ພິທີປະຖະກະຖາ ເລົ່າມູນເຊື້ອວັນສ້າງຕັ້ງສະຫະພັນກໍາມະບານລາວ ຄົບຮອບ 64 ປີ

IMG_3604

ໃນຕອນແລງຂອງວັນທີ 29 ມັງກອນ 2020 ທີ່ສະໂມສອນຂອງວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ຈັດພິທີປະຖະກະຖາ ເລົ່າມູນເຊື້ອວັນສ້າງຕັ້ງສະຫະພັນກໍາມະບານລາວ ຄົບຮອບ 64 ປີ ( 1/2/1956-1/2/2020), ໂດຍການປະຖະກະຖາຂອງ ສະຫາຍ ທອງສະມຸດ ພູມມະສອນ ອໍານວຍການວິທະຍາໄລ, ມີຫົວໜ້າ-ຮອງຫົວໜ້າຫ້ອງການ, ຫົວໜ້າ-ຮອງຫົວໜ້າ ຄະນະວິຊາ, ປະທານ-ຮອງປະທານສະຫະພັນກໍາມະບານວິທະຍາໄລ ພ້ອມດ້ວຍພະນັກງານ, ຄູ-ອາຈານ ແລະ ນັກສຶກສາທີ່ເປັນສະມາຊິກສະຫະພັນກໍາມະບານຂອງວິທະຍາໄລເຂົ້າຮ່ວມຮັບຟັງ.

IMG_3618

IMG_3621

ໂອກາດດັ່ງກ່າວ ສະຫາຍ ທອງສະມຸດ ພູມມະສອນ ໄດ້ໃຫ້ກຽດຂຶ້ນປະຖະກະຖາມູນເຊື້ອວັນສ້າງຕັ້ງສະຫະພັນກໍາມະບານລາວ ເຊຶ່ງທ່ານໄດ້ຍົກໃຫ້ເຫັນການກໍາເນີດ ແລະ ເຕີບໃຫຍ່ຂະຫຍາຍຕົວ ຂອງອົງການຈັດຕັ້ງກໍາມະບານລາວ ທີ່ມີມູນເຊື້ອດຸໝັ່ນຂະຫຍັນພຽນໃນການອອກແຮງງານ, ມູນເຊື້ອສາມັກຄີປອງດອງ ມູນເຊື້ອວັດທະນະທໍາ ທີ່ມີລັກສະນະອັນດີງາມ ແລະ ມູນເຊື້ອແຫ່ງການຕໍ່ສູ້ບໍ່ຍອມຈໍານົນຕໍ່ການຮຸກຮານຂອງພວກລ່າເມືອງຂຶ້ນຢ່າງເດັດດ່ຽວໜຽວແໜ້ນ ຂອງບັນດາບັນພະບຸລຸດຊົນຊັ້ນກໍາມະກອນ ຂອງຊາວຜູ້ອອກແຮງງານບັນດາເຜົ່າ ໃນການທ້ອນໂຮມ ປົກປັກຮັກສາ ແລະ ສ້າງສາປະເທດຊາດ ເພື່ອຄວາມຢູ່ເຢັນເປັນສຸກຂອງປະຊາຊົນບັນດາເຜົ່າໃນແຕ່ລະຍຸກ ແຕ່ລະສະໄໝສືບທອດກັນມາຈົນເຖິງປັດຈຸບັນ, ຜົນງານທີ່ພົ້ນເດັ່ນໃນໄລຍະ 64 ປີ ຂອງອົງການຈັດຕັ້ງກໍໍາມະບານລາວໃນການປະກອບສ່ວນພາລະກິດປະຕິວັດໄລຍະແຫ່ງການປົກປັກຮັກສາ ແລະ ພັດທະນາປະເທດຊາດ, ວຽກງານປົກປ້ອງສິດ ແລະ ຜົນປະໂຫຍດອັນຊອບທໍາຂອງກໍາມະກອນຊາວຜູ້ອອກແຮງງານ ປະຕິບັດຂໍ້ແຂ່ງຂັນ 5 ເນື້ອໃນ 5ເປັນເຈົ້າ, ການປຸກລະດົມ ແລະ ຂະຫຍາຍກອງທຶນຊ່ວຍເຫຼືອເຊິ່ງກັນ ແລະ ກັນ ເສີມຂະຫຍາຍທາດແທ້ ລັກສະນະດີເລີດຂອງຊົນຊັ້ນກໍາມະກອນລາວ ແລະ ມູນເຊື້ອອັນດີງາມ 64 ປີ ຂອງອົງການຈັດຕັ້ງກໍາມະບານລາວ.

IMG_3605

ການເລົ່າຄືນມູນເຊື້ຶອໃນຄັ້ງນີ້ ເພື່ອເຮັດໃຫ້ສະມາຊິກກໍາມະບານຮັບຮູ້ເຖິງຄວາມໝາຍຄວາມສໍາຄັນຂອງອົງການຈັດຕັ້ງກໍາມະບານລາວ ແລະ ມູນເຊື້ອໃນການປະກອບສ່ວນໃນການປົກປັກຮັກສາ-ພັດທະນາປະເທດຊາດ ກໍຄືພາລະກິດປ່ຽນແປງໃໝ່ຢ່າງຮອບດ້ານ ແລະ ເຊື່ອມຊຶມເຂົ້າໃຈ ເພື່ອນໍາເອົາເນື້ອໃນຈິດໃຈບົດຮຽນດັ່ງກ່າວໄປຜັນຂະຫຍາຍ ໝູນໃຊ້ໃນວຽກງານຕົວຈິງຢ່າງມີປະສິດທິຜົນສູງ.

*************

ພາບໂດຍ: ທ້າວ ເຢຍວື ນັກສຶກສາທີມງານໂທລະໂຄ່ງຂອງວິທະຍາໄລ

ຂ່າວໂດຍ ສີສະຫວາດ ພັນທຸວົງ

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s