ວິທະຍາໄລກະສິກຳ ແລະ ປ່າໄມ້ ພາກເໜືອ ຈັດພິທີປ້ອງກັນບົດໂຄງການຈົບຊັ້ນ ປະຈໍາສົກຮຽນ 2020-2021

ໃນຕອນເຊົ້າ ວັນທີ 10 ສິງຫາ 2021 ຢູ່ທີ່ສະໂມສອນຂອງວິທະຍາໄລ ໄດ້ມີພິທີປ້ອງກັນບົດໂຄງການຈົບຊັ້ນ ຫຼັກສູດກະສິກຳ ແລະ ປ່າໄມ້ ເຂດເນີນສູງ ຂອງນັກສຶກສາລະບົບຕໍ່ເນື່ອງຮຸ່ນທີ 8 ແລະ ລະບົບກໍ່ສ້າງ ຮຸ່ນທີ 9 ຂຶ້ນ.

ໂດຍການເປັນປະທານຂອງ ທ່ານ ທອງສະມຸດ ພູມມະສອນ ອຳນວຍການ ວິທະຍາໄລກະສິກຳ ແລະ ປ່າໄມ້ ພາກເໜືອ,  ມີຜູ້ຕາງໜ້າຈາກຂະແໜງວິຊາການອ້ອມຂ້າງພະແນກກະສິກຳ ແລະ ປ່າໄມ້ ແຂວງຫຼວງພະບາງ, ຜູ້ຕາງໜ້າຈາກຄະນະກະເສດສາດ ແລະ ຊັບພະຍາກອນປ່າໄມ້ ມະຫາວິທະຍາໄລ ສຸພານຸວົງ, ມີຫົວໜ້າ-ຮອງຫົວໜ້າຫ້ອງການ, ຫົວໜ້າ-ຮອງ ຫົວໜ້າຄະນະ, ພະນັກງານ-ຄູອາຈານ ແລະ ນັກສຶກສາ ປີທີ 3 ແລະ ຕໍ່ເນື່ອງ ເຂົ້າຮ່ວມ.

ໃນພິທີ ທ່ານ ອໍາໄພວັນ ສຸກສັນຕິ ຮອງອໍານວຍການວິທະຍາໄລ ຂຶ້ນຜ່ານຂໍ້ຕົກລົງຂອງ ລັດຖະມົນຕີກະຊວງກະສິກຳ ແລະ ປ່າໄມ້ ວ່າດ້ວຍການ ອະນຸມັດເປີດພິທີປ້ອງກັນບົດໂຄງການຈົບຊັ້ນ ແລະ ວ່າດ້ວຍການອະນຸມັດແຕ່ງຕັ້ງຄະນະກຳມະການຮັບຜິດຊອບປ້ອງກັນບົດລາຍງານຈົບຊັ້ນຫຼັກສູດກະສິກຳ ແລະ ປ່າໄມ້ເຂດເນີນສູງ. ຈາກນັ້ນ ທ່ານ ນາງ ໜໍ່ຄໍາ ວິລະວົງສາ ຫົວໜ້າຫ້ອງການພັດທະນາວິຊາການຂຶ້ນຜ່ານລະບຽບຂອງການປ້ອງການບົດ ແລະ ການຈັດແບ່ງຫ້ອງປ້ອງກັນບົດ. ໂອກາດດັ່ງກ່າວ ທ່ານ ທອງສະມຸດ ພູມມະສອນ ໄດ້ມີຄຳເຫັນໂອ້ລົມຕໍ່ກັບນັກສຶກສາທີຈະປ້ອງກັນບົດໂຄງການຈົບຊັ້ນໃຫ້ກະກຽມເອກະສານທີ່ຈະນໍາສະເໜີ, ພ້ອມທັງເອົາໃຈໃສ່ທົບທວນບົດໂຄງການຈົບຊັ້ນຂອງຕົນໃຫ້ກຳໄດ້ເນື້ອໃນເພື່ອບໍ່ໃຫ້ມັນຄ້າງຄາໃນການຕອບຄຳຖາມຂອງຄະນະກຳມະການ , ໃນຕອນທ້າຍຮຽກຮ້ອງໃຫ້ຄະນະກໍາມະການປະຕິບັດເວລາໃຫ້ເຂັ້ມງວດພ້ອມທັງສັງລວມຄະແນນໃຫ້ມີຄວາມໂປ່ງໃສ, ຍຸຕິທໍາ ແລະ ວອງໄວທ່ວງທັນກັບເວລາທີ່ກໍານົດໄວ້. ການດຳເນີນປ້ອງກັນບົດໂຄງການຈົບຊັ້ນໃນຄັ້ງນີ້ມີນັກສຶກສາເຂົ້າປ້ອງກັນບົດທັງໝົດ 87 ຄົນ, ຍິງ 39 ຄົນ, ຊຶ່ງການປ້ອງກັນບົດຈົບຊັ້ນໃນຄັ້ງນີ້ດໍາເນີນເປັນເວລາ 3 ວັນ ເລີ່ມແຕ່ວັນທີ 10-12 ສິງຫາ 2021 ຈຶ່ງສໍາເລັດ, ໂດຍມີ 4 ສາຂາວິຊາຄື: ສາຂາວິຊາລ້ຽງສັດ, ສາຂາວິຊາປູກຝັງ, ສາຂາວິຊາປ່າໄມ້ ແລະ ສາຂາວິຊາປະມົງ, ໃນການຈັດປ້ອງກັນບົດໂຄງການຈົບຊັ້ນໃນຄັ້ງນີ້ກໍເພື່ອເປັນການຢັ້ງຢືນເຖິງຜົນສໍາເລັດໃນການສຶກສາຄົ້ນຄວ້າຮໍ່າຮຽນໃນໄລຍະຜ່ານມາເຊິ່ງນັກສຶກສາໄດ້ເອົາໃຈໃສ່ຕໍ່ກັບການສຶກສາຄົ້ນຄວ້າຈົນໄດ້ຮັບການປ້ອງກັນບົດຈົບຊັ້ນດັ່ງກ່າວ.

ใส่ความเห็น

Fill in your details below or click an icon to log in:

WordPress.com Logo

You are commenting using your WordPress.com account. Log Out /  เปลี่ยนแปลง )

Google photo

You are commenting using your Google account. Log Out /  เปลี่ยนแปลง )

Twitter picture

You are commenting using your Twitter account. Log Out /  เปลี่ยนแปลง )

Facebook photo

You are commenting using your Facebook account. Log Out /  เปลี่ยนแปลง )

Connecting to %s