ວິທະຍາໄລກະສິກຳ ແລະ ປ່າໄມ້ ພາກເໜືອ ປາຖະກະຖາ 3 ວັນປະຫວັດສາດສຳຄັນຂອງຊາດ

ໃນວັນທີ 5 ທັນວາ 2018 ຢູ່ທີ່ສະໂມສອນຂອງ ວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ມີພິທີປາຖະກະຖາຫວນຄືນມູນເຊື້ອ 3 ວັນປະຫວັດສາດສໍາຄັນຂອງຊາດລາວ ຄື: ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 43 ປີ (2 ທັນວາ 1975 -2 ທັນວາ 2018), ວັນຄ້າຍວັນເກີດຂອງ ທ່ານປະທານ ໄກສອນ ພົມວິຫານ ຄົບຮອບ 98 ປີ (13 ທັນວາ 1920 -13 ທັນວາ 2018) ແລະ ວັນສ້າງຕັ້ງ ເມືອງ ວຽງໄຊ ເປັນຖານທີ່ໝັນ ຄົບຮອບ 50 ປີ (30 ພະຈິກ 1968 – 30 ພະຈິກ 2018). ໂດຍການໃຫ້ກຽດເລົ່າມູນເຊື້ອໃນຄັ້ງນີໂດຍແມ່ນ ທ່ານ ສົມສີ ຄໍາມະນີວົງ ຮອງອໍານວຍການວິທະຍາໄລ, ມີບັນດາພະນັກງານ, ຄູ-ອາຈານ ແລະ ນັກສຶກສາ ພາຍໃນວິທະຍາໄລເຂົ້າຮ່ວມຮັບຟັງ. ທ່ານ ສົມສີ ຄໍາມະນີວົງ ໄດ້ຍົກໃຫ້ເຫັນຜົນງານແຫ່ງການຕໍ່ສູ້ກູ້ຊາດໃນໄລຍະຜ່ານມາຂອງແຕ່ລະຂະບວນການຕໍ່ສູ້ປົດປ່ອຍຊາດຂອງປະຊາຊົນລາວບັນດາເຜົ່າ ວິລະກໍາການຕໍ່ສູ້ກູ້ຊາດຂອງປະຊາຊົນລາວ ພາຍໃຕ້ການນໍາພາຂອງພັກປະຊາຊົນປະຕິວັດລາວ ກໍຄືການນໍາພາຂອງ ທ່ານ ໄກສອນ ພົມວິຫານ ວິລະບູລຸດຂອງຊາດລາວ ຜູ້ນໍາແສນເຄົາລົບຮັກຂອງປວງຊົນລາວທັງຊາດ. ແຕ່ເຖິງຢ່າງໃດກໍ່ຕາມ ຍ້ອນມີແນວທາງອັນຖືກຕ້ອງຂອງພັກ, ການນໍາພາທີ່ສະຫຼາດສະຫຼຽວອັນສ່ອງໃສຂອງການນໍາລາວໃນສະໄໝນັ້ນຈຶ່ງສາມາດຍາດເອົາເອກະລາດມາໄດ້ຢ່າງສົມບູນ ຈົນສາມາດປົດປ່ອຍປະເທດຊາດໄດ້ຢ່າງມີໄຊ ແລະ ປະກາດສ້າງຕັ້ງ ສາທາລະນະລັດ ປະຊາທິປະໄຕ ປະຊາຊົນ ຂຶ້ນຢ່າງສະຫງ່າຜ່າເຜີຍ ໃນວັນທີ 2 ທັນວາ 1975 ແລະ ເປັນວັນແຫ່ງໄຊຊະນະອັນໃຫຍ່ຫຼວງໃນປະຫວັດສາດແຫ່ງການຕໍ່ສູ້ກູ້ຊາດລາວເຮົາ. ຫຼັງຈາກນັ້ນ ທ່ານ ສົມສີ ຄໍາມະນີວົງ ກໍໄດ້ເລົ່າມູນເຊື້ອການປະຕິວັດ ແລະ ການສ້າງຕັ້ງ ເມືອງວຽງໄຊ ຖານທີ່ໝັ້ນຂອງການປະຕິວັດລາວ ຄົບຮອບ 50 ປີ. ຊຶ່ງແມ່ນສູນກາງການຊີ້ນໍາຂອງພັກໃນພາລະກິດປົດປ່ອຍຊາດກໍຄື ບ່ອນກໍ່ສ້າງ ແລະ ຂະຫຍາຍກຳລັງປະກອບອາວຸດ ເພື່ອຕ້ານລັດທິລ່າເມືອງຂຶ້ນແບບເກົ່າ ແລະ ແບບໃໝ່, ຊຶ່ງຖື່ໄດ້ວ່າ ເປັນຕົ້ນກຳເນີດຂອງ ສາທາລະນະລັດ ປະຊາທິປະໄຕ ປະຊາຊົນລາວ. ຊຶ່ງການປາຖະກາຖາໃນຄັ້ງນີ້ ເປັນການຫວນຄືນມູນເຊື້ອຂອງຜູ້ນໍາປະຕິວັດລາວໃນການນໍາພາພາລະກິດ ປະຕິວັດຊາດ ປະຊາທິປະໄຕ ຈົນໄດ້ຮັບໄຊຊະນະຢ່າງສົມບູນ, ທັງເປັນການຈາລຶກເຖິງຄຸນງາມຄວາມດີ, ຜົນງານ ແລະ ໄຊຊະນະອັນໃຫຍ່ຫຼວງ ຂອງກອງທັບ ແລະ ປະຊາຊົນລາວບັນດາເຜົ່າ ກໍຄືຜົນງານອັນລໍ້າເລີດ ຂອງບັນດາທ່ານຜູ້ນຳແນວລາວຮັກຊາດ ໂດຍສະເພາະ ແມ່ນ ທ່ນປະທານ ໄກສອນ ພົມວິຫານ ແລະ ຜູ້ນຳຄົນອື່ນໆ ທີ່ໄດ້ອຸທິດ ເສຍສະຫຼະເລືອດເນື້ອເຫື່ອແຮງ, ສະຕິປັນຍາ ເຕົ້າໂຮມຄວາມສາມັກຄີທຸກກໍາລັງທີ່ຮັກຊາດ ເຂົ້າໃນພາລະກິດ ປະຕິວັດຕໍ່ສູ້ປົດປ່ອຍຊາດ ແລະ ສ້າງເຂດປົດປ່ອຍ ເມືອງວຽງໄຊ ເປັນຖານທີ່ໝັ້ນຂອງການປະຕິວັດລາວ ທີ່ເຂັ້ມແຂງທຸກດ້ານ ເປັນທ່າແຮງໃນການຕໍ່ສູ້ກູ້ຊາດ ຈົນໄດ້ຮັບໄຊຊະນະ. ນອກນັ້ນ ຍັງແນ່ໃສ່ສຶກສາອົບຮົມການເມືອງ ນໍາພາແນວຄິດໃຫ້ພະນັກງານ, ຄູອາຈານ ແລະ ນັກສຶກສາໄດ້ຮັບຮູ້ເຊື່ອມຊຶມເຖິງມູນເຊື້ອແຫ່ງການຊີ້ນຳ-ນຳພາຂອງພັກ, ມູນເຊື້ອຕໍ່ສູ້ຢ່າງພິລະອາດຫານຂອງກອງທັບ ແລະ ປະຊາຊົນລາວບັນດາເຜົ່າ ແລະ ມູນເຊື້ອຄວາມສາມັກຄີທົ່ວປວງຊົນທັງຊາດພາຍໃຕ້ການນຳພາຂອງພັກ.


——————————-
ພາບ-ຂ່າວໂດຍ: ສີສະຫວາດ ພັນທຸວົງ
ຫ້ອງການພົວພັນ ແລະ ການຮ່ວມມື

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s