ວິທະຍາໄລກະສິກຳ ແລະ ປ່າໄມ້ ພາກເໜືອ ເຊື່ອມຊຶມກົດລະບຽບຂອງພັກປະຊາຊົນປະຕິວັດລາວ ສະໄໝທີ XI ແລະ ປາຖະກະຖາວັນສ້າງຕັ້ງພັກກອມມູນິດຈີນ ຄົບຮອບ 100 ປີ

ວັນທີ 6 ສິງຫາ 2021 ຢູ່ທີ່ສະໂມສອນຂອງ ວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ມີພິທີເຊື່ອມຊຶມກົດລະບຽບຂອງພັກປະຊາຊົນປະຕິວັດລາວ ສະໄໝທີ XI ແລະ ປາຖະກະຖາວັນສ້າງຕັ້ງພັກກອມມູນິດຈີນ ຄົບຮອບ 100 ປີ ໂດຍການເຂົ້າຮ່ວມຂອງ ສະຫາຍ ທອງສະມຸດ ພູມມະສອນ ເລຂາຄະນະພັກຮາກຖານ ອໍານວຍການວິທະຍາໄລ,

ມີຄະນະພັກຮາກຖານ ພ້ອມດ້ວຍສະມາຊິກພັກ, ພະນັກງານຄູອາຈານເຂົ້າຮ່ວມຮັບຟັງ. ໃນພິທີ ສະຫາຍ ທອງສະມຸດ ພູມມະສອນ ໄດ້ຂຶ້ນເຜີຍແຜ່ກົດລະບຽບຂອງພັກປະຊາຊົນປະຕິວັດລາວສະໄໝທີ 11, ເຊຶ່ງເອກະສານທີ່ນໍາມາເຜີຍແຜ່ປະກອບມີ ກົດລະບຽບພັກປະຊາຊົນປະຕິວັດລາວສະໄໝທີ XI ເຊິ່ງລວມມີ 15 ໝວດ, 64 ມາດຕາຄື: ໝວດທີ I ກ່ຽວກັບສະມາຊິກພັກປະກອບມີ 8 ມາດຕາ, ໝວດທີ II ຫຼັກການຈັດຕັ້ງ ແລະ ລະບົບສາຍໄຍການຈັດຕັ້ງຂອງພັກ ປະກອບມີ 6 ມາດຕາ, ໝວດທີ III ການຈັດຕັ້ງພັກຂັ້ນສູນກາງ ປະກອບມີ 5 ມາດຕາ, ໝວດທີ IV ການຈັດຕັ້ງພັກຢູ່ຂັ້ນແຂວງ, ນະຄອນຫຼວງ, ເມືອງ ແລະນະຄອນ ປະກອບມີ 5 ມາດຕາ, ໝວດທີ V ການຈັດຕັ້ງພັກຢູ່ຂັ້ນກະຊວງ ແລະອົງການ ມີ 5 ມາດຕາ, ໝວດທີ VI ການຈັດຕັ້ງຮາກຖານພັກ ມີ 4 ມາດຕາ, ໝວດທີ VII ພັກນໍາພາວຽກງານພະນັກງານ ມີ 3 ມາດຕາ, ໝວດທີ VIII ພັກນໍາພາລັດ, ແນວລາວສ້າງຊາດ, ສະຫະພັນນັກຮົບເກົ່າ, ອົງການຈັດ ຕັ້ງມະຫາຊົນ ແລະ ອົງການຈັດຕັ້ງສັງຄົມ ມີ 2 ມາດຕາ, ໝວດທີ IX ພັກນຳພາຄະນະຊາວໜຸ່ມປະຊາຊົນປະຕິວັດລາວປະກອບ 3 ມາດຕາ, ໝວດທີ X ພັກນໍາພາກໍາລັງປ້ອງກັນຊາດ-ປ້ອງກັນຄວາມສະຫງົບ ມີ 7 ມາດຕາ, ໝວດທີ XI ວຽກງານຕິດຕາມ, ກວດກາຂອງພັກ, ຄະນະພັກ, ຄະນະກວດກາພັກ ແລະຄະນະວິໄນພັກແຕ່ລະຂັ້ນປະກອບມີ 4 ມາດຕາ, ໝວດທີ XII ວຽກງານຍໍ້ຍ້ອງ ແລະ ວິໄນຂອງພັກ ມີ 4 ມາດຕາ, ໝວດທີ XIII ການເງິນຂອງພັກ, ການຄຸ້ມຄອງ ແລະ ນໍາໃຊ້ການເງິນຂອງພັກ ມີ 2 ມາດຕາ, ໝວດທີ XIV ກາໝາຍ ແລະ ທຸງພັກປະຊາຊົນປະຕິວັດລາວປະກອບມີ 3 ມາດຕາ, ໝວດທີ XV ຕາປະທັບຂອງພັກ, ການຈັດຕັ້ງປະຕິບັດ, ການປັບປຸງດັດແປງ ແລະ ປະກາດໃຊ້ກົດລະບຽບພັກປະກອບມີ 3ມາດຕາ.

ຈາກນັ້ນ ສະຫາຍ ອຸໄທ ສຸກຂີ ຮອງເລຂາຄະນະພັກຮາກຖານ ຮອງອໍານວຍການວິທະຍາໄລ ໄດ້ຂຶ້ນປາຖະກະຖາ ວັນສ້າງຕັ້ງພັກກອມມູນິດຈີນ ຄົບຮອບ 100 ປີ, ເພື່ອເຮັດໃຫ້ພະນັກງານຄູອາຈານ, ສະມາຊິກພັກໃຫ້ມີຄວາມຮັບຮູ້ ແລະ ເຂົ້າໃຈກ່ຽວກັບປະຫວັດມູນເຊື້ອແຫ່ງການສ້າງຕັ້ງພັກກອມມູນິດຈີນ, ພັກທີ່ຜ່ານຜ່າການທົດສອບດ້ວຍເລືອດເນື້ອ ແລະ ແປວໄຟປະຊາຊົນຈີນບໍ່ໄດ້ຍອມຈໍານົນຕໍ່ສະຕາກໍາ, ແຕ່ມັນໄດ້ປຸກລະດົມຈິດໃຈລຸກຮື້ຂຶ້ນຕໍ່ສູ້, ສ້າງຄວາມເຂັ້ມແຂງດ້ວຍຕົນເອງ ໄດ້ຜ່ານການຕໍ່ສູ້ເປັນເວລາຍາວນານ ຈົນສາມາດກ້າວຂຶ້ນສູ່ເສັ້ນທາງອັນເຂັ້ມແຂງໜັກແໜ້ນ ແລະ ກໍ່ສ້າງປະເທດຊາດຂອງຕົນໃຫ້ມີຄວາມຈະເລີນຮຸ່ງເຮືອງຈົນເຖິງປະຈຸບັນນີ້.

ใส่ความเห็น

Fill in your details below or click an icon to log in:

WordPress.com Logo

You are commenting using your WordPress.com account. Log Out /  เปลี่ยนแปลง )

Google photo

You are commenting using your Google account. Log Out /  เปลี่ยนแปลง )

Twitter picture

You are commenting using your Twitter account. Log Out /  เปลี่ยนแปลง )

Facebook photo

You are commenting using your Facebook account. Log Out /  เปลี่ยนแปลง )

Connecting to %s