ໜ່ວຍພັກຄະນະວິຊາປ່າໄມ້ເລື່ອນສະມາຊິກພັກສໍາຮອງຂຶ້ນສົມບູນ

ຕອນບ່າຍຂອງວັນທີ 17 ມິຖຸນາ 2021 ຜ່ານມານີ້ ໜ່ວຍພັກຄະນະວິຊາປ່າໄມ້ໄດ້ຈັດໃຫ້ມີພິທີເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ ໂດຍການໃຫ້ກຽດເປັນປະທານຂອງ ສະຫາຍ ທອງສະມຸດ ພູມມະສອນ ເລຂາຄະນະພັກຮາກຖານ ວິທະຍາໄລກະສິກໍາ ແລະ ປ່າໄມ້ພາກເໜືອ, ມີສະມາຊິກພັກພາຍໃນໜ່ວຍ ແລະ ແຂກຖືກເຊີນຈາກໜ່ວຍພັກອ້ອມຂ້າງເຂົ້າຮ່ວມ.

ໃນວາລະກອງປະຊຸມຄະນະຈັດຕັ້ງພິທີໄດ້ຜ່ານມະຕິຕົກລົງຂອງຄະນະປະຈໍາພັກແຂວງຫຼວງພະບາງ ວ່າດ້ວຍການອານຸມັດເລື່ອນສະມາຊິກພັກສຳຮອງຂຶ້ນເປັນສະມາຊິກພັກສົມບູນ, ສະບັບເລກທີ 86, 87, 88/ຄປພຂ.ຫຼບ, ລົງວັນທີ 31 ພຶດສະພາ 2021 ໂດຍອີງຕາມກົດລະບຽບຂອງພັກປະຊາຊົນປະຕິວັດລາວສະໄໝທີ X ໝວດທີ I ມາດຕາ 2 ຂໍ້ ຄ ວ່າດ້ວຍລະບຽບການຂະຫຍາຍພັກ ແລະ ການເລື່ອນສະມາຊິກພັກສໍາຮອງຂຶ້ນເປັນສະມາຊິກພັກສົມບູນ ຄະນະປະຈຳພັກແຂວງໄດ້ຕົກລົງເລື່ອນສະມາຊິກພັກສຳຮອງ ຂອງໜ່ວຍພັກຄະນະວິຊາປ່າໄມ້ ຈຳນວນ 3 ສະຫາຍ, ຍິງ 1 ສະຫາຍ ຂຶ້ນເປັນສະມາຊິກພັກສົມບູນ ຊຶ່ງແຕ່ລະສະຫາຍໄດ້ຜ່ານການທົດສອບວຽກງານຕົວຈິງໃນສະໄໝສໍາຮອງຄົບຕາມມາດຖານ. ສະນັ້ນ, ຈຶ່ງໃຫ້ເຂົ້າເປັນສະມາຊິກພັກສົມບູນຂອງພັກປະຊາຊົນປະຕິວັດລາວຢ່າງເປັນທາງການ. ຈາກນັ້ນ, ສະຫາຍ ນິກອນ ສຸດທິວົງ ເລຂາໜ່ວຍພັກຄະນະວິຊາປ່າໄມ້ ໄດ້ຂຶ້ນມອບມະຕິຕົກລົງໃຫ້ສະມາຊິກພັກສົມບູນໃໝ່ທັງ 3 ສະຫາຍ.

ໃນຕອນທ້າຍພິທີ ສະຫາຍ ທອງສະມຸດ ພູມມະສອນ ເລຂາຄະນະພັກຮາກຖານ ວິທະຍາໄລກະສິກໍາ ແລະ ປ່າໄມ້ພາກເໜືອ ໄດ້ໃຫ້ກຽດໂອ້ລົມ ແລະ ໃຫ້ທິດຊີ້ນຳ ໂດຍສະຫາຍໄດ້ເນັ້ນໃຫ້ສະມາຊິກພັກຈົ່ງເປັນເຈົ້າການປະຕິບັດແນວທາງ, ນະໂຍບາຍ, ມະຕິ, ຄໍາສັ່ງ, ກົດລະບຽບພັກ, ຕັ້ງໜ້າຝຶກຝົນຫຼ່ໍຫຼອມຕົນເອງໃນທຸກດ້ານ, ຍົກລະດັບຄວາມຮູ້, ຄວາມສາມາດ, ຄຸນສົມບັດສິນທໍາປະຕິວັດ, ປະກອບສ່ວນເຂົ້າໃນວຽກງານກໍ່ສ້າງພັກ, ເຂົ້າຮ່ວມດຳເນີນຊີວິດການເມືອງຢ່າງເປັນປົກກະຕິ ແລະ ເຮັດສໍາເລັດໜ້າທີ່ ທີ່ພັກມອບໝາຍໃຫ້.

ພາບ ແລະ ຂ່າວ: ພຸດທະຟົງ ເຮີ  Afong Phouthafong (ນັກຂ່າວ ຄະນະວິຊາປ່າໄມ້)

ใส่ความเห็น

Fill in your details below or click an icon to log in:

WordPress.com Logo

You are commenting using your WordPress.com account. Log Out /  เปลี่ยนแปลง )

Google photo

You are commenting using your Google account. Log Out /  เปลี่ยนแปลง )

Twitter picture

You are commenting using your Twitter account. Log Out /  เปลี่ยนแปลง )

Facebook photo

You are commenting using your Facebook account. Log Out /  เปลี่ยนแปลง )

Connecting to %s