ພິທີປິດຊຸດຝຶກອົບຮົມເຕັກນິກວິຊາຊີບ ລະດັບ 1 ຮຸ່ນທີ 4

             ວັນທີ 2 ພະຈິກ 2018 ນີ້ ຢູ່ຫ້ອງປະຊຸມ ວິທະຍາໄລກະສິກໍາ ແລະ ປ່າໄມ້ພາກເໜືອ ໄດ້ມີພິທີປິດຊຸດຝຶກອົບຮົມ ເຕັກນິກວິຊາຊີບລະດັບ 1 ຮຸ່ນທີ 4 ຂຶ້ນ ໂດຍການເປັນປະທານຂອງ ທ່ານ ສົມສີ ຄຳມະນີວົງ ຮອງອຳນວຍການວິທະຍາໄລ, ມີຄູ-ອາຈານ, ຄູຝຶກ ແລະ ຄະນະຮັບຜິດຊອບ ພ້ອມດ້ວຍສຳມະນາກອນ 18 ຄົນ, ຍິງ 2 ຄົນ ເຂົ້າຮ່ວມຢ່າງພ້ອມພຽງ. ໃນພິທີ ທ່ານ ນາງ ທອງວັນ ບຸນລາວົງ ຕາງໜ້າຄູຝຶກ ຂຶ້ນຜ່ານບົດລາຍງານການຈັດຕັ້ງປະຕິບັດ ຫຼັກສູດການຝຶກອົບຮົມເຕັກນິກວິຊາຊີບລະດັບ 1 ຮຸ່ນທີ 4 ວ່າ: ວິທະຍາໄລ ກະສິກຳ ແລະ ປ່າໄມ້ ພາກເໜືອ ແມ່ນໜຶ່ງໃນ 5 ວິທະຍາໄລ ທີ່ຂຶ້ນກັບກະຊວງກະສິກຳ ແລະ ປ່າໄມ້. ມີໜ້າທີຫຼັກກໍ່ສ້າງນັກວິຊາການທາງດ້ານກະສິກຳ ແລະ ປ່າໄມ້ ທີ່ມີຄວາມຊຳນານ ເພື່ອຕອບສະໜອງໃຫ້ແກ່ບັນດາແຂວງພາກເໜືອ ຂອງ ສປປ ລາວ. ໂດຍນໍາໃຊ້ຫຼັກສູດແບບຍືນຍົງ ເຊິ່ງເປັນຫຼັກສູດທີ່ເນັ້ນຄວາມຊໍານານ ແລະ ສອດຄ່ອງກັບຄວາມຕ້ອງການຂອງຕະຫຼາດແຮງງານ. ນອກຈາກການສິດສອນຫຼັກສູດດັ່ງກ່າວແລ້ວ ທາງວິທະຍາໄລໄດ້ຮ່ວມມືກັບ ໂຄງການ ເຊີຣາບໂກ (SURAFCO) ແລະ ໂຄງການ ວີລາ (VELA) ໂດຍການສະໜັບສະໜູນທຶນຮັບເອົານັກຮຽນ ທີ່ຈົບຊັ້ນປະຖົມ ຫາ ຊັ້ນມັດທະຍົມຕົ້ນ ທີ່ດ້ອຍໂອກາດ ແລະ ຢູ່ເຂດຫ່າງໄກສອກຫຼີກ ເຂົ້າມາຮຽນ ເພື່ອເປັນການພັດທະນາສີມື, ຄວາມສາມາດ ທາງດ້ານກະສິກຳ ແລະນຳເອົາຄວາມຮູ້ ທີ່ໄດ້ຝຶກອົບຮົມ ໄປປະກອບເປັນອາຊີບເສີມ ຫຼື ອາຊີບຫຼັກໃນອະນາຄົດ ສ້າງລາຍຮັບແກ່ຄອບຄົວ ແລະ ພັດທະນາທ້ອງຖິ່ນຂອງຕົນເອງ. ການຝຶກອົບຮົມໃນຄັ້ງນີ້ ໄດ້ດຳເນີນເປັນເວລາ 3 ເດືອນ ຊຶ່ງເລີ່ມແຕ່ເດືອນ ສິງຫາ ຫາ ເດືອນ ຕຸລາ, ໂດຍມີນັກສຳມະນາກອນ ມາຈາກ 1 ນະຄອນ ແລະ 4 ເມືອງ ຂອງແຂວງຫຼວງພະບາງ ເຊັ່ນ: ນະຄອນ-ຫຼວງພະບາງ, ເມືອງຈອມເພັດ, ເມືອງປາກອູ, ເມືອງນໍ້າບາກ ແລະ ເມືອງງອຍ, ມີຫຼັກສູດ 2 ສາຂາວິຊາຫຼັກຄື: ສາຂາວິຊາປູກຝັງ ແລະ ສາຂາວິຊາ ລ້ຽງສັດ-ການປະມົງ. ຜ່ານການຝຶກອົບຮົມໃນໄລຍະ 3 ເດືອນເຫັນວ່າ ນັກສຳມະນາກອນທັງໝົດ 18 ຄົນ, ຍິງ 2 ຄົນ ສາມາດສໍາເລັດການຝຶກອົບຮົມໄດ້ 100%. ຕອນທ້າຍພິທີ ທ່ານ ສົມສີ ຄຳມະນີວົງ ໄດ້ໃຫ້ກຽດຂຶ້ນມອບໃບຢັ້ງຢືນໃຫ້ນັສຳມະນາກອນທີ່ສໍາເລັດການຝຶກອົບຮົມໃນຄັ້ງນີ້ ແລະ ພ້ອມທັງມີຄໍາເຫັນໂອ້ລົມ ທ່ານໄດ້ຍ້ອງຍໍຊົມເຊີຍນັກສໍາມະນາກອນທັງ 18 ຄົນທີ່ຕັ້ງໜ້າຝຶກອົບຮົມຈົນສໍາເລັດ ແລະ ທ່ານຍັງເນັ້ນໃຫ້ແຕ່ລະຄົນ ນຳເອົາຄວາມຮູ້ ຄວາມສາມາດທີ່ໄດ້ຮຽນມານັ້ນໄປຜັນຂະຫຍາຍໃນທ້ອງຖິ່ນຂອງຕົນໃຫ້ເກີດຜົນປະໂຫຍດສູງສຸດ ແລະ ເຜີຍແຜ່ໃຫ້ແກ່ປະຊາຊົນ ພາຍໃນທ້ອງຖິ່ນໃຫ້ມີອາຊີບທີ່ໝັ້ນຄົງໃນອະນາຄົດ.
ພາບ-ຂ່າວໂດຍ: ສີສະຫວາດ ພັນທຸວົງ
ຫ້ອງການພົວພັນ ແລະ ການຮ່ວມມື, ວິທະຍາໄລກະສິກຳ ແລະ ປ່າໄມ້ ພາກເໜືອ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s