ກອງປະຊຸມ ສ້າງຄວາມເຂົ້າໃຈໃຫ້ແມ່ຍິງ ພັດທະນາຕົນເອງ-ດ້ວຍຕົນເອງ ເພື່ອກ້າວສູ່ການເປັນຜູ້ນຳທີ່ດີ

ໃນຕອນເຊົ້າ ວັນທີ 27 ກໍລະກົດ 2021 ນີ້ ທີ່ຫ້ອງປະຊຸມຂອງ ວິທະຍາໄລ ກະສິກຳ ແລະ ປ່າໄມ້ພາກເໜືອ ໄດ້ມີກອງປະຊຸມ ການສ້າງຄວາມເຂັ້ມແຂງໃຫ້ແມ່ຍິງ ໃນການພັດທະນາຕົນເອງດ້ວຍຕົນເອງ ເພື່ອກ້າວສູ່ການເປັນຜູ້ນຳທີ່ດີ. ໂດຍການເຂົ້າຮ່ວມ ຂອງທ່ານ ນາງ ວຽນວິໄລ ດີລະພັນ ກຳມະການປະຈຳພັກແຂວງ ສະມາຊິກສະພາແຫ່ງຊາດ ຊຸດທີ 9 ປະຈໍາເຂດເລືອກຕັ້ງທີ 6 ແຂວງຫຼວງພະບາງ, ມີທ່ານ ປທ. ທອງສະມຸດ ພູມມະສອນ ອໍານວຍການ ວິທະຍາໄລ ກະສິກຳ ແລະ ປ່າໄມ້ ພາກເໜືອ, ມີບັນດາພະນັກງານຄູອາຈານ ເພດຍິງ ພາຍໃນວິທະຍາໄລເຂົ້າຮ່ວມ.

ໃນພິທີທ່ານ ປທ. ທອງສະມຸດ ພູມມະສອນ ໄດ້ກ່າວເປີດພິທີ, ຫຼັງຈາກນັ້ນ ທ່ານ ນາງ ວຽນວິໄລ ດີລະພັນ ໄດ້ຂຶ້ນບັນຍາຍເອກະສານ ຊຶ່ງປະສົງແມ່ນເພື່ອເສີມສ້າງສ້າງຄວາມເຂັ້ມແຂງທາງດ້ານຄວາມຮູ້ຄວາມສາມາດຂອງແມ່ຍິງ, ສ້າງຄວາມຊຳນິຊຳນານ, ທັກສະຄວາມສາມາດ ແລະ ການວາງແຜນຂອງແມ່ຍິງ, ເພື່ອຮັບປະກັນການມີວຽກເຮັດງານທຳ. ເຊິ່ງກິດຈະກຳປະກອບມີ ການວາງແຜນພັດທະນາຕົນເອງ, ການວາງແຜນທຸລະກິດ ແລະ ການພັດທະນາ-ການວາງແຜນຈັດຕັ້ງປະຕິບັດ ແລະ ໄດ້ວາງຄາດໝາຍສູ້ຊົນ, ທິດທາງລວມ ແລະ ທິດທາງລະອຽດ ເປັນຕົ້ນແມ່ນແມ່ຍິງມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ຮັກສາໄດ້ຄຸນລັກສະນະ ທີ່ເປັນມູນເຊື້ອຂອງແມ່ຍິງລາວ, ຕ້ານ ແລະ ສະກັດກັ້ນ ປະກົດການຫຍໍ້ທໍ້ ທີ່ເກີດຂຶ້ນໃນຖັນແຖວແມ່ຍິງ ແລະ ຄອບຄົວ;  ຈັດຕັ້ງສະຫະພັນແມ່ຍິງແຕ່ລະຂັ້ນ ໄດ້ຮັບການປັບປຸງ ໃຫ້ມີຄວາມໜັກແໜ້ນເຂັ້ມແຂງ; ຄຳຂວັນ ແລະ ຂໍ້ແຂ່ງຂັນ 3 ດີ ຂອງສະຫະພັນແມ່ຍິງລາວ ໄດ້ຮັບການຈັດຕັ້ງປະຕິບັດ ຢ່າງກວ້າງຂວາງ; ແມ່ຍິງ ໄດ້ຮັບການພັດທະນາດ້ານແນວຄິດຈິດໃຈ, ຮ່າງກາຍ, ການສຶກສາ, ວິຊາອາຊີບ-ສີມືແຮງງານ; ການປົກປ້ອງສິດຜົນປະໂຫຍດ ອັນຊອບທຳຂອງ ແມ່ຍິງ-ເດັກນ້ອຍ, ການສົ່ງເສີມ ຄວາມກ້າວໜ້າ ຂອງແມ່ຍິງ ແລະ ຄວາມສະເໝີພາບ ຍິງ-ຊາຍ ໄດ້ຮັບການຈັດຕັ້ງ ປະຕິບັດຢ່າງກວ້າງຂວາງ; ແມ່ຍິງໄດ້ຮັບການບັນຈຸ, ສັບຊ້ອນເຂົ້າໃນຕຳແໜ່ງ ນຳພາ-ຄຸ້ມຄອງໃນແຕ່ ລະຂັ້ນມີຈຳນວນເພີ່ມຂຶ້ນ; ການພົວພັນຮ່ວມມື ກັບການຈັດຕັ້ງແມ່ຍິງ ປະເທດເພື່ອນມິດ, ປະເທດອາຊຽນ ແລະ ອົງການຈັດຕັ້ງສາກົນ ມີປະສິດທິຜົນຫຼາຍຂຶ້ນ.

ທັງນີ້, ເພື່ອຈັດຕັ້ງປະຕິບັດຄາດໝາຍສູ້ຊົນ ຂອງພັກໃນການນຳພາ ປະເທດຊາດບັນລຸເງື່ອນໄຂຫຼຸດພົ້ນ ອອກຈາກສະຖານະພາບ ດ້ອຍພັດທະນາ ໃນປີ 2021 ເວົ້າລວມເວົ້າສະເພາະ ເພື່ອພັດທະນາແມ່ຍິງລາວ, ສົ່ງເສີມຄວາມກ້າວໜ້າ ຂອງແມ່ຍິງ, ສົ່ງເສີມຄວາມສະເໝີພາບ ຍິງ- ຊາຍ; ສະພັນແມ່ຍິງລາວ ສືບຕໍ່ປະຕິບັດຕາມ ພາລະບົດບາດໜ້າທີ່ ໃນການສຶກສາອົບຮົມເຕົ້າໂຮມຄວາມສາມັກຄີ ແມ່ຍິງລາວບັນດາເຜົ່າ ເຂົ້າຮ່ວມພາລະກິດ ປົກປັກຮັກສາ ແລະ ສ້າງສາພັດທະນາ ປະເທດຊາດ.

ใส่ความเห็น

Fill in your details below or click an icon to log in:

WordPress.com Logo

You are commenting using your WordPress.com account. Log Out /  เปลี่ยนแปลง )

Google photo

You are commenting using your Google account. Log Out /  เปลี่ยนแปลง )

Twitter picture

You are commenting using your Twitter account. Log Out /  เปลี่ยนแปลง )

Facebook photo

You are commenting using your Facebook account. Log Out /  เปลี่ยนแปลง )

Connecting to %s