ພິທີ ລົງນາມເຊັນບົດບັນທຶກການປະຕິບັດກິດຈະກຳຮ່ວມກັນ (MOA) ລະຫວ່າງ ວິທະຍາໄລກະສິກຳ ແລະ ປ່າໄມ້ ພາກເໜືອ ກັບ ຄະນະຜະລິດຕະພັນກະສິກຳ ມະຫາວິທະຍາໄລແມ່ໂຈ້ ແລະ ບໍລິສັດ R.P.M ຟາມ ແລະ ອາຫານ

ໃນວັນທີ 28 ກຸມພາ 2019 ນີ້ ຢູ່ທີ່ຫ້ອງປະຊຸມ ຂອງ ວິທະຍາໄລ ກະສິກຳ ແລະ ປ່າໄມ້ ພາກເໜືອ ໄດ້ມີພິທີລົງນາມເຊັນບົດບັນທຶກ ການປະຕິບັດກິດຈະກຳຮ່ວມກັນ (MOA), ໂດຍການຮ່ວມມືລະຫວ່າງ ວິທະຍາໄລ ກະສິກຳ-ປ່າໄມ້ ພາກເໜືອ ກັບ ຄະນະຜະລິດຕະພັນກະສິກຳ, ມະຫາວິທະຍາໄລ ແມ່ໂຈ້ (ປະເທດໄທ) ແລະ ບໍລິສັດ R.P.M ຟາມ ແລະ  ອາຫານ (ປະເທດໄທ).  ຊຶ່ງຕາງໜ້າລົງນາມໂດຍ ທ່ານ ປອ. ອຸໄທ ສຸກຂີ ຮອງອຳນວຍການ ວິທະຍາໄລກະສິກຳ-ປ່າໄມ້ ພາກເໜືອ, ທ່ານ ຮສ. ປອ. ເລືອງໄຊ ຈຸວັດຕະນະສໍາລານ ຄະນະບໍດີ ຄະນະຜະລິດຕະພັນກະສິກຳ, ມະຫາວິທະຍາໄລ ແມ່ໂຈ້ ແລະ ທ່ານ ຈິດສັກ ເວຈະກຸນ ບໍລິສັດ R.P.M ຟາມ ແລະ  ອາຫານ ປະເທດໄທ. ເປັນສັກຂີພິຍານມີ ຫົວໜ້າຫ້ອງການ, ຄະນະວິຊາ  ແລະ ຮອງຫົວໜ້າຫ້ອງການ, ຄະນະວິຊາ ພ້ອມດ້ວຍ ທີມງານທີ່ມາຈາກ ຄະນະຜະລິດຕະພັນກະສິກຳ ມາຫາວິທະຍາໄລແມ່ໂຈ້ ປະເທດໄທ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ໃນການເຊັນບົດບັນທຶກໃນຄັ້ງນີ້ກໍເພື່ອເປັນການຮ່ວມມືໃນການແລກປ່ຽນພະນັກງານວິຊາການ, ການພັດທະນາພະນັກງານ ຫຼື ບຸກຄະລາກອນ,  ແລກປ່ຽນນັກສຶກສາຝຶກງານ, ການເຮັດກິດຈະກຳຮ່ວມກັນ, ການຄົ້ນຄ້ວາທົດລອງຮ່ວມກັນ ແລະ ໂຄສະນາສົ່ງເສີມຄູ່ຮ່ວມງານທາງສື່ຕ່າງໆ ເຊັ່ນ: ເວັບໄຊ໌, ໜັງສືພິມ ຫຼື ສື່ສິ່ງພິມຕ່າງໆ ທີ່ເປັນປະໂຫຍດຮ່ວມກັນ. ໃນບົດບັນທຶກຄວາມເຂົ້າໃຈສະບັບນີ້ ແມ່ນມີອາຍຸການນຳໃຊ້ 4 ປີ (28 ກຸມພາ 2019 – 28 ກຸມພາ 2023) ໃນໂອກາດດັ່ງກ່າວ ທັງສອງຝ່າຍຍັງໄດ້ແລກປ່ຽນຂອງທີ່ລະນຶກເຊິ່ງກັນ ແລະ ກັນອີກດ້ວຍ. ພາຍຫຼັງສໍາເລັດການລົງນາມເຊັນບົດບັນທຶກຄວາມເຂົ້າໃຈແລ້ວ ທ່ານ ຈິດສັກ ເວຈະກຸນ ອໍານວຍການບໍລິສັດ R.P.M ຟາມ ແລະ  ອາຫານ (ປະເທດໄທ) ໄດ້ຂຶ້ນນໍາສະເໜີ ການປະຕິບັດຂອງ ຟາມດັ່ງກ່າວໃຫ້ແກ່ ພະນັກງານ, ຄູອາຈານ ແລະ ນັກສຶກສາ, ພ້ອມທັງຍັງໄດ້ແນະນໍາ ຂັ້ນຕອນ ແລະ ວິທີການ ສະໝັກທີ່ຈະໄປຝຶກງານ ຫຼື ທີ່ຈະໄປຮຽນຕໍ່ ໃຫ້ແກ່ນັກສຶກສາທີ່ມີຄວາມສົນໃຈຕື່ມອີກ.

 

******************

ພາບ-ຂ່າວ: ສີສະຫວາດ ພັນທຸວົງ

ຫ້ອງການພົວພັນ ແລະ ການຮ່ວມມື, ວິທະຍາໄລກະສິກຳ ແລະ ປ່າໄມ້ ພາກເໜືອ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s