ວິທະຍາໄລກະສິກຳ ແລະ ປ່າໄມ້ ພາກເໜືອ ເຊື່ອມຊຶມເອກະສານເກັບກຳສະພາບແນວຄິດຫາງສຽງສັງຄົມ

ວັນທີ 1 ພະຈິກ 2019 ຢູ່ທີ່ສະໂມສອນຂອງວິທະຍາໄລກະສິກໍາ ແລະ ປ່າໄມ້ ພາກເໜືອ ໄດ້ມີພິທີເຜີຍແຜ່, ເຊື່ອມຊຶມເອກະສານຫາງສຽງສັງຄົມ, ໃນພິທີດັ່ງກ່າວໃຫ້ກຽດບັນລະຍາຍເອກະສານໂດຍ ທ່ານ ຄໍາຫຼ້າ ລຽນປະດິດ ກໍາມະການປະຈໍາພັກແຂວງ, ຫົວໜ້າຄະນະໂຄສະນາອົບຮົມ ແຂວງຫຼວງພະບາງ. ມີຄະນະອໍານວຍການວິທະຍາໄລ, ແລະພະນັກງານ, ຄູອາຈານ ພ້ອມດ້ວຍນັກສຶກສາ ເຂົ້າຮ່ວມຮັບຟັງ. ໃນພີທີ ທ່ານ ນາງ ຈັນສຸກ ວິໄລພອນ ຮັກສາການຫົວໜ້າຂະແໜງຄົ້ນຄວ້າສັງລວມ ແລະ ເກັບກຳຫາງສຽງສັງຄົມ ໄດ້ຂຶ້ນຜ່ານຄໍາສັ່ງແນະນໍາ ຂອງຄະນະປະຈໍາພັກແຂວງ, ສະບັບເລກທີ່ 06/ຄປພຂ-ຫຼບ ວ່າດ້ວຍການເພີ່ມທະວີວຽກງານຕິດຕາມ, ເກັບກຳສະພາບແນວຄິດ-ຫາງສຽງສັງຄົມໃນໄລຍະໃໝ່. ຈາກນັ້ນ ທ່ານ ຄໍາຫຼ້າ ລຽນປະດິດ ໄດ້ການເຊື່ອມຊືມເອກະສານ ທ່ານໄດ້ຍົກໃຫ້ເຫັນ ສະພາບການໃນປັດຈຸບັນນີ້ ບັນຫາຫາງສຽງທາງສັງຄົມທົ່ວໄປ ແລະ ກຸ່ມຄົນບໍ່ຫວັງດີທີ່ມີຕໍ່ການນໍາພາຂອງພັກເຮົາ ກໍຄືລະບອບການນໍາພາ ຂອງພັກເຮົາໃນປັດຈຸບັນ. ໃນຕອນທ້າຍພິທີທ່ານ ໄດ້ເນັ້ນໜັກໃຫ້ພະນັກງານ, ຄູອາຈານ ພ້ອມດ້ວຍນັກສຶກສາທຸກຄົນຈົ່ງພ້ອມກັນເປັນເຈົ້າການໃນການເພີ່ມສະຕິຂອງຕົນເອງໃຫ້ສູງ, ຮູ້ຈັກຈໍາແນກມິດສັດຕູໃຫ້ຈະແຈ້ງ ພ້ອມກັນເປັນເຈົ້າການຕ້ານທຸກປະກົດການຫຍໍ້ທໍ້, ບັນດາກົນອຸບາຍຫັນປ່ຽນໂດຍສັນຕິຂອງພວກກຸ່ມຄົນທີ່ບໍ່ດີ, ພ້ອມກັນຊຸກຍູ້, ຕິດຕາມ, ເກັບກຳ, ແກ້ໄຂ ບັນຫາຫາງສຽງສັງຄົມທາງພາຍໃນ ແລະ ພາຍນອກໃຫ້ທັນເຫດການ. ພິທີເຊື່ອມຊືມໃນຄັ້ງນີ້ແມ່ນໄດ້ເຮັດໃຫ້ບັນດາ ຄູອາຈານ, ນັກສຶກສາພາຍໃນວິທະຍາໄລ ໄດ້ຮັບຮູ້ ແລະ ເຂົ້າໃຈຢ່າງເລີກເຊີ່ງ ທັງເປັນການປຸກລະດົມບັນດາຊັ້ນຄົນຕ່າງໆໃຫ້ມີຄວາມເປັນເຈົ້າການໃນການຕິດຕາມ, ກວດກາ ແລະ ກຳໄດ້ສະພາບບັນຫາຫາງສຽງສັງຄົມ ແລະ ຖ້ອຍທໍານອງ, ບິດເບືອນຈາກຄວາມຈິງ, ການໃສ່ຮ້າຍປ້າຍສີ, ເວົ້າທັບຖົມລະບອບການນໍາພາຂອງພັກເຮົາ. ຈາກນັ້ນ ທ່ານ ສົມສີ ຄໍາມະນີວົງ ຮອງອໍານວຍການວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ຂຶ້ນລາຍງານຫາງສຽງຂອງສັງຄົມພາຍໃນວິທະຍາໄລ ເພື່ອປ້ອງກັນບໍ່ໃຫ້ເກີດຂຶ້ນທີ່ວິທະຍາໄລ. ໂອກາດດັ່ງກ່າວຍັງໄດ້ລົງທ່ຽວຊົມກິດຈະກໍາ ໃນການກະກຽມງານສະເຫຼີມສະຫຼອງວັນສ້າງຕັ້ງວິທະຍາໄລ ຄົບຮອບ 30 ປີ ຕື່ມອີກ.

 



#ພາບ_ຂ່າວ: ສີສະຫວາດ ພັນທຸວົງ, ຫ້ອງການພົວພັນ ແລະ ການຮ່ວມມື

☎️ #ໂທ: 071 219 036; 📠#ແຟກສ໌ 071 219 034
Facebook: ວິທະຍາໄລກະສິກຳ ແລະ ປ່າໄມ້ ພາກເໜືອ
📧Email: nafc.luangprabang@gmail.com
🌎Web: www.nafclao.org

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s