ພິທີ ສະເຫຼີມສະຫຼອງວັນຄ້າຍວັນເກີດຂອງ ປະທານ ສຸພານຸວົງ ຄົບຮອບ 110 ປີ ແລະ ວັນປ່ອຍປາ ອານຸລັກສັດນໍ້າ-ສັດປ່າ ແຫ່ງຊາດ

ໃນຕອນເຊົ້າ ວັນທີ 12 ກໍລະກົດ 2019 ນີ້ ຢູ່ທີ່ສະໂມສອນຂອງ ວິທະຍາໄລກະສິກໍາ ແລະ ປ່າໄມ້ ພາກເໜືອ ໄດ້ມີພິທີ ສະເຫຼີມສະຫຼອງວັນຄ້າຍວັນເກີດຂອງ ປະທານ ສຸພານຸວົງ ຄົບຮອບ 110 ປີ (13 ກໍລະກົດ 1909 – 13 ກໍລະກົດ 2019) ແລະ ວັນປ່ອຍປາ, ອານຸລັກສັດນໍ້າ-ສັດປ່າ ແຫ່ງຊາດຂຶ້ນ. ໂດຍການເປັນກຽດເຂົ້າຮ່ວມຂອງ ທ່ານ ທອງສະມຸດ ພູມມະສອນ ອໍານວຍການວິທະຍາໄລ, ມີຮອງອຳນວຍວິທະຍາໄລ, ຫົວໜ້າ-ຮອງຫົວໜ້າຫ້ອງການ, ຫົວໜ້າ-ຮອງຫົວໜ້າຄະນະວິຊາ ພ້ອມດ້ວຍພະນັກງານ, ຄູ-ອາຈານ ແລະ ນັກສຶກສາພາຍວິທະຍາໄລ ເຂົ້າຮ່ວມ. ໃນໂອກາດດັ່ງກ່າວ ທ່ານ ທອງສະມຸດ ພູມມະສອນ ໄດ້ປາຖະກະຖາມູນເຊື້ອ ປະຫວັດການເຄື່ອນໄຫວຂອງ ປະທານ ສຸພານຸວົງ ທ່ານໄດ້ກ່າວວ່າ: ປະທານ ສຸພານຸວົງ ກຳເນີດຈາກຄອບຄົວເຊື້ອເຈົ້າ ໂດຍເປັນໂອລົດຂອງເຈົ້າມະຫາອຸປະຣາດບຸນຄົງ ແລະ ໝ່ອມຄຳອ້ວນ, ເຖິງວ່າທ່ານຈະກຳເນີດຈາກເຊື້ອກະສັດກໍຕາມ ແຕ່ທ່ານຍອມດໍາລົງຊີວິດແບບລຽບງ່າຍບໍ່ຖືວ່າຕົນເອງມີຖານະສູງສົ່ງແຕ່ຢ່າງໃດ ເປັນຜູ້ທີ່ມີນ້ຳໃຈຮັກຊາດອັນແຮງກ້າ ຍອມເສຍສະຫຼະເລືອດເນື້ອເພື່ອຊາດ, ຄຽງບ່າຄຽງໄລ່ກັບປະຊາຊົນ ດ້ວຍການຕໍ່ສູ້ກັບສັດຕູ ເພື່ອປົດປ່ອຍປະເທດຊາດໃຫ້ໄດ້ຮັບໄຊຊະນະ ແລະ ປະກາດເອກະລາດ ພ້ອມທັງສະຖາປະນາປະເທດລາວ ເປັນປະເທດ ສາທາລະນະລັດ ປະຊາທິປະໄຕ ປະຊາຊົນລາວ ຢ່າງສົມບູນ ໃນວັນທີ 2 ທັນວາ ປີ 1975, ພາຍຫຼັງປະເທດຊາດໄດ້ຮັບການປົດປ່ອຍຢ່າງສົມບູນ ປະທານ ສຸພານຸວົງ ກໍໄດ້ຮັບພາລະໜ້າທີ່ໜັກໜ່ວງ ທີ່ຍິ່ງໃຫຍ່ໃນນາມປະທານປະເທດ ທັງເປັນປະທານສະພາປະຊາຊົນສູງສຸດ ຊຶ່ງທ່ານໄດ້ເຮັດວຽກຢ່າງໜັກຮ່ວມກັບຄະນະນໍາເພື່ອນຳພາປະເທດຊາດທີ່ຍັງອ່ອນນ້ອຍ ແລະ ຖືກສັດຕູບີບຮັດໃນທຸກດ້ານ ໃຫ້ສາມາດຜ່ານຜ່າພາຍຸລົມແດງມາໄດ້ ແລະ ທັງສ້າງສາພັດທະນາປະເທດຊາດອັນໄດ້ເຮັດໃຫ້ປະເທດລາວຂອງພວກເຮົາມີຄວາມຈະເລີນສີວິໄລຈົນເຖິງປັດຈຸບັນ. ຫຼັງຈາກນັ້ນ ທ່ານ ອຸໄທ ສຸກຂີ ຮອງອໍານວຍການວິທະຍາໄລ ໄດ້ຂຶ້ນເລົ່າປະຫວັດຄວາມເປັນມາຂອງ ວັນອານຸລັກສັດນໍ້າ-ສັດປ່າແຫ່ງຊາດ ໂດຍຍົກໃຫ້ເຫັນຄວາມສຳຄັນຂອງ ສັດນໍ້າ ແລະ ສັດປ່າ ຕໍ່ການພັດທະນາ ເສດຖະກິດ-ສັງຄົມຂອງປະເທດຊາດ, ຕໍ່ການປັບປຸງຊີວິດການເປັນຢູ່, ຫຼຸດຜ່ອນຄວາມທຸກຍາກ ຂອງປະຊາຊົນລາວບັນດາເຜົ່າ ແລະ ເພື່ອເປັນການອານຸລັກ-ປົກປັກຮັກສາຊີວະນາໆພັນໃຫ້ມີຄວາມຍືນຍົງ, ພັກ ແລະ ລັດຖະບານ ໄດ້ກໍານົດເອົາ ວັນທີ 13 ກໍລະກົດ ຂອງທຸກໆປີ ເປັນວັນປ່ອຍປາແຫ່ງຊາດ, ໃນຕອນທ້າຍ ທ່ານຍັງໄດ້ຮຽກຮ້ອງມາຍັງ ພະນັກງານ, ຄູ-ອາຈານ ແລະ ນັກສຶກສາທຸກຄົນ ຈົ່ງຮ່ວມແຮງຮ່ວມໃຈກັນເຂົ້າຮ່ວມໃນການຄຸ້ມຄອງ, ການປົກປັກຮັກສາ ແລະ ການພັດທະນາສັດນໍ້າ-ສັດປ່າ ໃຫ້ມີຄວາມຍືນຍົງຕະຫຼອດໄປ. ຈາກນັ້ນ ກໍໄດ້ນໍາເນີນການປ່ອຍປາ ຢູ່ທີ່ ຟາມປະມົງ ຂອງວິທະຍາໄລ, ຊຶ່ງປາທີ່ນໍາມາປ່ອຍໃນຄັ້ງນີ້ ປະກອບມີ ປາປາກ, ອິນເດຍ, ປາເກັດແລບ(ປາຈີນ), ມີຈໍານວນທັງໝົດ 26.000 ໂຕ, ໃນນີ້ປ່ອຍຢູ່ທ່ານ້ຳເຊືອງ 2.000 ໂຕ, ໜອງສາມຂາ 17.000 ໂຕ, ປ່ອຍລົງໜອງສາມອົງການຈັດຕັ້ງ 5.000 ໂຕ ແລະ ໜອງຫ້ວຍເພ ຈຳນວນ 2.000 ໂຕ.

ຂ່າວໂດຍ: ສີສະຫວາດ ພັນທຸວົງ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s