ການອອກແຮງງານໃຫຍ່(Big Cleaning Day)

ໃນວັນທີ 30 ມີນາ 2018 ຜ່ານມານີ້ ພະນັກງານຄູອາຈານ ແລະ ນັກສຶກສາ ທີ່ ຄະນະວິຊາປ່າໄມ້ ວິທະຍາເຂດຊຽງເງີນ ແຂວງ ຫຼວງພະບາງ ໄດ້ສ້າງຂະບວນການອອກແຮງງານ (Big Cleaning Day) ເພື່ອຕ້ອນຮັບ ງານບຸນສົງການປີໃໝ່ລາວ ພ.ສ 2561,  ວັນເປີດປີທ່ອງທ່ຽວລາວ ຂອງແຂວງ ຫລວງພະບາງ ແລະ ການປະກາດຫຼວງພະບາງເປັນນະຄອນ.

ການອອກແຮງງານໃນຄັ້ງນີ້ ແມ່ນໄດ້ທາສີຮົ້ວໜ້າທາງ ຂອງ ຄະນະວິຊາປ່າໄມ້ ເຊິ່ງມີລວງຍາວທັງໝົດ 350 ກວ່າແມັດ, ເຊີ່ງໄດ້ແບ່ງເປັນຈຸ ເປັນໜ່ວຍຮັບຜິດຊອບຕາມຂອບເຂດທີ່ໄດ້ແບ່ງໃຫ້, ມີແຮງງານທັງໝົດ 49 ຄົນ, ຍີງ 12 ຄົນ

 

 

ການຝຶກອົບຮົມກ່ຽວກັບ ການປ່ຽນແປງດິນຟ້າອາກາດ ແລະ ການຫຼຸດຜ່ອນການປ່ອຍທາດອາຍຜິດເຮືອນແກ້ວຈາກການທໍາລາຍປ່າໄມ້ ແລະ ການເຮັດໃຫ້ປ່າໄມ້ເສື່ມໂຊມ (REDD+)

ໃນວັນທີ 20-21 /3/2018 ຜ່ານມານີ້ ຢູ່ຄະນະວິຊາປ່າໄມ້ ວິທະຍາເຂດຊຽງເງີນ ວິທະຍາໄລກະສິກໍາ ແລະ ປ່າໄມ້ພາກເໜືອ ແຂວງຫຼວງພະບາງ ໄດ້ເປີດບັ້ນການສໍາມະນາຝຶກອົບຮົມກ່ຽວກັບ ການປ່ຽນແປງດິນຟ້າອາກາດ ແລະ ການຫຼຸດຜ່ອນການປ່ອຍທາດອາຍຜິດເຮືອນແກ້ວຈາກການທໍາລາຍປ່າໄມ້ ແລະ ການເຮັດໃຫ້ປ່າໄມ້ເສື່ມໂຊມ(REDD+), ມີພະນັກງານຄູອາຈານ, ນັກສຶກສາ ພ້ອມດ້ວຍພະນັກງານຫ້ອງການກະສິກໍາ ແລະ ປ່າໄມ້ເມືອງຊຽງເງີນ ໄດ້ເຂົ້າຮ່ວມສໍາມະນາຮັບຟັງການເຜີຍແຜຄວາມຮູ້ພື້ນຖານກ່ຽວກັບ REDD+. ໃຫ້ກຽດເປັນປະທານໂດຍ ທ່ານ ອາຈານ ສົມສີ ຄໍາມະນີວົງ ຮອງອໍານວຍການວິທະຍາໄລກະສິກໍາ ແລະ ປ່າໄມ້, ທ່ານ ຄໍາແສນ ອຸ່ນຄໍາ ຮອງກົມປ່າໄມ້, ຫົວໜ້າພະແນກ Redd+ ຂອງກົມປ່າໄມ້, ພ້ອມດ້ວຍທິມງານ ແລະ ມີນັກສໍາມະນາກອນພະນັກງານຄູອາຈານ ແລະ ນັກສຶກສາ, ພະນັກງານວິຊາການປ່າໄມ້ຈາກຫ້ອງການກະສິກໍາ ແລະ ປ່າໄມ້ເມືອງຊຽງເງີນເຂົ້າຮ່ວມທັງໝົດ 49 ຄົນ, ຍີງ 10 ຄົນ

ຕະຫຼອດໃນໄລຍະການສໍາມະນາ 2 ວັນ ເນື້ອໃນແມ່ນໄດ້ເນັ້ນໃສ່ນັກສໍາມະນາກອນໃຫ້ເຂົ້າໃຈກ່ຽວກັບ ການຫຼຸດຜ່ອນການປ່ອຍອາຍຜິດເຮືອນແກ້ວສູ່ບັນຍາກາດ ແລະ ບົດບາດຂອງປ່າໄມ້ຕໍ່ການປ່ຽນແປງດິນຟ້າອາກາດ, ການກະກຽມຄວາມພ້ອມເພື່ອຈັດຕັ້ງປະຕິບັດກິດຈະກໍາຂອງ REDD+ ເຊັ່ນ: ການຟື້ນຟູປ່າແບບທໍາມະຊາດ, ການປູກປ່າເພື່ອທົດແທນ ແລະ ການອະນຸລັກປ່າໄມ້ໃຫ້ຢືນຍົງ.

IMG_0999

ສຸດທ້າຍ ທ່ານ ຄໍາແສນ ອຸ່ນຄໍາ ຮອງກົມປ່າໄມ້, ຫົວໜ້າພະແນກ Redd+ ຂອງກົມປ່າໄມ້, ພ້ອມດ້ວຍທິມງານ ກໍ່ໄດ້ມອບເຄື່ອງ LCD, Wall screen ແລະ Printer 1  ຊຸດໃຫ້ຄະນະວິຊາປ່າໄມ້ເພື່ອເປັນການປະກອບສ່ວນໃນວຽກງານການຮຽນການສອນ ແລະ ເປັນການສ້າງຄູ່ຮ່ວມງານກ່ຽວກັບ REDD+ ໃຫ້ແໜ້ນແຟ້ນຕື່ມໃນອານາຄົດ.

ການບໍລິຈາກເລືອດ

ໃນຕອນເຊົ້າຂອງວັນທີ 25 ຕຸລາ 2017 ເວລາ 8:00 ທີ່ຜ່ານມາ ທາງອົງການກາແດງແຂວງຫຼວງພະບາງໄດ້ລົງ ມາຮັບການບໍລິຈາກເລືອດຈາກນັກສຶກສາຄະນະວິຊາປ່າໄມ້ຢູ່ທີ່ຫ້ອງປະຊຸມຂອງຄະນະວິຊາປ່າໄມ້ບ້ານປາກຂັນ ເມືອງຊຽງເງີນ ແຂວງຫຼວງພະບາງ ໂດຍມີພະນັກງານ ຄູອາຈານ ແລະ ນັກສຶກສາທັງສອງລະບົບເຂົ້າຮ່ວມຢ່າງ ພ້ອມພຽງຮຽງໜ້າ ພາຍໃຕ້ບັນຍາກາດອັນເບີກບານມ່ວນຊື່ນ. ໃນຄັ້ງນີ້ ມີນັກສຶກສາບໍລິຈາກເລືອດເປັນຈໍານວນ 27 ຄົນ, ຍີງ 9 ຄົນ

ຄະນະວິຊາປ່າໄມ້ ວິທະຍາເຂດຊຽງເງີນໄດ້ບໍລິຈາກເລຶອດ

ໃນຕອນເຊົ້າຂອງວັນທີ 12 ພຶດສະພາ 2017 ນີ້ ທີ່ຫ້ອງປະຊຸມຄະນະວິຊາປ່າໄມ້ ວິທະຍາເຂດຊຽງເງີນ  ໄດ້ຈັດຕັ້ງຂະບວນການບໍລິຈາກເລຶອດຊ່ວຍເຫຼືອຄົນປ່ວຍ ແລະ ບາດເຈັບ ໃຫ້ແກ່ອົງການກາແດງລາວ ສູນຮັບບໍຈາກລິເລຶອດປະຈໍາຢູ່ ແຂວງຫຼວງພະບາງ ເພື່ອໄປຮັບໃຊ້ສັງຄົມ ແລະ ຊ່ວຍເຫຼືອຜູ້ທີ່ທຸກຍາກຂາດເຂີນດ້ານງົບປະມານ ຜູ້ທີ່ຕ້ອງການເລຶອດຢູ່ພາຍໃນໂຮງໝໍ ແຂວງຫຼວງພະບາງ ແລະ ທົ່ວປະເທດລາວ. ການບໍລິຈາກຄັ້ງນີ້ ມີຜູ້ອາສາ ສະມັກບໍລິຈາກເລຶອດທັງໝົດ 20 ຄົນ ມີພະນັກງານ ຄູອາຈານຂອງຄະນະວິຊາປ່າໄມ້ ວິທະຍາເຂດຊຽງເງີນ 3 ຄົນ, ນັກສຶກສາ 16 ຄົນ ແລະ ພະນັກງານຫ້ອງການ ອ້ອມຂ້າງເມືອງອິກ 1 ຄົນ.

This slideshow requires JavaScript.

ພິທີຮັບສະມາຊິກພັກໃໝ່ ຂອງຄະນະວິຊາປ່າໄມ້

ໃນຕອນແລງຂອງວັນທີ 9 ພຶດສະພາ 2017 ທີ່ຫໍປະຊຸມ ຄະນະວິຊາປ່າໄມ້ ວິທະຍາເຂດຊຽງເງີນ ໄດ້ເປີດພິທີ ຮັບເອົາສະມາຊິກຜູ້ກ້າວໜ້າເຂົ້າເປັນພັກສໍາ ຮອງ ແລະ ເລື່ອນສະມາຊິກພັກສໍາຮອງເຂົ້າເປັນສະມາຊິກສົມບຸນ. Continue reading ພິທີຮັບສະມາຊິກພັກໃໝ່ ຂອງຄະນະວິຊາປ່າໄມ້

ເວັບໄຊ່ ຂອງຄະນະວິຊາປ່າໄມ້

ໄປຄຽງຄູ່ກັບການພັດທະນາເວັບໄຊ່ ຂອງ ວິທະຍາໄລກະສິກໍາ ແລະ ປ່າໄມ້ພາກເໜືອ ອອກບໍລິການໃຫ້ສັງຄົມໄດ້ນໍາໃຊ້ ແລະ ຕິດຕາມນັ້ນ ເພື່ອໃຫ້ມີຄວາມສະດວກໃນການຊອກຮູ້ອິກໜື່ງໃນຄະນະວິຊາປ່າໄມ້ກໍ່ໄດ້ກໍ່ຕັ້ງເປັນເວັບໄຊ່ຄະນະວິຊາປ່າໄມ້ຂື້ນມາເພື່ອອໍານວຍຄວາມສະດວກໃຫ້ແກ່ຜູ້ສົນໃຈທົ່ວໄປນໍາໃຊ້ ແລະ ຕິດຕາມຂ່າວເຄົາທີ່ໃຫ້ບໍລິການສັງຄົມດ້ານເຕັກນິກວິຊາການ. ເຊີ່ງທ່ານຜູ້ຊົມທັງຫຼາຍ ສາມາດຕິດຕາມເວັບໄຊຂອງຄະນະວິຊາປ່າໄມ້ໄດ້ທີ່: https://facultyofforestryblog.wordpress.com/ Continue reading ເວັບໄຊ່ ຂອງຄະນະວິຊາປ່າໄມ້