ກອງປະຊຸມໃຫຍ່ຮາກຖານສະຫະພັນແມ່ຍິງວິທະຍາໄລກະສິກຳ ແລະ ປ່າໄມ້ ພາກເໜືອ ຄັ້ງທີ X

ວັນທີ 7 ມິຖຸນາ 2019 ທີ່ສະໂມສອນວິທະຍາໄລກະສິກໍາ ແລະ ປ່າໄມ້ ພາກເໜືອ ໄດ້ມີກອງປະຊຸມໃຫຍ່ຮາກຖານສະຫະພັນແມ່ຍິງວິທະຍາໄລກະສິກຳ ແລະ ປ່າໄມ້ ພາກເໜືອ ຄັ້ງທີ x ໂດຍການເປັນປະທານຮ່ວມຂອງສະຫາຍ ນາງ ບົວຈັນ ນາມມະວົງ ຮອງປະທານສະຫະພັນແມ່ຍິງແຂວງຫຼວງພະບາງ, ສະຫາຍ ທອງສະມຸດ ພູມມະສອນ ເລຂາຄະນະພັກຮາກຖານ ວິທະຍາໄລກະສິກຳ ແລະ ປ່າໄມ້ ພາກເໜືອ, ເລຂາຮາກຖານສະຫະພັນແມ່ຍິງວິທະຍາໄລ, ​ແຂກຖືກເຊີນຈາກສະຫະພັນແມ່ຍິງບ້ານ ແລະ ກົມກອງອ້ອມຂ້າງ ພ້ອມດ້ວຍສະມາຊິກເຂົ້າຮ່ວມ. ໃນພິທີ ສະຫາຍ ນາງ ຈັນທະພອນ ພົງດາລາ ຮອງປະທານຮາກຖານສະຫະພັນແມ່ຍິງວິທະຍາໄລ ໄດ້ຂຶ້ນຜ່ານບົດລາຍງານການເຄື່ອນໄຫວວຽກງານໃນໄລຍະ 5 ປີຂອງຮາກຖານສະຫະພັນແມ່ຍິງວິທະຍາໄລ. ຮາກຖານສະຫະພັນແມ່ຍິງວິທະຍາໄລ ມີສະມາຊິກທັງໝົດ 284 ສະຫາຍ ຊຶ່ງໄດ້ຖືເອົາ  ການສຶກສາການເມືອງແນວຄິດເປັນຫຼັກໄປພ້ອມກັບການປະຕິບັດວຽກງານວິຊາສະເພາະ, ເປັນຕົ້ນແມ່ນການລວມຊີວິດຂອງແຕ່ລະເດືອນເພື່ອສ້າງໃຫ້ມີແນວຄິດອຸ່ນອ່ຽນ ທຸ່ນທ່ຽງ ມີແນວຄິດໜັກແໜ້ນ ເຊື່ອໝັ້ນຕໍ່ການນໍາພາຂອງພັກ-ລັດ ມີຄວາມກະຕືລືລົ້ນ, ຫ້າວຫັນຕໍ່ໜ້າທີ່ວຽກງານທີ່ຂັ້ນເທິງມອບໝາຍໃຫ້ ຊຶ່ງມັນສະແດງອອກໂດຍການເຂົ້າຮ່ວມເຊື່ອມຊຶມມະຕິ, ເອກະສານຕ່າງໆຂອງພັກ-ລັດນໍາຄະນະພັກ ແລະ ພາກສ່ວນອື່ນໆຈັດຂຶ້ນ 53  ຄັ້ງ, ຈັດຕັ້ງເຜີຍແຜ່, ປະຖະກະຖາເລົ່າມູນເຊື້ອວັນປະຫວັດສາດ, ມູນເຊື້ອວັດທະນະທໍາອັນດີງາມຂອງຊາດ ແລະ ຂອງແມ່ຍິງລາວ 10 ຄັ້ງ, ເຂົ້າຮ່ວມຝຶກອົບຮົມສໍາມະນາ ພາຍໃນ ແລະ ຕ່າງແຂວງ 24 ຄັ້ງ, ໄດ້ຊຸກຍູ້ສົ່ງເສີມໃຫ້ສະມາຊິກສະຫະພັນແມ່ຍິງພາຍໃນໜ່ວຍ ສ້າງເສດຖະກິດຄອບຄົວຕົນເອງທີ່ດີເດັ່ນເປັນຕົ້ນແມ່ນ ການປູກຝັງ, ລ້ຽງສັດ ແລະ ແປຮູບອາຫານ ທັງໝົດ 14 ຄອບຄົວ. ນອກນັ້ນ ກໍໄດ້ປະເມີນຜົນແຕ່ລະປີ ແລະ ຄັດເລືອກບຸກຄົນ 3 ດີໄດ້ປະເພດ 1 ທັງໝົດ 169 ສະຫາຍ, ປະເພດ 2 ມີ 15 ສະຫາຍ, ຄັດເລືອກຕົວແບບໄດ້ 6 ສະຫາຍ. ຫຼັງຈາກນັ້ນ ກໍໄດ້ມີການປ່ອນບັດຄັດເລືອກເອົາຄະນະສະຫະພັນແມ່ຍິງຊຸດໃໝ່, ໂດຍມີຜູ້ສະໝັກ 7 ສະຫາຍ ເລືອກເອົາ 5 ສະຫາຍ, ຊຶ່ງກອງປະຊຸມເຫັນດີເລືອກເອົາ ສະຫາຍ ນາງ ຈັນທະພອນ ພົງດາລາ ເປັນປະທານ, ສະຫາຍ ນາງ ວັນນະສອນ ກອນປະຈິດ ເປັນຮອງ, ສະຫາຍ ນາງ ໄມຈໍ່ ເລົ່າ ເປັນຄະນະ, ສະຫາຍ ສົມຈັນ ຈັນແດງ ເປັນຄະນະ, ສະຫາຍ ນາງ ມະນີຈັນ ສີບົວຄໍາ ເປັນຄະນະ. ຈາກນັ້ນ ກອງປະຊຸມຍັງໄດ້ຜ່ານຂໍ້ຕົກລົງວ່າດ້ວຍການຍ້ອງຍໍ ແລະ ມອບນາມມະຍົດສະຫະພັນແມ່ຍິງ 3 ດີໃຫ້ຮາກຖານສະຫະພັນແມ່ຍິງວິທະຍາໄລ ພ້ອມທັງມອບໃບຍ້ອງຍໍສະມາຊິກພາຍໃນໜ່ວຍຢ່າງສົມກຽດ, ໃນຕອນທ້າຍ ສະຫາຍ ນາງ ບົວຈັນ ນາມມະວົງ ໄດ້ມີຄໍາເຫັນໂອ້ລົມ ສະຫາຍໄດ້ຍ້ອງຍໍຊົມເຊີຍຜົນງານ 5 ປີທີ່ຍາດມາໄດ້ ສະຫາຍໄດ້ເນັ້ນ ໜັກໃຫ້ບັນດາສະມາຊິກສະຫະພັນແມ່ຍິງຂອງວິທະຍາໄລ ຈົ່ງສືບຕໍ່ຮັກສາມູນເຊື້ອ ແລະ ຜົນງານທີ່ຍາດມາໄດ້ໃນໄລຍະຜ່ານມາໄດ້, ເພີ່ມທະວີຄວາມສາມັກຄີ, ບຸກບືນຕໍ່ໜ້າທີ່ວຽກງານທີ່ພັກ-ລັດມອບໝາຍໃຫ້, ໂດຍສະເພາະແມ່ນ ຄະນະສະຫະພັນແມ່ຍິງຊຸດໃໝ່ ຕ້ອງໄດ້ພ້ອມກັນຜ່ານຜ່າສູ້ຊົນສ້າງຜົນງານໃຫ້ສໍາເລັດຍິ່ງໃຫຍ່ກວ່າເກົ່າ.

************

ພາບ-ຂ່າວ: ສີສະຫວາດ ພັນທຸວົງ

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s