ກອງປະຊຸມໃຫຍ່ສະມາຊິກພັກຂອງ 3 ໜ່ວຍພັກ ທີ່ຂຶ້ນກັບຄະນະພັກຮາກຖານ ວກປໜ

ກອງປະຊຸມໃຫຍ່ສະມາຊິກພັກຄັ້ງທີ I ຂອງ 3 ໜ່ວຍພັກ ທີ່ຂຶ້ນກັບຄະນະພັກຮາກຖານ ວິທະຍາໄລກະສິກຳ ແລະ ປ່າໄມ້ ພາກເໜືອ ຊຶ່ງມີໜ່ວຍພັກຫ້ອງການ, ໜ່ວຍພັກຄະນະວິຊາປູກຝັງ ແລະ ໜ່ວຍພັກຄະນະວິຊາລ້ຽງສັດ), ໄດ້ຈັດຂຶ້ນຢ່າງເປັນທາງການໃນລະຫວ່າງ ວັນທີ 27-28 ມິຖຸນາ 2019 ນີ້ ທີ່ຫ້ອງປະຊຸມຂອງວິທະຍາໄລ ໂດຍການເປັນປະທານຂອງ ສະຫາຍ ທອງສະມຸດ ພູມມະສອນ ເລຂາຄະນະພັກຮາກຖານ ວິທະຍາໄລກະສິກຳ ແລະ ປ່າໄມ້ ພາກເໜືອ. ມີບັນດາເລຂາໜ່ວຍພັກທັງ 3 ໜ່ວຍພັກ ພ້ອມດ້ວຍສະມາຊິກ ແລະ ແຂກຖືກເຊີນເຂົ້າຮ່ວມ. ໃນພິທີ ໄດ້ຜ່ານບົດລາຍງານການການເມືອງ 5 ປີທີ່ຜ່ານມາ ແລະ ທິດທາງແຜນການ 5 ປີ ໃນຕໍ່ໜ້າ, ນອກນັ້ນ ຍັງໄດ້ສະແດງຄໍາຄິດເຫັນເປັນເອກະພາບ ຕໍ່ການສະຫຼຸບຕີລາຄາ ການຈັດຕັ້ງປະຕິບັດມະຕິກອງປະຊຸມໃຫຍ່ຂອງພັກທີ່ຍາດມາໄດ້.  ຍົກໃຫ້ເຫັນຜົນສຳເລັດ, ດ້ານດີ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ ໃນການຈັດຕັ້ງປະຕິບັດວຽກງານແຕ່ລະດ້ານ ກໍຄືວຽກງານຈຸດສຸມລົງເລິກຂອງບັນດາຂະແໜງການ ໃນໄລຍະທີ່ຜ່ານມາ ເຊັນ: ດ້ານນຳພາແນວຄິດ, ດ້ານການຊີ້ນຳ-ນຳພາປະຕິບັດວຽກງານວິຊາສະເພາະ ຕິດພັນກັບວຽກງານອົງການຈັດຕັ້ງມະຫາຊົນ ຊຶ່ງໄດ້ຖືເອົາວຽກງານສຶກສາອົບຮົມການເມືອງແນວຄິດເປັນກົກ, ເຊື່ອມຊຶມຮຳຮຽນແນວທາງຂອງພັກ, ລະບຽບກົດໝາຍ, ນິຕິກຳຂອງລັດ ເຮັດໃຫ້ສະມາຊິກພັກ-ພະນັກງານມີຄຸນທາດການເມືອງໜັກແໜ້ນ ເຊື່ອໝັ້ນ ແລະ ມີຄວາມເປັນເອກະພາບສູງຕໍ່ແນວທາງການນຳພາຂອງພັກ, ມີສະຕິຕື່ນຕົວປະກອບສວນວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ປະຕິບັດໜ້າທີວຽກງານວິຊາສະເພາະທີ່ໄດ້ຮັບການມອບໝາຍມີຜົນສຳເລັດ. ໃນກອງປະຊຸມໄດ້ຄັດເລືອກເລຂາໜ່ວຍພັກຊຸດໃໝ່ ທັງ 3 ໜ່ວຍພັກ, ຜ່ານການປ່ອນບັດເລືອກຕັ້ງ ໄດ້ຕົກລົງເຫັນດີ ເປັນເອກະພາບຄື: ໜ່ວຍພັກ ຄະນະວິຊາປູກຝັງ ໄດ້ເລືອກເອົາ ສະຫາຍ ທອງເພັດ ຈິດຕະບຸບຜາ ເປັນເລຂາໜ່ວຍພັກ, ສະຫາຍ ໄຊຄໍາ ສຸກສະນິດ ແລະ ສະຫາຍ ພູທອນ ຈັນທະວົງສາ ເປັນຮອງເລຂາໜ່ວຍພັກ; ໜ່ວຍພັກຄະນະວິຊາລ້ຽງສັດ ໄດ້ເລືອກເອົາ ສະຫາຍ ອໍາໄພວັນ ສຸກສັນຕິ ເປັນເລຂາໜ່ວຍພັກ, ສະຫາຍ ຈັນທອນ ທອງສະໄໝ ແລະ ສະຫາຍ ສົມຄິດ ຈະເລີນຜົນ ເປັນຮອງເລຂາ ແລະ ໜ່ວຍພັກຫ້ອງການ ໄດ້ເລືອກເອົາ ສະຫາຍ ບຸນຈັນ ເລັ່ງສະຫວັດ ເປັນເລຂາ, ສະຫາຍ ສົມພົງ ຄໍາມາລາວົງ ແລະ ສະຫາຍ ນາງ ຈັນທະພອນ ພົງດາລາ ເປັນຮອງເລຂາ. ໃນຕອນທ້າຍ ສະຫາຍ ທອງສະມຸດ ພູມມະສອນ ເລຂາຄະນະພັກຮາກຖານວິທະຍາໄລ ໄດ້ມີຄໍາເຫັນໂອ້ລົມ ສະຫາຍໄດ້ຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້ໃນໄລຍະຫ້າປີທີ່ຜ່ານມານັ້ນ ສະຫາຍຍັງຮຽກຮ້ອງໃຫ້ສະມາຊິກພັກທຸກສະຫາຍຈົ່ງເຊີດຊູຄວາມເປັນແບບຢ່າງນໍາໜ້າໃນທຸກດ້ານ, ນໍາພາມະຫາຊົນຫັນເອົາມະຕິກອງປະຊຸມໃຫຍ່ໃນຄັ້ງນີ້ເປັນແຜນການ ແລະ ພ້ອມກັນຈັດຕັ້ງປະຕິບັດໃຫ້ສໍາເລັດຕາມຄາດໝາຍທີ່ວາງໄວ້ ແລະ ທັງເນັ້ນໜັກໃຫ້ເລຂາໜ່ວຍພັກຊຸດໃໝ່ ທັງສາມໜ່ວຍພັກ ເອົາໃຈໃສ່ເສີມຂະຫຍາຍມູນເຊື້ອນາມມະຍົດຕ່າງໆ, ທີ່ຍາດມາໄດ້ໃນໄລຍະຜ່ານມາ, ເອົາໃຈໃສ່ເພີ່ມທະວີຄວາມສາມັກຄີ ບຸກບືນຕໍ່ໜ້າທີ່ວຽກງານທີ່ທາງພັກ-ລັດມອບໝາຍໃຫ້ ທັງພ້ອມກັນສູ້ຊົນຜ່ານຜ່າສ້າງຜົນງານໃຫ້ສໍາເລັດຍິ່ງໃຫຍ່ກ່ວາເກົ່າ.

**********************

ຂ່າວໂດຍ: ສີສະຫວາດ ພັນທຸວົງ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s