ການແຂ່ງຂັນແນວຄວາມຄິດທຸລະກິດດ້ານການກະສິກຳ ແລະ ປ່າໄມ້ທີ່ຍືນຍົງ ຄັ້ງທີ 3

ໃນວັນທີ 22 ທັນວາ 2018 ທີ່ຜ່ານມານີ້ ຢູ່ທີ່ ສະໂມສອນ ຂອງ ວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ມີງານແຂ່ງຂັນການສ້າງຜູ້ປະກອບການໄວໜຸ່ມ ກັບການແຂ່ງຂັນຄວາມຄິດທຸລະກິດກະສິກໍາ ແລະ ປ່າໄມ້ທີ່ຍືນຍົງ. ໂດຍການເຂົ້າຮ່ວມຂອງ ທ່ານ ທອງສະມຸດ ພູມມະສອນ ອໍານວຍການວິທະຍາໄລ, ທ່ານ ເພັດສະໝອນ ຖານະສັກ ຮອງຫົວໜ້າກົມຈັດຕັ້ງ ແລະ ພະນັກງານ ກະຊວງກະສິກໍາ ແລະ ປ່າໄມ້, ທ່ານ ໄຊຍະພັນ ລາສີ ຫົວໜ້າພະແນກກະສິກໍາ ແລະ ປ່າໄມ້ ແຂວງຫຼວງພະບາງ, ມີຄະນະກໍາມະການ ຈາກຂະແໜງການທີ່ກ່ຽວຂ້ອງ, ບໍລິສັດທີ່ປຶກສາ ແລະ ຕາງໜ້າໂຄງການຜູ້ໃຫ້ທຶນ, ແຂກຖືກເຊີນຈາກພະແນກການອ້ອມຂ້າງ ພ້ອມດ້ວຍພະນັກງານ, ຄູອາຈານ ແລະ ນັກສຶກສາພາຍໃນວິທະຍາໄລເຂົ້າຮ່ວມ. ໃນພິທີດັ່ງກ່າວ ທ່ານ ທອງສະມຸດ ພູມມະສອນ ອໍານວຍການວິທະຍາໄລ ໄດ້ກ່າວເປີດງານວ່າ  ການຈັດງານໃນຄັ້ງນີ້ ເພື່ອສ້າງຂີດຄວາມສາມາດ ແລະ ການສົ່ງເສີມຫົວຄິດປະດິດສ້າງ  ໃຫ້ກັບນັກສຶກສາ ວິທະຍາໄລກະສິກຳ ແລະ ປ່າໄມ້ ພາກເໜືອ ໂດຍສະເພາະແມ່ນ ນັກສຶກສາປີ ທີ 3 ທຸກສາຂາວິຊາຮຽນ ໃນການພັດທະນາແນວຄວາມຄິດ ແລະ ການຂຽນແຜນທຸລະກິດຂອງຕົນ ແລະ ເພື່ອການສະໜັບສະໜູນທາງດ້ານວິຊາການເພື່ອກໍ່ສ້າງຜູ້ປະກອບການໄວໜຸ່ມໃຫ້ສາມາດລິເລີ່ມ ແລະ ຂະຫຍາຍທຸລະກິດຂອງຕົນເອງໄດ້ ນອກນັ້ນຍັງສາມາດຮູ້ຈັກການບໍລິການ ແລະ ການສົ່ງເສີມ, ການຈໍາໜ່າຍລວມເຖິງການຊອກຫາຕະຫຼາດຈໍາໜ່າຍດ້ວຍຕົນເອງ. ການຈັດງານຄັ້ງນີ້ຊຶ່ງໄດ້ຮັບການສະໜັບສະໜູນທຶນຈາກ ໂຄງການບໍລິການ-ສົ່ງເສີມກະສິກຳ ແລະ ປ່າໄມ້ (LURAS), ໂຄງການ SURAFCO ແລະ ບໍລິສັດທີ່ປຶກສາດ້ານການພັດທະນາ-ວິສາຫະກິດຈໍາກັດ (EDC).  ຊຶ່ງໃນປີນີ້ມີ 16 ທີມ 60 ແນວຄວາມຄິດທີ່ສົ່ງເຂົ້າແຂ່ງຂັນ. ຜ່ານການຄັດເລືອກໄດ້ 11 ທີມເຂົ້າຮອບຊິງຊະນະເລີດ, ຫຼັງຈາກນັ້ນ ທີມທີ່ຜ່ານການຄັດເລືອກ ທັງ 11 ທີມ ໄດ້ຂຶ້ນປ້ອງກັນແຜນທຸລະກິດຂອງຕົນ ແລະ ຖາມ-ຕອບຈາກຄະນະກຳມະການ.  ຊຶ່ງຜົນການແຂ່ງຂັນປະກົດວ່າ ທີມທີ່ໄດ້ຮັບລາງວັນຊະນະເລີດໄດ້ແກ່ ທີມ 3 ຊາຍຂາຍນໍ້າ (ຜະລິດຕະພັນນໍ້າຫອມລະເຫີຍຈາກສະໝຸນໄພ) ໄດ້ຮັບເງິນສົດຈໍານວນ 6,500,000 ກີບ, ອັນດັບທີ່ 2 ໄດ້ແກ່ທີມ ບ່າວສາວນໍ້າຈືດ (ການລ້ຽງປາຝາ) ໄດ້ຮັບເງິນສົດ 5,000,000 ກີບ , ທີ່ 3 ແມ່ນທີມ ຍອດນາງຟ້າ (ຜະລິດຕະພັນ ນໍ້າມັນໝາກພ້າວ) ໄດ້ຮັບເງິນສົດ 3,000,000 ກີບ ແລະ ທີມໄດ້ຮັບລາງວັນ ຂວັນໃຈມະຫາຊົນແມ່ນທີມ ເຈາະໃຈຜັກໃຫ້ເຖິງໃຈຄົນ (ການປູກຜັກອິນຊີ) ໄດ້ຮັບເງິນສົດ 1,500,000 ກີບ ສ່ວນທີເຫຼືອແມ່ນໄດ້ຮັບລາງວັນຊົມເຊີຍ ລາງວັນລະ 200,000 ກີບຈໍານວນ 7 ລາງວັນ. ການແຂ່ງຂັນໃນຄັ້ງນີ້ເຊື່ອວ່າໃນໄລຍະຍາວນັ້ນຈະສາມາດນໍາໄປສູ່ການສົ່ງເສີມສ້າງວຽກເຮັດງານທໍາ, ເປັນການຊ່ວຍຫຼຸດຜ່ອນອັດຕາການວ່າງງານຂອງຊາວໜຸ່ມ ແລະ ຕອບສະໜອງໄດ້ນະໂຍບາຍ-ຍຸດທະສາດຂອງລັດຖະບານໃນການສ້າງວຽກເຮັດງານທໍາໃນພາກເອກະຊົນຢູ່ໃນປະເທດເຮົາໄດ້ອີກທາງໜຶ່ງ ໂດຍບໍ່ອາໄສເຮັດວຽກນໍາລັດແຕ່ງພຽງຢ່າງດຽວ.

>>ຄຣິກທີ່ນີ້ເພື່ອເບິ່ງຮູບພາບເພີ່ມເຕີມ<<

******************************

ພາບ ແລະ ຂ່າວໂດຍ: ສີສະຫວາດ ພັນທຸວົງ

ຫ້ອງການພົວພັນ ແລະ ການຮ່ວມມື,


address2

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s