸກຂີ ຮອງອຳນວຍການວິທະຍາໄລວິທະຍາໄລກະສິກຳ ແລະ ປ່າໄມ້ ພາກເໜືອ ແລະ ສະຫາຍ ອຈ ນາງ ວິລາ ແສງສະຫວ່າງ ຜູ້ອຳນວຍການ ວິທະຍາໄລຄູ ດົງຄຳຊ້າງ. ເຊິ່ງມີແຂກເຂົ້າຮ່ວມ 25 ສະຫາຍ, ຍິງ 12 ສະຫາຍ. ໃນນັ້ນ ມາຈາກ ວິທິຍາໄລຄູ ດົງຄຳຊ້າງ 19 ສະຫາຍ, ຍິງ 9 ສະຫາຍ. ຈຸດປະສົງ ເພື່ອແລກປ່ຽນບົດຮຽນວຽກງານຊາວໜຸ່ມ ແລະ ການຈັດກິດຈະກຳກິລາບານເຕະ. ໃນພິທີ ສະຫາຍ ປອ. ອຸໄທ ສຸກຂີ ຮອງອຳນວຍການວິທະຍາໄລກະສິກຳ ແລະ ປ່າໄມ້ ພາກເໜືອ ກ່າວຄຳຕ້ອນຮັບ ຄະນະຊາວໜຸ່ມວິທິຍາໄລຄູ ດົງຄຳຊ້າງ, ຫຼັງຈາກນັ້ນ ທາງຄະນະຊາວໜຸ່ມທັງ 2 ວິທະຍາໄລ ກໍພັດປ່ຽນກັນຂຶ້ນນຳສະເໜີການເຄື່ນໄຫວ ແລະ ການຈັດຕັ້ງປະຕິບັດກິດຈະກຳຂອງຕົນທີ່ໄດ້ປະຕິບັດມາ ແລະ ໄດ້ປຶກສາຫາລືກ່ຽວກັບການຈັດກິດຈະກຳຕ່າງໆຂອງສະມາຊິກຊາວໜຸ່ມ. ພາຍຫຼັງ ສຳເລັດກອງປະຊຸມແລ້ວ ທາງວິທະຍາໄລຄູ ດົງຄຳຊ້າງ ໄດ້ມອບຊຸດກິລາ ຈຳນວນ 15 ຊຸດໃຫ້ແກ່ ວກປໜ ແລະ ສະມາຊິກຊາວໜຸ່ມທັງ 2 ສະຖາບັນ ກໍໄດ້ແຂ່ງຂັນກິລາບານເຕະ ເພື່ຶອສ້າງສາຍສຳພັນ ແລະ ຄວາມສະມັກຄີ ມິດໄມຕຣີອັນດີງາມ ລະຫວ່າງ ວິທະຍາໄລກະສິກຳ ແລະ ປ່າໄມ້ ພາກເໜືອ ກັບ ວິທະຍາໄລຄູ ດົງຄຳຊ້າງ ອີກດ້ວຍ.

ຂຽນຂ່າວໂດຍ: ສີສະຫວາດ

 

ເປີດຂໍ້ແຂ່ງຂັນ 4 ບຸກຂອງໜ່ວຍຊາວໜຸ່ມ ວິທະຍາໄລກະສິກຳ ແລະ ປ່າໄມ້ພາກເໜືອ

ໃນວັນທີ 19 ມັງກອນ 2018 ທີ່ຜ່ານມານີ້ ໜ່ວຍຊາວໜຸ່ມປະຊາຊົນປະຕິວັດລາວ ຮາກຖານ ວິທະຍາໄລກະສິກໍາ ແລະ ປ່າໄມ້ ພາກເໜືອ ໄດ້ຈັດພິທີ ເປີດຂະບວນການແຂ່ງຂັນ 4 ບຸກຂຶ້ນ. ໂດຍມີ ສະຫາຍ ອຸ່ນຄຳ ສຸວັນນະພັນ ເລຂາຄະນະບໍລິຫານງານຊາວໜຸ່ມແຂວງ ຫຼວງພະບາງ, ສະຫາຍ ທອງສະມຸດ ພູມມະສອນ ເລຂາຄະນະພັກຮາກຖານວິທະຍາໄລກະສິກຳ ແລະ ປ່າໄມ້ ພາກເໜືອ ພ້ອມດ້ວຍ ເລຂາ, ຮອງເລຂາໜ່ວຍຊາວໜຸ່ມອ້ອມຂ້າງ ແລະ ສະມາຊິກພາຍໃນໜ່ວຍເຂົ້າຮ່ວມ. ໃນພິທີ ກໍໄດ້ຜ່ານຂໍ້ຕົກລົງຂອງຄະນະບໍລິຫານງານຊາວໜຸ່ມແຂວງ ວ່າດ້ວຍການອະນຸມັດເປີດກອງປະຊຸມຈັດຕັ້ງປະຕິບັດຂໍ້ແຂ່ງຂັນ 4 ບຸກ ແລະ ຂໍ້ຕົກລົງວ່າດ້ວຍການແຕ່ງຕັ້ງຄະນະກໍາມະການຊີ້ນໍາ ແລະ ກວດກາ ການຈັດຕັ້ງປະຕິບັດຂໍ້ແຂ່ງຂັນ 4 ບຸກຂອງໜ່ວຍຊາວໜຸ່ມ ວກປໜ. ສະຫາຍ ສົມພົງ ຄຳມາລາວົງ ເລຂາຊາວໜຸ່ມຮາກຖານ ວກປໜ ຂຶ້ນຜ່ານບົດລາຍງານການເຄື່ອນໄຫວວຽກງານການກະກຽມການສ້າງຂະບວນການເປີດບັ້ນຂໍ້ແຂ່ງຂັນ 4 ບຸກໃນສົກປີ 2017 ວ່າ: ໜ່ວຍຊາວໜຸ່ມຮາກຖານ ວິທະຍາໄລກະສິກຳ ແລະ ປ່າໄມ້ ພາກເໜືອ ປະກອບມີ ສະມາຊິກທັງໝົດ 415 ສະຫາຍ, ຍິງ 205 ສະຫາຍ. ໃນນັ້ນມີສະມາຊິກນັກສຶກສາ 351 ສະຫາຍ, ຍິງ 170 ສະຫາຍ. ຕະຫຼອດໄລຍະຜ່ານມາຄະນະໜ່ວຍໄດ້ຕັ້ງໜ້າເອົາໃຈໃສ່ສຶກສາອົບຮົມດ້ານການເມືອງແນວຄິດໃຫ້ສະມາຊິກຊາວໜຸ່ມຢ່າງເປັນປົກກະຕິ ແລະ ຕໍ່ເນືອງ ເຮັດໃຫ້ສະມາ ຊິກຊາວໜຸ່ມມີແນວຄິດອຸ່ນອ່ຽງທຸ່ນທ່ຽງ ມີຄວາມເຊື່ອໝັ້ນຕໍ່ການຊີ້ນນຳໆພາຂອງພັກລັດຄະນະນໍາຂອງ ວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ເປັນຢ່າງດີ ພາຍຫຼັງຜ່ານບົດລາຍງານສຳເລັດແລ້ວຕາງໜ້າແຕ່ລະຈຸຂຶ້ນຈັບມືແຂ່ງຂັນຈັດຕັງປະຕິບັດຂໍ້ແຂ່ງຂັນ 4 ບຸກຂອງຊາວໜຸ່ມຄື: ບຸກທາງດ້ານແນວຄິດ, ບຸກທາງດ້ານການຝຶກຝັນຫຼໍ່ຫຼອມການຮໍ່າຮຽນ, ບຸກທາງດ້ານການຈັດຕັ້ງ, ບຸກດ້ານວິຊາຊີບສ້າງວຽກເຮັດງານທຳ ໃຫ້ປະກົດຜົນເປັນຈິງ. ຈາກນັ້ນ ສະຫາຍ ອຸ່ນຄຳ ສຸວັນນະພັນ ເລຂາຄະນະບໍລິຫານງານຊາວໜຸ່ມແຂວງ ຫຼວງພະບາງ ມີຄຳເຫັນໂອ້ລົມ ສະຫາຍຍົກໃຫ້ເຫັນການປ່ຽນແປງທາງດ້ານພາກພື້ນສາກົນເຊັ່ນວ່າການຮ່ວມມືທາງສາກົນ ແລະ ຕ່າງປະເທດ, ປະກົດການຫຍໍ້ທໍ້ທາງສັງຄົມ ແລະ ເນັ້ນໜັກໃຫ້ສະມາຊິກຊາວໜຸ່ມທຸກສະຫາຍໃຫ້ຄວາມສຳຄັນຂອງວຽກງານ 4 ບຸກຂອງຊາວໜຸ່ມ ແລະ ຈັດຕັ້ງປະຕິບັດໃຫ້ປະກົດຜົນເປັນຈິງ.

ຂຽນຂາວໂດຍ: ສີສະຫວາດ

ການແລກປ່ຽນບົດຮຽນວຽກປະຊາສຳພັນ ລະຫວ່າງວິທະຍາໄລກະສິກຳ ແລະ ປ່າໄມ້ ພາກເໜືອ ກັບ ໂຮງຮຽນ ຊົນລະປະທານຊັ້ນສູງ ທ່າງ່ອນ


ຕອນເຊົ້າຂອງ ພຸດວັນທີ 13 ທັນວາ 2017 ທີ່ຫ້ອງປະຊຸມວິທະຍາໄລກະສິກຳ ແລະ ປ່າໄມ້ພາກເໜືອ ໄດ້ການຕ້ອນຮັບ ການມາການແລກປ່ຽນບົດຮຽນຂອງພະນັກງານຄູອາຈານ ຈາກໂຮງຮຽນຊົນລະປະທານຊັ້ນສູງ ທ່າງ່ອນ ວິທະຍາໄລກະສິກຳ ແລະ ປ່າໄມ້ພາກເໜືອ ໃຫ້ກຽດກ່າວເປີດພີທີກອງປະຊຸມ ແລະ ກ່າວຄຳຕ້ອນຮັບ ໂດຍແມ່ນທ່ານ ອາຈານ ບຸນຈັນ ເລັ່ງສະຫວັດ ຫົວໜ້າຫ້ອງການ ບໍລິຫານ-ຈັດຕັ້ງ ເປັນປະທານ, ມີທ່ານ ອາຈານ ສົມພູ ພົມມະວົງສາ ຮອງຫົວໜ້າຫ້ອງການ ພົວພັນ ແລະ ການຮ່ວມມືຈາກໂຮງຮຽນຊົນລະປະທານຊັ້ນສູງ ທ່າງ່ອນ ພ້ອມດ້ວຍທິມງານ 3 ຄົນ, ທ່ານ ພູທອນ ພາມີໄຊ ທີ່ປຶກສາວິຊາການໂຄງການ SURAFCO, ທ່ານ ອາຈານ ບູນຊູ ໄຊຊະນະ ຫົວໜ້າຫ້ອງການ, ຮອງຫົວໜ້າຫ້ອງການ ພ້ອມດ້ວຍທີມງານຫ້ອງການພົວພັນ ແລະ ການຮ່ວມມື 5 ຄົນ ແລະ ນັກສຶກສາອາສາສະໝັກຈັດລາຍການໂທລະໂຄ່ງ 2 ຄົນເຂົ້າຮ່ວມ.ຈຸດປະສົງຂອງການມາແລກປ່ຽນບົດຮຽນກ່ຽວກັບວຽກງານປະຊາສຳພັນ, ວິທີການເກັບກຳຂ່າວ, ວິທີການຂຽນຂ່າວ, ວິທີການປະກາດຂ່າວປະຈຳວັນ, ການຖ່າຍຮູບພາບເພື່ອມາຂຽນຂ່າວ, ການສົ່ງຂ່າວ ແລະ ການເຜີຍແຜ່ຂໍ້ມູນຂ່າວສານ, ທາງເວັບໄຊ, ເຟັດສ໌ບຸກ. ກອງປະຊຸມແມ່ນເຕັມໄປດ້ວຍບັນຍາກາດ ອັນອົບອຸ່ນໃນການແລກປ່ຽນບົດຮຽນໄດ້ປະກອບຄວາມຄິດເຫັນຢ່າງກົງໄປກົງມາ ຢ່າງເປັນກັນເອງ ທັງສອງຟ່າຍ ໄດ້ຖາມຫຼາຍບັນຫາແລ້ວກອງປະຊຸມກໍ່ໄດ້ແກ້ໄຂໄປດ້ວຍດີ, ເພື່ອເຮັດໃຫ້ການມາແລກປ່ຽນບົດຮຽນອັນມີຄວາມໝາຍ ແລະ ຄວາມຄັນຜູກແໜ້ນຄວາມສາມັກຄີການຮ່ວມມືໄປເປັນກ້າວໆ, ກອງປະຊຸມດຳເນີນໄປເປັນເວລາ ສອງວັນ ຈິ່ງສຳເລັດ.

 

ຝຶກອົບຮົມການເປັນພິທີກອນ


ຕອນເຊົ້າວັນທີ 10 ທັນວາ 2017 ນີ້ທີ່ຫ້ອງປະຊຸມຂອງ ວິທະຍາໄລ ກະສິກຳ ແລະ ປ່າໄມ້ພາກເໜືອ ໄດ້ ມີການເປີດອົບຮົມດ້ານການເປັນໂຄສົກ, ການຂຽນຂ່າວ ແລະ ການຈັດລາຍການໂທລະໂຄ່ງອອກອາກາດຂຶ້ນ. ໂດຍມີຄູ-ອາຈານ, ຄູຝຶກ ແລະ ນັກສຶກສາອາສາສະໝົດ ຈຳນວນ 45 ຄົນຮ່ວມ, ຈຸດປະສົງໃນການຝຶກອົບຮົມໃນຄັ້ງນີ້ເພື່ອ ສ້າງຮຸ່ນສືບທອດໃນການເປັນໂຄສົກຈັດລາຍການໂທລະໂຄ່ງຂອງວິທະຍາໄລ, ໃຫ້ກຽດເປີດພິທີໂດຍ ອາຈານ ບຸນຊູ ໄຊຊະນະ ຫົວໜ້າຫ້ອງການພົວພັນ ແລະ ການຮ່ວມມື, ໃນພິທີໄດ້ມີການຝຶກກ່ຽວກັບການຂຽນສະຄຣິບລາຍການ ແລະ ການຈັດລາຍການໂທລະໂຄ່ງ ເພື່ອໃຫ້ອອອກລາຍການໂທລະໂຄ່ງໄດ້

 

ຝຶກອົບຮົມການລ້ຽງສັດປິກ ແລະ ການປ້ອງກັນພະຍາດສັດປິກ

ຕ້ອນເຊົ້າຂອງວັນທີ 5 ທັນວາ ນີ້ ໄດ້ມີພິທີການຝຶກອົບຮົມການລ້ຽງສັດປິກ ແລະ ປ້ອງກັນພະຍາດສັດປິກ ຂຶ້ນທີ່ ຫອ້ງປະຊຸມຂອງ ວິທະຍາໄລ ກະສິກຳ ແລະ ປ່າໄມ້ພາກເໜືອ ໂດຍການເປັນປະທານ ຂອງທ່ານ ອາຈານ ອຳໄພວັນ ສຸກສັນຕິ ຫົວໜ້າຄະນະວິຊາລ້ຽງສັດ ແລະ ການປະມົງ, ຄູ່ຝຶກ 2 ທ່ານ ອາຈານ ຈັນມະນີ ແລະ ອາຈານ ວັນນະສອນ ແລະ ພ້ອມດ້ວຍ ນັກສຳມະນາກອນ 20 ທ່ານ ຈາກບ້ານອ້ອມຂ້າງເຂົ້າຮ່ວມ ການຝຶກອົບຮົມດັ່ງກ່າວແມ່ນຈະໄດ້ດຳເນີນເປັນເວລາ 5 ວັນ ຈຸດປະສົງແມ່ນ ນຳໃຊ້ຫຼັ້ກສູດຝຶກອົບຮົມໄລຍະສັ້ນໃຫ້ແກ່ຊາວກະສິກຳ ແລະ ຜູ້ທີສົນໃຈຕ່າງໆ ກ່ຽວກັບການລ້ຽງສັດປິກ ແລະ ການປ້ອງກັນພະຍາສັດປິກ, ເນື້ອໃນການອົບຮົມແມ່ນຈະຮຽນພາກທິດສະດີ ແລະ ພາກປະຕິບັດໂດຍເນັ່ນໃສພາກປະຕິບັດຕົວຈີງຫຼາຍຂຶ້ນ ກ່ຽວການນຳໃຊ້ເຕັກນິກການຜະລິດສັດປິກ, ການນຳໃຊ້ອຸປະກອນ,ເຕັກນິກໃນການຈັດການສຸຂະພາບສັດ, ການປ້ອງກັນ ແລະ ການປິ່ນປົວພະຍາດສັນບາງຊະນິດ ເນືອງຈາກວ່າການລ້ຽງສັດປິກນີ້ມີຄວາມຈຳເປັນຫຼາຍໃນການປ້ອງກັນພະຍາດຕ່າງໆທີ່ອາດຈະເກີດ ສະນັ້ນການຝຶກອົບຮົມໃນຄັ້ງນີ້ຖືວ່າມີຄວາມໝາຍຄວາມສຳຄັນ ຕໍ່ກັບຜູ້ລ້ຽງສັດປິກ ແລະ ຜູ້ທີ່ສົນໃຈ ແມ່ນສາມາດຕິດຕໍກັບທາງ ວິທະຍາໄລເຮົາໄດ້

ຂຽນຂ່າວໂດຍ: ພົມພອນ ໜໍ່ບຸນຕາ, ຫ້ອງການພົວພັນ ແລະ ການຮ່ວມມື

ກະກຽມຕ້ອນຮັບວັນຊາດ ວັນທີ2 ທັນວາ

(ພາບປະກອບ)


ທາມກາງທົ່ວພັກທົ່ວລັດ ກຳລັງເລັ່ງໃສ່ການກະກຽມຕ້ອນຮັບວັນຊາດ ທີ2 ທັນວາ ທີ່ມາເຖິງ ຄະນະດ່ຽວກັນນີ້ ທາງ ວິທະຍາໄລ ກະສິກຳ ແລະ ປ່າໄມ້ພາກເໜືອ ຊີ້ນຳ ນຳພາໂດຍ ຄະນະອຳນວຍການ, ຫົວໜ້າການ, ຮອງຫົວໜ້າຫ້ອງການ, ຫົວໜ້າຄະນະວິຊາ, ຮອງຫົວໜ້າຄະນະ, ຄູອາຈານ, ພະນັກງານ ແລະ ນັກຮຽນນັກສຶກສາ ທົ່ວ ວິທະຍາໄລ ພ້ອມເປັນຈິດໜຶ່ງໃຈດ່ຽວກັນ ສ້າງຂະບວນການອານາໄມ່ໃຫຍ່, ຕົກແຕ່ງ, ປະດັບປະດາ ແລະ ແອຍ້ອງສະຖານທີ່ຕ່າງໆເພື່ອໃຫ້ມີຄວາມເປັນລະບຽບຮຽບຮ້ອຍ ແລະ ສະອາກງາມຕາ ຈຸດປະສົງເພື່ອຮັບຕ້ອນວັນຊາທີ2 ທັນວາ ທີ່ຈະມາເຖິງ ໃຫ້ມີຄວາມໝາຍຄວາມສຳຄັນ ແລະ ມີບັນຍາກາດ ອັນຈົບງາມ ເພື່ອຮັກວາໄວ້ເຊິງວັນຊາດທີ2 ທັນວາຕະຫຼອດໄປ

ຂຽນຂ່າວ: ພົມພອນ ໜໍ່ບຸນຕາ, ຫ້ອງການພົວພັນ ແລະ ການຮ່ວມມື