ພິທີຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງ

ພິທີຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ຂອງໜ່ວຍພັກຄະນະວິຊາປ່າໄມ້ ໄດ້ຈັດຂຶ້ນໃນວັນທີ 19 ມິຖຸນາ 2020 ນີ້ ທີ່ຫ້ອງປະຊຸມຄະນະວິຊາປ່າໄມ້ ໂດຍການເປັນປະທານຂອງ ສະຫາຍ ສົມສີ ຄຳມະນີວົງ ຄະນະພັກຮາກຖານວິທະຍາໄລກະສິກຳ ແລະ ປ່າໄມ້ພາກເໜືອ, ມີສະມາຊິກພັກພາຍໃນໜ່ວຍ ແລະ ເລຂາໜ່ວຍພັກອ້ອມຂ້າງເຂົ້າຮ່ວມ. ໃນພິທີດັ່ງກ່າວ ຄະນະຈັດຕັ້ງພິທີໄດ້ຜ່ານມະຕິຕົກລົງຂອງຄະນະປະຈໍາພັກແຂວງ ວ່າດ້ວຍຮັບເອົາມະຫາຊົນກ້າວໜ້າ ເຂົ້າເປັນສະມາຊິກພັກສໍາຮອງ 3 ສະຫາຍ ຄື: ສະຫາຍ ລີ ຊົ່ງ, ສະຫາຍ ທະນູສອນ ສຸລິຍະສັກ ແລະ ສະຫາຍ ນາງ ເພັດສະໝອນ ຍຸດຕິຂັນ ທັງນີ້ກໍເພື່ອເປັນການປະຕິບັດຕາມກົດລະບຽບຂອງພັກປະຊາຊົນປະຕິວັດລາວວາງອອກ, ຈາກນັ້ນ ສະຫາຍ ນິກອນ ສຸດທິວົງ ເລຂາໜ່ວຍພັກຄະນະວິຊາປ່າໄມ້ ໄດ້ຂຶ້ນມອບມະຕິຕົກລົງຂອງຄະນະປະຈໍາພັກແຂວງວ່າດ້ວຍຮັບເອົາມະຫາຊົນກ້າວໜ້າ ເຂົ້າເປັນສະມາຊິກພັກສໍາຮອງ ພ້ອມທັງຈັບມືຮັບເອົາສະມາຊິກພັກສໍາຮອງເຂົ້າໃນໜ່ວຍຂອງຕົນ. ຕອນທ້າຍພິທີ ສະຫາຍ ສົມສີ ຄຳມະນີວົງ ຄະນະພັກຮາກຖານວິທະຍາໄລກະສິກຳ ແລະ ປ່າໄມ້ພາກເໜືອ ໄດ້ມີຄຳເຫັນຊຶ່ງສະຫາຍໄດ້ສະແດງຄວາມຍ້ອງຍໍ ຊົມເຊີຍສະມາຊິກພັກສໍາຮອງໃໝ່, ເນັ້ນໜັກໃຫ້ເອົາໃຈໃສ່ຄົ້ນຄວ້າຮໍ່າຮຽນກົດລະບຽບຂອງພັກໃຫ້ເລິກເຊິ່ງ, … Continue reading ພິທີຮັບມະຫາຊົນກ້າວໜ້າເຂົ້າເປັນສະມາຊິກພັກສຳຮອງ

ຄະນະວິຊາປ່າໄມ້ສ້າງຂະບວນການອອກແຮງງານລວມ

ວັນທີ 5 ມິຖຸນາ 2020 ນີ້ ຄະນະວິຊາປ່າໄມ້ ວິທະຍາເຂດຊຽງເງິນ ໄດ້ສ້າງຂະບວນການອອກແຮງງານລວມ ໂດຍການນໍາພາຂອງ ອາຈານ ເຢເຮີ ເລຍເລັຍເຊີ ຮອງຫົວໜ້າຄະນະວິຊາປ່າໄມ້, ມີພະນັກງານຄູອາຈານ ແລະ ນັກສຶກສາເຂົ້າຮ່ວມ 20 ກວ່າຄົນ. ໃນການສ້າງຂະບວນການອອກແຮງງານໃນຄັ້ງນີ້ ໄດ້ຮ່ວມກັນຕັດຫຍ້າ ແລະ ອະນາໄມບໍລິເວນຫ້ອງການ, ອາຄານຮຽນ, ຫ້ອງປະຊຸມ, ຫໍພັກ ແລະ ບໍລິເວນເສັ້ນທາງໜ້າຄະນະວິຊາ ເພື່ອໃຫ້ມີຄວາມສະອາດຮຽບຮ້ອຍ ທັງນີ້ກໍ່ແມ່ນເພື່ອເປັນການສ້າງຂະບວນການອັນສໍາຄັນເນື່ອງໃນວັນສິ່ງແວດລ້ອມໂລກ ເຮັດໃຫ້ສິ່ງແວດລ້ອມພາຍໃນຄະນະວິຊາເປັນສີຂຽວ, ສະອາດງາມຕາ, ຫຼຸດຜ່ອນ ແລະ ປ້ອງກັນໃຫ້ປາສະຈາກມົນລະພິດ ທີ່ສົ່ງຜົນສະທ້ອນອັນບໍ່ດີຕໍ່ລະບົບນິເວດ ປະກອບສ່ວນເຂົ້າໃນການຫຼຸດຜ່ອນສະພາບໂລກຮ້ອນ. #ພາບ_ຂ່າວໂດຍ: ພຸດທະຟົງ ເຮີ Afong Phouthafong (ນັກຂ່າວ ຄະນະວິຊາປ່າໄມ້)

#ຄະນະວິຊາປ່າໄມ້ ໄດ້ຕ້ອນຮັບການມາຢ້ຽມຢາມຂອງອາດີດນັກສຶກສາ

ວັນທີ 14 ກຸມພາ 2020 ຢູ່ທີ່ຄະນະວິຊາປ່າໄມ້ ( ວິທະຍາເຂດຊຽງເງິນ ) ອາດີດນັກສຶກສາຄະນະວິຊາປ່າໄມ້ ໄດ້ມາຢ້ຽມຢາມພົບປະນໍາໂດຍ ທ່ານ ຄໍາພຸດ ແກ້ວບຸນມາ ຫົວໜ້າຫ້ອງການກະສິກໍາ ແລະ ປ່າໄມ້ ເມືອງໂພນໄຊ ໂດຍໃຫ້ກຽດຕ້ອນຮັບຂອງ ທ່ານ ນິກອນ ສຸດທິວົງ ຫົວໜ້າຄະນະວິຊາປ່າໄມ້ ພ້ອມດ້ວຍພະນັກງານ, ອາຈານ ແລະ ຕາງໜ້າຈາກຂະແໜງການທີ່ກ່ຽວຂ້ອງເຂົ້າຮ່ວມ. ຈຸດປະສົງຂອງການຢ້ຽມຢາມໃນຄັ້ງນີ້ ເປັນການພົບປະຂອງບັນດາອາດີດນັກສຶກສາຄະນະວິຊາປ່າໄມ້ ທີ່ໄດ້ສໍາເລັດການສຶກສາ ໃນສົກສຶກສາ 1989 – 1993 ໄດ້ກັບຄືນມາຢ້ຽມຢາມພົບປະກັບຄູອາຈານຕົນຂຶ້ນ, ໃນໂອກາດພົບປະຢ້ຽມຢາມຄັ້ງນີ້ ອາດີດນັກສຶກສາໄດ້ຈັດຊື້ອຸປະກອນຮັບໃຊ້ຈໍານວນໜຶ່ງມອບໃຫ້ແກ່ຄະນະວິຊາປ່າໄມ້ ເຊິ່ງ ທ່ານ ຄໍາພຸດ ແກ້ວບຸນມາ ຫົວໜ້າຫ້ອງການກະສິກໍາ ແລະ ປ່າໄມ້ ເມືອງໂພນໄຊ ໄດ້ຂຶ້ນຕາງໜ້າມອບເຄື່ອງກິລາຈໍານວນ 20 ຊຸດ, ໝາກບານຈໍານວນໜຶ່ງ ແລະ ມອບວັດຖຸປັດໃຈຮັບໃຊ້ໃນງານຄັ້ງນີ້ ລວມມູນຄ່າ 3 ລ້ານກວ່າກີບ. ໃນໂອກາດດັ່ງກ່າວນີ້ ທ່ານ … Continue reading #ຄະນະວິຊາປ່າໄມ້ ໄດ້ຕ້ອນຮັບການມາຢ້ຽມຢາມຂອງອາດີດນັກສຶກສາ

ກອງປະຊຸມສະຫຼຸບກອງທຶນ ພັດທະນາການຜະລິດ ປະຈໍາປີ 2019 ແລະ ຜ່ານແຜນ ປະຈໍາປີ 2020

ໃນຕອນເຊົ້າ ວັນທີ 29 ມັງກອນ 2020 ຢູ່ທີ່ສະໂມສອນຂອງວິທະຍາໄລກະສິກຳ ແລະ ປ່າມ້ ພາກເໜືອ ໄດ້ມີກອງປະຊຸມ ສະຫຼຸບວຽກງານກອງທຶນພັດທະນາການຜະລິດ ປະຈໍາປີ 2019 ແລະ ແຜນການ ປະຈໍາປີ 2020 ຂຶ້ນ, ໂດຍການເປັນປະທານ ຂອງ ທ່ານ ທອງສະມຸດ ພູມມະສອນ ອໍານວຍການວິທະຍາໄລກະສິກຳ ແລະປ່າໄມ້ ພາກເໜືອ, ມີບັນດາສະມາຊິກກອງທຶນ ທີ່ເປັນພະນັກງານຄູອາຈານ ແລະ ນັກສຶກສາ ເຂົ້າຮ່ວມ, ໃນພິທີ ທ່ານ ທອງສະມຸດ ພູມມະສອນ ໄດ້ມີຄໍາເຫັນພ້ອມທັງກ່າວເປີດກອງປະຊຸມ, ຫຼັງຈາກນັ້ນ ທ່ານ ອາຈານ ນູວ່າງ ຫວາເນັ່ງ ຜູ້ຮັບຜິດຊອບກອງທຶນການຜະລິດຂອງວິທະຍາໄລ ກໍໄດ້ຂຶ້ນຜ່ານບົດສະຫຼຸບ ປະຈໍາປີ 2019 ແລະ ນໍາສະເໜີທິດທາງແຜນການຂອງທອງທຶນ ພັດທະນາການຜະລິດ ໃນປີ 2020, ຈາກນັ້ນກໍໄດ້ມີການປະກອບຄໍາຄິດເຫັນຕໍ່ກອງປະຊຸມດັ່ງກ່າວ. ******************* ພາບໂດຍ: ທ້າວ ເຢຍວື … Continue reading ກອງປະຊຸມສະຫຼຸບກອງທຶນ ພັດທະນາການຜະລິດ ປະຈໍາປີ 2019 ແລະ ຜ່ານແຜນ ປະຈໍາປີ 2020

ພິທີປະຖະກະຖາ ເລົ່າມູນເຊື້ອວັນສ້າງຕັ້ງສະຫະພັນກໍາມະບານລາວ ຄົບຮອບ 64 ປີ

ໃນຕອນແລງຂອງວັນທີ 29 ມັງກອນ 2020 ທີ່ສະໂມສອນຂອງວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ຈັດພິທີປະຖະກະຖາ ເລົ່າມູນເຊື້ອວັນສ້າງຕັ້ງສະຫະພັນກໍາມະບານລາວ ຄົບຮອບ 64 ປີ ( 1/2/1956-1/2/2020), ໂດຍການປະຖະກະຖາຂອງ ສະຫາຍ ທອງສະມຸດ ພູມມະສອນ ອໍານວຍການວິທະຍາໄລ, ມີຫົວໜ້າ-ຮອງຫົວໜ້າຫ້ອງການ, ຫົວໜ້າ-ຮອງຫົວໜ້າ ຄະນະວິຊາ, ປະທານ-ຮອງປະທານສະຫະພັນກໍາມະບານວິທະຍາໄລ ພ້ອມດ້ວຍພະນັກງານ, ຄູ-ອາຈານ ແລະ ນັກສຶກສາທີ່ເປັນສະມາຊິກສະຫະພັນກໍາມະບານຂອງວິທະຍາໄລເຂົ້າຮ່ວມຮັບຟັງ. ໂອກາດດັ່ງກ່າວ ສະຫາຍ ທອງສະມຸດ ພູມມະສອນ ໄດ້ໃຫ້ກຽດຂຶ້ນປະຖະກະຖາມູນເຊື້ອວັນສ້າງຕັ້ງສະຫະພັນກໍາມະບານລາວ ເຊຶ່ງທ່ານໄດ້ຍົກໃຫ້ເຫັນການກໍາເນີດ ແລະ ເຕີບໃຫຍ່ຂະຫຍາຍຕົວ ຂອງອົງການຈັດຕັ້ງກໍາມະບານລາວ ທີ່ມີມູນເຊື້ອດຸໝັ່ນຂະຫຍັນພຽນໃນການອອກແຮງງານ, ມູນເຊື້ອສາມັກຄີປອງດອງ ມູນເຊື້ອວັດທະນະທໍາ ທີ່ມີລັກສະນະອັນດີງາມ ແລະ ມູນເຊື້ອແຫ່ງການຕໍ່ສູ້ບໍ່ຍອມຈໍານົນຕໍ່ການຮຸກຮານຂອງພວກລ່າເມືອງຂຶ້ນຢ່າງເດັດດ່ຽວໜຽວແໜ້ນ ຂອງບັນດາບັນພະບຸລຸດຊົນຊັ້ນກໍາມະກອນ ຂອງຊາວຜູ້ອອກແຮງງານບັນດາເຜົ່າ ໃນການທ້ອນໂຮມ ປົກປັກຮັກສາ ແລະ ສ້າງສາປະເທດຊາດ ເພື່ອຄວາມຢູ່ເຢັນເປັນສຸກຂອງປະຊາຊົນບັນດາເຜົ່າໃນແຕ່ລະຍຸກ ແຕ່ລະສະໄໝສືບທອດກັນມາຈົນເຖິງປັດຈຸບັນ, ຜົນງານທີ່ພົ້ນເດັ່ນໃນໄລຍະ 64 ປີ ຂອງອົງການຈັດຕັ້ງກໍໍາມະບານລາວໃນການປະກອບສ່ວນພາລະກິດປະຕິວັດໄລຍະແຫ່ງການປົກປັກຮັກສາ … Continue reading ພິທີປະຖະກະຖາ ເລົ່າມູນເຊື້ອວັນສ້າງຕັ້ງສະຫະພັນກໍາມະບານລາວ ຄົບຮອບ 64 ປີ

ການມາແລກປ່ຽນບົດຮຽນຂອງວິທະຍາໄລກະສິກຳ ແລະ ປ່າໄມ້ ສະຫວັນນະເຂດ ຢູ່ທີ່ຄະນະວິຊາປ່າໄມ້

ພິທີພົບປະແລກປ່ຽນບົດຮຽນລະຫວ່າງ ວິທະຍາໄລກະສິກຳ ແລະ ປ່າໄມ້ ສະຫວັນນະເຂດ ແລະ ຄະນະວິຊາປ່າໄມ້ ວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ຈັດຂຶ້ນໃນວັນທີ 30 ພະຈິກ 2019 ນີ້ທີ່ ຄະນະວິຊາປ່າໄມ້ ວິທະຍາເຂດຊຽງເງິນ ໂດຍເຂົ້າຮ່ວມຂອງ ທ່ານ ນິກອນ ສຸດທິວົງ ຫົວໜ້າຄະນະວິຊາປ່າໄມ້ ແລະ ທ່ານ ຈໍາປາທອງ ທໍາມະວົງ ຮອງອໍານວຍການວິທະຍາໄລກະສິກຳ ແລະ ປ່າໄມ້ ສະຫວັນນະເຂດ ມີພະນັກງານ ແລະ ອາຈານ ທັງສອງພາກສ່ວນເຂົ້າຮ່ວມ. ຈຸດປະສົງຂອງການແລກປ່ຽນບົດຮຽນໃນຄັ້ງນີ້ ກໍ່ເພື່ອເປັນການແລກປ່ຽນທາງດ້ານເຕັກນິກວິຊາການ ໃນການຄຸ້ມຄອງການຮຽນການສອນ, ການພັດທະນາເນື້ອໃນການສອນ, ປັບປຸງ ແລະ ຂະຫຍາຍພັນໄມ້, ການຈັດການດ້ານຟາມສາທິດປ່າໄມ້, ການສ້າງລາຍຮັບ ແລະ ດໍາເນີນການຄົ້ນຄວ້າທົດລອງດ້ານປ່າໄມ້, ຈັດຝຶກອົບຮົມ, ການເຮັດພາກປະຕິບັດຕົວຈິງດ້ານງານຟາມ, ພື້ນຖານວັດຖຸເຕັກນິກ, ການວາງແຜນດໍາເນີນການທົດລອງ, ເກັບກໍາຂໍ້ມູນ, ວິເຄາະຂໍ້ມູນທາງສະຖິຕິ, ການສໍາຫຼວດສ້າງແຕ້ມແຜນທີ່ໃນການວາງແຜນຄຸ້ມຄອງປ່າໄມ້ ແລະ ຂຽນບົດລາຍງານຕ່າງໆ … Continue reading ການມາແລກປ່ຽນບົດຮຽນຂອງວິທະຍາໄລກະສິກຳ ແລະ ປ່າໄມ້ ສະຫວັນນະເຂດ ຢູ່ທີ່ຄະນະວິຊາປ່າໄມ້

ນັກສຶກສາຄະນະວິຊາປ່າໄມ້ໄດ້ຝຶກອົບຮົມທີ່ແຂວງໄຊຍະບູລີ

ວັນທີ 04-06 ທັນວາ 2019 ນີ້ ນັກສຶກສາຄະນະວິຊາປ່າໄມ້ ປີທີ 3 ໄດ້ຮັບການຝຶກອົບຮົມຫົວຂໍ້: “ເຕັກນິກການປ້ອງກັນໄຟໄໝ້ລາມປ່າ” ທີ່ພະແນກກະສິກໍາ ແລະ ປ່າໄມ້ແຂວງໄຊຍະບູລີ ເຂົ້າຮ່ວມໃນພິທີມີ ທ່ານ ພົງແກ້ວ ບຸນຍາວົງ ຫົວໜ້າຂະແໜງປ່າໄມ້ແຂວງ, ທ່ານ ນິກອນ ສຸດທິວົງ ຫົວໜ້າຄະນະວິຊາປ່າໄມ້ ພ້ອມດ້ວຍຄູຝຶກ, ອາຈານ ແລະ ນັກສຶກສາເຂົ້າຮ່ວມ 20 ກວ່າທ່ານ. ໃນພິທີ ທ່ານ ພົງແກ້ວ ບຸນຍາວົງ ຫົວໜ້າຂະແໜງປ່າໄມ້ແຂວງ ໄດ້ມີຄໍາເຫັນກ່າວເປີດຊຸກຝຶກອົບຮົມນີ້ວ່າ ການປ້ອງກັນ ແລະ ສະກັດກັ້ນໄຟໄໝ້ລາມປ່າ ເປັນວຽກຍຸດທະສາດທີ່ສໍາຄັນໃນການປົກປັກຮັກສາປ່າໄມ້ ໃຫ້ມີຄວາມອຸດົມສົມບູນ ຊຶ່ງສາເຫດຫຼັກທີ່ພາໃຫ້ເກີດມີໄຟໄໝ້ລາມປ່າມີສາເຫດມາຈາກທໍາມະຊາດ ແລະ ມະນຸດສ້າງຂຶ້ນເຊັ່ນ: ຈາກຜູ້ຄົນທີ່ດໍາລົງຊີວິດທີ່ຕິດພັນກັບປ່າໄມ້, ການຈູດພື້ນທີ່ເພື່ອທຳການຜະລິດ, ຈູດໃຫ້ເກີດຫຍ້າເພື່ອລ້ຽງສັດ, ຈູດເພື່ອລ່າສັດ, ຈູດເພື່ອຄວາມສະດວກໃນການເດີນທາງ, ຈູດໂດຍຄົນເຂົ້າໄປພັກແຮມຄືນຢູ່ໃນປ່າ ແລະ ອຶ່ນໆ. ເຫັນໄດ້ວ່າເຫດການໄຟໄໝ້ລາມປ່າຢູ່ບ້ານເມືອງຂອງພວກເຮົາຍັງບໍ່ເຖິງຂັ້ນຮ້າຍແຮງ ເປັນພຽງໄຟໄໝ້ລາມປ່າຕາມປະເພນີປົກກະຕິຊຶ່ງຜູ້ຄົນໄດ້ກະທໍາຕາມລະດູການ ປະເພດຂອງໄຟໄໝ້ປ່າປະກອບມີ 3 ປະເພດຄື: … Continue reading ນັກສຶກສາຄະນະວິຊາປ່າໄມ້ໄດ້ຝຶກອົບຮົມທີ່ແຂວງໄຊຍະບູລີ

ວິທະຍາໄລກະສິກຳ ແລະ ປ່າໄມ້ ພາກເໜືອ ເຊື່ອມຊຶມເອກະສານເກັບກຳສະພາບແນວຄິດຫາງສຽງສັງຄົມ

ວັນທີ 1 ພະຈິກ 2019 ຢູ່ທີ່ສະໂມສອນຂອງວິທະຍາໄລກະສິກໍາ ແລະ ປ່າໄມ້ ພາກເໜືອ ໄດ້ມີພິທີເຜີຍແຜ່, ເຊື່ອມຊຶມເອກະສານຫາງສຽງສັງຄົມ, ໃນພິທີດັ່ງກ່າວໃຫ້ກຽດບັນລະຍາຍເອກະສານໂດຍ ທ່ານ ຄໍາຫຼ້າ ລຽນປະດິດ ກໍາມະການປະຈໍາພັກແຂວງ, ຫົວໜ້າຄະນະໂຄສະນາອົບຮົມ ແຂວງຫຼວງພະບາງ. ມີຄະນະອໍານວຍການວິທະຍາໄລ, ແລະພະນັກງານ, ຄູອາຈານ ພ້ອມດ້ວຍນັກສຶກສາ ເຂົ້າຮ່ວມຮັບຟັງ. ໃນພີທີ ທ່ານ ນາງ ຈັນສຸກ ວິໄລພອນ ຮັກສາການຫົວໜ້າຂະແໜງຄົ້ນຄວ້າສັງລວມ ແລະ ເກັບກຳຫາງສຽງສັງຄົມ ໄດ້ຂຶ້ນຜ່ານຄໍາສັ່ງແນະນໍາ ຂອງຄະນະປະຈໍາພັກແຂວງ, ສະບັບເລກທີ່ 06/ຄປພຂ-ຫຼບ ວ່າດ້ວຍການເພີ່ມທະວີວຽກງານຕິດຕາມ, ເກັບກຳສະພາບແນວຄິດ-ຫາງສຽງສັງຄົມໃນໄລຍະໃໝ່. ຈາກນັ້ນ ທ່ານ ຄໍາຫຼ້າ ລຽນປະດິດ ໄດ້ການເຊື່ອມຊືມເອກະສານ ທ່ານໄດ້ຍົກໃຫ້ເຫັນ ສະພາບການໃນປັດຈຸບັນນີ້ ບັນຫາຫາງສຽງທາງສັງຄົມທົ່ວໄປ ແລະ ກຸ່ມຄົນບໍ່ຫວັງດີທີ່ມີຕໍ່ການນໍາພາຂອງພັກເຮົາ ກໍຄືລະບອບການນໍາພາ ຂອງພັກເຮົາໃນປັດຈຸບັນ. ໃນຕອນທ້າຍພິທີທ່ານ ໄດ້ເນັ້ນໜັກໃຫ້ພະນັກງານ, ຄູອາຈານ ພ້ອມດ້ວຍນັກສຶກສາທຸກຄົນຈົ່ງພ້ອມກັນເປັນເຈົ້າການໃນການເພີ່ມສະຕິຂອງຕົນເອງໃຫ້ສູງ, ຮູ້ຈັກຈໍາແນກມິດສັດຕູໃຫ້ຈະແຈ້ງ ພ້ອມກັນເປັນເຈົ້າການຕ້ານທຸກປະກົດການຫຍໍ້ທໍ້, ບັນດາກົນອຸບາຍຫັນປ່ຽນໂດຍສັນຕິຂອງພວກກຸ່ມຄົນທີ່ບໍ່ດີ, ພ້ອມກັນຊຸກຍູ້, … Continue reading ວິທະຍາໄລກະສິກຳ ແລະ ປ່າໄມ້ ພາກເໜືອ ເຊື່ອມຊຶມເອກະສານເກັບກຳສະພາບແນວຄິດຫາງສຽງສັງຄົມ

ຄະນະວິຊາປ່າໄມ້ ແລກປ່ຽນບົດຮຽນທີ່ກອງຄຸ້ມຄອງປ່າສະຫງວນແຫ່ງຊາດນ້ຳແອດ-ພູເລີຍ ເມືອງຮ້ຽມ, ແຂວງຫົວພັນ

ໃນລະຫວ່າງວັນທີ 23-24 ຕຸລາ 2019 ນີ້ ພະນັກງານ, ຄູ-ອາຈານ ແລະ ນັກສຶກສາລະບົບຕໍ່ເນື່ອງ ຄະນະວິຊາປ່າໄມ້ ໄດ້ໄປແລກປ່ຽນບົດຮຽນ ພາຍໃຕ້ຫົວຂໍ້ການຄົ້ນຄວ້າ ແລະ ການວິໄຈຄວາມຫຼາກຫຼາຍຂອງຊະນິດພັນສັດປ່າ ທີ່ ປ່າສະຫງວນແຫ່ງຊາດນ້ຳແອດ-ພູເລີຍ, ເມືອງຮ້ຽມ, ແຂວງຫົວພັນ ໂດຍການເຂົ້າຮ່ວມຂອງ ທ່ານ ວິລະກອນ ແພງດວງ ຮອງຫົວໜ້າກອງຄຸ້ມຄອງປ່າສະຫງວນແຫ່ງຊາດນ້ຳແອດ-ພູເລີຍ, ທ່ານ ນິກອນ ສຸດທິວົງ ຫົວໜ້າຄະນະວິຊາປ່າໄມ້ ພ້ອມດ້ວຍອາຈານ, ນັກສຶກສາລະບົບຕໍ່ເນື່ອງ ແລະ ວິຊາການປະຈຳປ່າສະຫງວນເຂົ້າຮ່ວມ ຈຳນວນ 24 ທ່ານ, ຍິງ 07 ທ່ານ. ທ່ານ ວິລະກອນ ແພງດວງ ຮອງຫົວໜ້າກອງຄຸ້ມຄອງປ່າສະຫງວນແຫ່ງຊາດນ້ຳແອດ-ພູເລີຍ ໄດ້ນຳສະເໜີສະພາບລວມຂອງປ່າສະຫງວນແຫ່ງຊາດແຫ່ງນີ້ວ່າ: ປ່າສະຫງວນແຫ່ງຊາດນ້ຳແອດ-ພູເລີຍຕັ້ງຢູ່ພາກຕາເວັນອອກສ່ຽງເໜືອຂອງ ສປປ ລາວ ເຊີ່ງມີເນື້ອທີ່ທັງໝົດ 410,720 ເຮັກຕາ, ໂດຍກວມເອົາ 9 ເມືອງໃນ 3 ແຂວງຄື: ແຂວງຫົວພັນ, ແຂວງຊຽງຂວາງ … Continue reading ຄະນະວິຊາປ່າໄມ້ ແລກປ່ຽນບົດຮຽນທີ່ກອງຄຸ້ມຄອງປ່າສະຫງວນແຫ່ງຊາດນ້ຳແອດ-ພູເລີຍ ເມືອງຮ້ຽມ, ແຂວງຫົວພັນ

ຄະນະວິຊາປະມົງສໍາເລັດການຝຶກອົບຮົມ ການວິໄຈຄຸນນະພາບນໍ້າ, ການຜະລິດອາຫານຈາກວັດຖຸດິບໃນທ້ອງຖິ່ນ, ການປະສົມພັນທຽມປາດຸກ

ວັນທີ 25 ຕຸລາ 2019 ນີ້ຢູ່ທີ່ຫ້ອງປະຊຸມວິທະຍາໄລກກະສິກຳ ແລະ ປ່າໄມ້ ພາກເໜືອ ໄດ້ມີພິທີ ປິດຊຸດຝຶກອົບຮົມການວິໄຈຄຸນນະພາບນໍ້າ, ການຜະລິດອາຫານຈາກວັດຖຸດິບໃນທ້ອງຖິ່ນ ແລະ ການປະສົມພັນທຽມປາດຸກ ຂຶ້ນ. ໂດຍການເຂົ້າຮ່ວມຂອງ ທ່ານ ປອ. ອຸໄທ ສຸກຂີ ຮອງອໍານວຍການວິທະຍາໄລ, ມີວິທະຍາກອນມາຈາກ ຄະນະເທັກໂນໂລຢີການປະມົງ ແລະຊັບພະຍາກອນທາງນໍ້າ ມະຫາວິທະຍາໄລ ແມ່ໂຈ້ ລາດຊະອານາຈັກໄທ ຈໍານວນ 2 ທ່ານ, ມີຄູອາຈານຈາກຄະນະວິຊາປະມົງຂອງວິທະຍາໄລເຂົ້າຮ່ວມ. ພິທີທ່ານ ອາລຸນໄຊ ປະສິດທິ ໄດ້ລາຍງານຜົນການຝຶກອົບຮົມໃນຄັ້ງນີ້ວ່າ: ການຝຶກອົບຮົມດັ່ງກ່າວແມ່ນໄດ້ເລີ່ມແຕ່ ວັນທີ 21-25 ຕຸລາ 2019, ເຊິ່ງໄດ້ຝຶກອົບຮົມໃນການວິໄຈຄຸນນະພາບນໍ້າສໍາລັບການລ້ຽງປາ ແລະ ການເກັບຕົວຢ່າງ, ການວິເຄາະນໍ້າ, ການປະເມີນແຫຼ່ງນ້ຳ ໂດຍການໃຊ້ສິ່ງທີ່ມີຊີວິດ, ການຜະລິດອາຫານຈາກທຳມະຊາດ, ການລ້ຽງໄຮແດງ, ການປະສົມພັນທຽມປາດຸກ ແລະ ການະສົມພັນອ່ຽນ, ໂອກາດດັ່ງກ່າວ ທ່ານ ປອ. ອຸໄທ ສຸກຂີ … Continue reading ຄະນະວິຊາປະມົງສໍາເລັດການຝຶກອົບຮົມ ການວິໄຈຄຸນນະພາບນໍ້າ, ການຜະລິດອາຫານຈາກວັດຖຸດິບໃນທ້ອງຖິ່ນ, ການປະສົມພັນທຽມປາດຸກ