ກອງປະຊຸມໃຫ່ຍຄັ້ງທີ III ຂອງສະຫະພັນກຳມະບານວິທະຍາໄລກະສິກຳ ແລະ ປ່າໄມ້ ພາກເໜືອ

IMG_2424

ໃນວັນ​ທີ 12 ມິຖຸນາ 2019 ນີ້ ໄດ້ມີກອງປະຊຸມໃຫຍ່ຄັ້ງທີ III ຂອງສະຫະພັນກຳມະບານວິທະຍາໄລກະສິກຳ ແລະ ປ່າໄມ້ ພາກເໜືອ ​ຂຶ້ນ ທີ່​ຫ້ອງປະຊຸມຂອງວິທະຍາໄລ ​ໂດຍ​ການ​ເຂົ້າ​ຮ່ວມ​ຂອງ​ ສະຫາຍ ນາງ ອຳພອນ ສີວິໄລສັກ ປະທານ​ສະຫະພັນ​ກຳມະບານ ​ແຂວງ​ຫຼວງ​ພະ​ບາງ, ມີສະຫາຍ ທອງສະມຸດ ພູມມະສອນ ເລຂາຄະນະພັກຮາກຖານວິທະຍາໄລກະສິກໍາ ແລະ ປ່າໄມ້ ພາກເໜືອ, ສະຫາຍ ບຸນຊູ ໄຊຊະນະ ປະທານສະຫະພັນກໍາມະບານວິທະຍາໄລ, ມີແຂກ​ຖືກ​ເຊີນຈາກສະຫະພັນກໍາມະບານອ້ອມຂ້າງ ພ້ອມດ້ວຍ ສະມາຊິກສະຫະພັນ​ກຳມະບານທັງໝົດ ​ເຂົ້າ​ຮ່ວມ.

IMG_2285IMG_2292IMG_2296

ໃນພິທີ ສະຫາຍ ໄຊຄໍາ ສຸກສະນິດ ຮອງປະທານສະຫະພັນ​ກຳມະບານວິທະຍາໄລ ​ໄດ້​​ຜ່ານການເຄື່ອນໄຫວຈັດ​ຕັ້ງ​ປະຕິບັດວຽກ​ງານ 5 ປີ ( 2014-2018 ) ແລະ ທິດທາງແຜນການ 5 ປີ (2019-2023)​. ສະຫະພັນກຳມະບານວິທະຍາໄລກະສິກໍາ ແລະ ປ່າໄມ້ ພາກເໜືອ ແມ່ນອົງການຈັດຕັ້ງມະຫາຊົນພາຍໃຕ້ການຊີ້ນໍາ-ນໍາພາໂດຍກົງຂອງຄະນະພັກຮາກຖານວິທະຍາໄລ ເປັນສະຫະພັນກໍາມະບານເອກະລາດ ທີ່ຂຶ້ນກັບສະຫະພັນກໍາມະບານ ແຂວງຫຼວງພະບາງ, ຊຶ່ງມີສະມາຊິກທັງໝົດ 191 ສະຫາຍ, ຍິງ 83 ສະຫາຍ. ຕະຫຼອດໄລຍະ 5 ປີ ຜ່ານມາສະຫະພັນກໍາມະບານວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ຕັ້ງໜ້າເອົາໃຈໃສ່ຊີ້ນໍາ-ນໍາພາສະມາຊິກພາຍໃນໜ່ວຍເຄື່ອນໄຫວຈັດຕັ້ງປະຕິບັດໜ້າທີ່ວຽກງານກໍາມະບານ ໂດຍເອົາໃຈໃສ່ການສຶກສາອົບຮົມດ້ານການເມືອງ-ແນວຄິດໃຫ້ແກ່ສະມາຊິກກໍາມະບານເປັນປົກກະຕິ ໂດຍການນໍາເອົານະໂຍບາຍ ມະຕິຄໍາສັ່ງ ແລະ ນິຕິກໍາຕ່າງໆທີ່ຂັ້ນເທິງວາງອອກແຕ່ລະໄລຍະມາເຜີຍແຜ່ເຊື່ອມຊຶມ ເປັນຕົ້ນແມ່ນມະຕິກອງປະຊຸມໃຫຍ່ຄັ້ງທີ 7 ຂອງສະຫະພັນກໍາມະບານລາວ, ເນື້ອໃນ 5 ເປັນເຈົ້າຂອງສະຫະພັນກໍາມະບານລາວ, ເຜີຍແຜ່ເອກະສານສໍາຄັນຕ່າງໆຂອງພັກ-ລັດ, ກົດລະບຽບຂອງສະຫະພັນກໍາມະບານ ແລະ ປະຖະກະຖາວັນສໍາຕັນຕ່າງໆ 22 ຄັ້ງ, ສ້າງຄູ່ຮ່ວມງານກັບສະຖາບັນຕ່າງໆທັງພາຍໃນ ແລະ ຕ່າງປະເທດໄດ້ 15 ສະຖາບັນ, ສ້າງບຸກຄະລາກອນດ້ານການກະສິກຳ ແລະ ປ່າໄມ້ ເຂດເນີນສູງ ຮັບໃຊ້ສັງຄົມໄດ້ 898 ສະຫາຍ, ຍິງ 380 ສະຫາຍ ແລະ ອື່ນໆອີກຈໍານວນໜຶ່ງ.

ໃນກອງປະຊຸມຍັງໄດ້ປ່ອນບັດຄັດເລືອກເອົາຄະນະບໍລິຫານງານສະຫະພັນກຳມະບານຊຸດໃໝ່. ຊຶ່ງມີຜູ້ສະໝັກ 7 ສະຫາຍ ແລະ ເລືອກເອົາ 5 ສະຫາຍ, ຜ່ານການຕົກລົງເຫັນດີໄດ້ເລືອກເອົາ ສະຫາຍ ໄຊຄໍາ ສຸກສະນິດ ເປັນປະທານ, ສະຫາຍ ວິລະພົບ ພູທອນ ເປັນຮອງປະທານ, ສະຫາຍ ອິນຕາ ຕົວກະປໍມົວ, ສະຫາຍ ບຸນທຽມ ບົວສະຫວັນ ແລະ ສະຫາຍ ນາງ ປານີ ອຸດົມສິນ ເປັນຄະນະ.

ໃນຕອນທ້າຍພິທີ ສະຫາຍ ນາງ ອໍາພອນ ສີວິໄລສັກ ໄດ້ຂຶ້ນໂອ້ລົມ ພ້ອມທັງມີຄໍາເຫັນ ສະຫາຍໄດ້ຍ້ອງຍໍຊົມເຊີຍຕໍ່ຜົນງານໃນໄລຍະທີ່ຜ່ານມາ ແລະ ຮຽກຮ້ອງໃຫ້ຄະນະສະຫະພັນກໍາມະບານຊຸດໃໝ່ຈົ່ງສືບຕໍ່ຈັດຕັ້ງປະຕິບັດວຽກງານກໍາມະບານໃຫ້ບັນລຸຕາມຄາດໝາຍທີ່ວາງໄວ້.

*********

ພາບ-ຂ່າວ: ສີສະຫວາດ ພັນທຸວົງ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s