ກອງປະຊຸມປຶກສາຫາລືກ່ຽວກັບການສ້າງກຸ່ມແລກປ່ຽນດ້ານວິຊາການຂອງ 5 ສະຖາບັນການສຶກສາ ທີ່ຂຶ້ນກັບກະຊວງກະສິກຳ ແລະ ປ່າໄມ້

ກອງປະຊຸມດັ່ງກ່າວໄດ້ຈັດຂຶ້ນໃນລະຫວ່າງວັນທີ 25-27 ກຸມພາ 2019 ຢູ່ທີ່ຫ້ອງປະຊຸມ ວິທະຍາໄລກະສິກຳ ແລະ ປ່າໄມ້ ພາກເໜືອ, ໂດຍການເປັນປະທານຂອງທ່ານ ປທ. ທອງສະມຸດ ພູມມະສອນ ອໍານວຍການວິທະຍາໄລກະສິກໍາ ແລະ ປ່າໄມ້ ພາກເໜືອ, ຊຶ່ງມີອໍານວຍການ, ຫົວໜ້າ ແລະ ຮອງຄະນະວິຊາ ຈາກ 5 ສະຖາບັນການສຶກສາທີ່ຂຶ້ນກັບ ກະຊວງກະສິກຳ ແລະ ປ່າໄມ້ ເຂົ້າຮ່ວມຄື: ວິທະຍາໄລ ກະສິກໍາ ແລະ ປ່າໄມ້ ພາກເໜືອ, ວິທະຍາໄລ ກະສິກໍາ ແລະ ປ່າໄມ້ ບໍລິຄໍາໄຊ, ວິທະຍາໄລກະສິກໍາ ແລະ ປ່າໄມ້ ສະຫວັນນະເຂດ, ວິທະຍາໄລກະສິກໍາ ແລະ ປ່າໄມ້ ຈໍາປາສັກ ແລະ ໂຮງຮຽນຊົນລະປະທານ ຊັ້ນສູງ ທ່າງ່ອນ, ມີຕາງໜ້າຈາກ ກົມຈັດຕັ້ງ ແລະ ພະນັກງານ ກະຊວງກະສິກຳ ແລະ ປ່າໄມ້, ທີມງານໂຄງການ SURAFCO  ເຂົ້າຮ່ວມ. ໃນພິທີ ທ່ານ ປທ. ທອງສະມຸດ ພູມມະສອນ ໄດ້ມີຄໍາເຫັນ ແລະ ກ່າວເປີດກອງປະຊຸມ, ຈາກນັ້ນ ກໍໄດ້ດໍາເນີນຕາມວາລະຂອງກອງປະຊຸມ. ຊຶ່ງຈຸດປະສົງຂອງກອງປະຊຸມດັ່ງກ່າວແມ່ນເພື່ອປຶກສາຫາລື ແລກປ່ຽນຄໍາຄິດຄໍາເຫັນກ່ຽວກັບການສ້າງກຸ່ມແລກປ່ຽນດ້ານວິຊາການ, ເພື່ອກໍານົດໂຄງສ້າງຂອງກຸ່ມດັ່ງກ່າວ ແລະ ກໍານົດແຜນວຽກໃນຕໍ່ໜ້າໃນການສືບຕໍ່ຊ່ວຍເຫຼືອເຊິ່ງກັນ ແລະ ກັນ ໂດຍຜ່ານກິດຈະກໍາຂອງກຸ່ມແລກປ່ຽນດ້ານວິຊາການໃນແຕ່ລະສະຖາບັນ. ກອງປະຊຸມດໍາເນີນເປັນເວລສ 3 ວັນຈຶ່ງສໍາເລັດ.

 

*****************

ພາບ ແລະ ຂ່າວໂດຍ: ສີສະຫວາດ ພັນທຸວົງ

ຫ້ອງການພົວພັນ ແລະ ການຮ່ວມມື, ວິທະຍາໄລກະສິກຳ ແລະ ປ່າໄມ້ ພາກເໜືອ

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s