ວິທະຍາໄລກະສິກຳ ແລະ ປ່າໄມ້ ພາກເໜືອ ຈັດພິທີສະເຫຼີມສະຫຼອງວັນຄ້າຍວັນເກີດຂອງ ປະທານ ສຸພານຸວົງ ຄົບຮອບ 111 ປີ ແລະ ວັນອານຸລັກສັດນໍ້າ-ສັດປ່າແຫ່ງຊາດ ຄົບຮອບ 23 ປີ

ໃນຕອນເຊົ້າ ວັນທີ 17 ກໍລະກົດ 2020 ນີ້ ຢູ່ທີ່ ຟາມປະມົງຂອງ ວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ມີພິທີ ສະເຫຼີມສະຫຼອງວັນຄ້າຍວັນເກີດ ຂອງ ປະທານ ສຸພານຸວົງ ຄົບຮອບ 111 ປີ (13 ກໍລະກົດ 1909 – 13 ກໍລະກົດ 2020) ແລະ ວັນອານຸລັກສັດນໍ້າ-ສັດປ່າ ແຫ່ງຊາດ ຂຶ້ນ. ໂດຍການເປັນກຽດເຂົ້າຮ່ວມຂອງ ທ່ານ ທອງສະມຸດ ພູມມະສອນ ອໍານວຍການວິທະຍາໄລ, ມີຮອງອຳນວຍວິທະຍາໄລ, ຫົວໜ້າ-ຮອງຫົວໜ້າຫ້ອງການ, ຫົວໜ້າ-ຮອງຫົວໜ້າຄະນະວິຊາ ພ້ອມດ້ວຍພະນັກງານ, ຄູ-ອາຈານ ແລະ ນັກສຶກສາພາຍໃນວິທະຍາໄລ ເຂົ້າຮ່ວມ. ພິທີ ເລີ່ມແຕ່ຕອນເຊົ້າໄດ້ເຕົ້າໂຮມການນໍາວິທະຍາໄລ ພ້ອມດ້ວຍ ພະນັກງານຄູອາຈານ ແລະ ນັກສຶກສາ ຕະຫຼອດຮອດປະຊາຊົນບັນດາ ບ້ານອ້ອມຂ້າງວິທະຍາໄລ ພ້ອມກັນໃສ່ບາດຢາດນ້ຳ, ຖວາຍສັງຂະທານ ໃຫ້ແກ່ພະສົງສາມະເນນ ແລະ ປະກອບພິທີທາງສາສະໜາ, ຈາກນັ້ນ ໄດ້ມີການເຕົ້າໂຮມບັນດາ ພະນັກງານ, ຄູອາຈານ ພ້ອມດ້ວຍນັກສຶກສາ ພາຍໃນວິທະຍາໄລ ຢູ່ຟາມປະມົງຂອງວິທະຍາໄລ. ໂອກາດດັ່ງກ່າວ ທ່ານ ປອ. ອຸໄທ ສຸກຂີ ຮອງອໍານວຍການວິທະຍາໄລ ໄດ້ປາຖະກະຖາມູນເຊື້ອ ປະຫວັດການເຄື່ອນໄຫວຂອງ ປະທານ ສຸພານຸວົງ ທ່ານໄດ້ກ່າວວ່າ: ປະທານ ສຸພານຸວົງ ກຳເນີດຈາກຄອບຄົວເຊື້ອເຈົ້າ ໂດຍເປັນໂອລົດຂອງເຈົ້າມະຫາອຸປະຣາດບຸນຄົງ ແລະ ໝ່ອມຄຳອ້ວນ, ເຖິງວ່າທ່ານຈະກຳເນີດຈາກເຊື້ອກະສັດກໍຕາມ ແຕ່ທ່ານຍອມດໍາລົງຊີວິດແບບລຽບງ່າຍບໍ່ຖືວ່າຕົນເອງມີຖານະສູງສົ່ງແຕ່ຢ່າງໃດ ເປັນຜູ້ທີ່ມີນ້ຳໃຈຮັກຊາດອັນແຮງກ້າ ຍອມເສຍສະຫຼະເລືອດເນື້ອເພື່ອຊາດ, ຄຽງບ່າຄຽງໄລ່ກັບປະຊາຊົນ ດ້ວຍການຕໍ່ສູ້ກັບສັດຕູ ເພື່ອປົດປ່ອຍປະເທດຊາດໃຫ້ໄດ້ຮັບໄຊຊະນະ ແລະ ປະກາດເອກະລາດ ພ້ອມທັງສະຖາປະນາປະເທດລາວ ເປັນປະເທດ ສາທາລະນະລັດ ປະຊາທິປະໄຕ ປະຊາຊົນລາວ ຢ່າງສົມບູນ ໃນວັນທີ 2 ທັນວາ ປີ 1975, ພາຍຫຼັງປະເທດຊາດໄດ້ຮັບການປົດປ່ອຍຢ່າງສົມບູນ ປະທານ ສຸພານຸວົງ ກໍໄດ້ຮັບພາລະໜ້າທີ່ໜັກໜ່ວງ ທີ່ຍິ່ງໃຫຍ່ໃນນາມປະທານປະເທດ ທັງເປັນປະທານສະພາປະຊາຊົນສູງສຸດ ຊຶ່ງທ່ານໄດ້ເຮັດວຽກຢ່າງໜັກຮ່ວມກັບຄະນະນໍາເພື່ອນຳພາປະເທດຊາດທີ່ຍັງອ່ອນນ້ອຍ ແລະ ຖືກສັດຕູບີບຮັດໃນທຸກດ້ານ ໃຫ້ສາມາດຜ່ານຜ່າພາຍຸລົມແດງມາໄດ້ ແລະ ທັງສ້າງສາພັດທະນາປະເທດຊາດອັນໄດ້ເຮັດໃຫ້ປະເທດລາວຂອງພວກເຮົາມີຄວາມຈະເລີນສີວິໄລຈົນເຖິງປັດຈຸບັນ. ຫຼັງຈາກນັ້ນ ທ່ານ ທອງສະມຸດ ພູມມະສອນ ອໍານວຍການວິທະຍາໄລ ໄດ້ຂຶ້ນເລົ່າປະຫວັດຄວາມເປັນມາຂອງ ວັນອານຸລັກສັດນໍ້າ-ສັດປ່າແຫ່ງຊາດ ພ້ອມທັງເປີດພິທີ ໂດຍທ່ານໄດ້ຍົກໃຫ້ເຫັນຄວາມສຳຄັນຂອງ ສັດນໍ້າ ແລະ ສັດປ່າ ຕໍ່ການພັດທະນາ ເສດຖະກິດ-ສັງຄົມຂອງປະເທດຊາດ, ຕໍ່ການປັບປຸງຊີວິດການເປັນຢູ່, ຫຼຸດຜ່ອນຄວາມທຸກຍາກ ຂອງປະຊາຊົນລາວບັນດາເຜົ່າ ແລະ ເພື່ອເປັນການອານຸລັກ-ປົກປັກຮັກສາຊີວະນາໆພັນໃຫ້ມີຄວາມຍືນຍົງ ໂດຍສະເພາະ ໃນໄລຍະນີ້ເປັນຊ່ວງໄລຍະທີ່ສັດນໍ້າ-ສັດປ່າຫາອາຫານໄດ້ງ່າຍ ແລະ ເປັນຊ່ວງທີ່ສັດແຜ່ຂະຫຍາຍພັນ, ຖືພາມານ, ວາງໄຂ່ ເຊິ່ງເປັນໄລຍະທີ່ເໜາະສົມໃນການປ່ອຍສັດປະເພດຕ່າງໆເຂົ້າສູ່ທຳມະຊາດ, ໂດຍແຕ່ລະປີ ພັກ ແລະ ລັດຖະບານ ໄດ້ກໍານົດເອົາ ວັນທີ 13 ກໍລະກົດ ຂອງທຸກໆປີ ເປັນວັນປ່ອຍປາແຫ່ງຊາດ, ໃນຕອນທ້າຍ ທ່ານຍັງໄດ້ຮຽກຮ້ອງມາຍັງ ພະນັກງານ, ຄູ-ອາຈານ ແລະ ນັກສຶກສາທຸກຄົນ ຈົ່ງຮ່ວມແຮງຮ່ວມໃຈກັນເຂົ້າຮ່ວມໃນການຄຸ້ມຄອງ, ການປົກປັກຮັກສາ ແລະ ການພັດທະນາສັດນໍ້າ-ສັດປ່າ ໃຫ້ມີຄວາມຍືນຍົງຕະຫຼອດໄປ. ຈາກນັ້ນ ກໍໄດ້ນໍາເນີນການປ່ອຍປາ ຢູ່ທີ່ ຟາມປະມົງ ຂອງວິທະຍາໄລ, ຊຶ່ງປາທີ່ນໍາມາປ່ອຍໃນຄັ້ງນີ້ ທັງໝົດ 22,000 ໃນນັ້ນ ປະກອບມີ ປາປາກ, ອິນເດຍ, ປາເກັດແລບ (ປາຈີນ), ໃນນີ້ປ່ອຍລົງນ້ຳເຊືອງ 2.000 ໂຕ, ໜອງສາມຂາ 17.000 ໂຕ, ປ່ອຍລົງໜອງສາມອົງການຈັດຕັ້ງຂອງວິທະຍາໄລ 3.000 ໂຕ.

ພາບ-ຂ່າວ: ສີສະຫວາດ ພັນທຸວົງ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s