ພິທີ ແຂ່ງຂັນຍ້ອງຍໍໄລຍະໃໝ່ “ຮັກຊາດ ແລະ ພັດທະນາ” ຕິດພັນກັບຂໍ້ແຂ່ງຂັນ “3 ເນື້ອໃນ 4 ຄາດໝາຍ” ແລະ ຕັ້ງໜ້າພັດທະນາຫຼັກສູດ, ການຮຽນການສອນ ແລະ ສອນດີສອນເກັ່ງ

ວັນທີ 16 ກຸມພາ 2018 ທີ່ຜ່ານມານີ້ ທີ່ຫ້ອງປະຊຸມໃຫຍ່ຂອງວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ມີການຈັດ ພິທີແຂ່ງຂັນຍ້ອງຍໍໄລຍະໃໝ່ “ຮັກຊາດ ແລະ ພັດທະນາ”  ຕິດພັນກັບຂໍ້ແຂ່ງຂັນ “3 ເນື້ອໃນ 4 ຄາດໝາຍ” ແລະ ຕັ້ງໜ້າພັດທະນາຫຼັກສູດ, ການຮຽນການສອນ ແລະ ສອນດີສອນເກັ່ງຂຶ້ນ, ໂດຍການເປັນປະທານຂອງ ທ່ານ ປທ. ທອງສະມຸດ ພູມມະສອນ ອຳນວຍການວິທະຍາໄລ. ຜູ້ເຂົ້າຮ່ວມ ມີ 4 ຫ້ອງການ 5 ຄະນະວິຊາຮຽນ, 3 ອົງການຈັດຕັ້ງມະຫາຊົນ, ຄູປະຈຳຫ້ອງແຕ່ລະຫ້ອງ ແລະ ພະນັກງານ-ຄູອາຈານພາຍໃນວິທະຍາໄລ. ໃນພິທີ ກໍໄດ້ຜ່ານຂໍ້ຕົກລົງ ວ່າດ້ວຍການອະນຸມັດເປີດບັ້ນແຂ່ງຂັນ-ຍ້ອງຍໍຂອງ ວກປໜ, ຫຼັງຈາກນັ້ນ ທ່ານ ປທ ທອງສະມຸດ ພູມມະສອນ ໄດ້ກ່າວເປີດພິທີຢ່າງເປັນທາງການ, ຈາກນັ້ນ ກໍໄດ້ໃຫ້ຕາງໜ້າ 4 ຫ້ອງການ 5 ຄະນະວິຊາ, 3 ອົງການຈັດຕັ້ງມະຫາຊົນ ແລະ ຄູປະຈຳຫ້ອງແຕ່ລະຫ້ອງ ຈັບມືແຂ່ງຂັນພາຍໃຕ້ຄຳຂວັນ ຮັກຊາດ ແລະ ພັດທະນາ ຕິດພັນກັບ 3 ເນື້ອໃນ 4 ເປົ້າໝາຍ ແລະ ຕັ້ງໜ້າພັດທະນາຫຼັກສູດ, ການຮຽນການສອນ ແລະ ສອນດີສອນເກັ່ງ ຂອງ ວກປໜ ໄດ້ຮັບການປະຕິບັດໃຫ້ມີປະສິທິຜົນ. ໃນຕອນທ້າຍ ອຳນວຍການວິທະຍາໄລ ໄດ້ກ່າວຄຳຄິດເຫັນຕໍ່ຕໍ່ກອງປະຊຸມວ່າ ໃຫ້ພະນັກງານແຕ່ລະຄົນຕັ້ງໜ້າປະຕິບັດຕາມຄຳຂວັນດັ່ງກ່າວນັ້ນໃຫ້ປະກົດຜົນເປັນຈິງ ແລະ ທ່ານຍັງໄດ້ໃຫ້ຄວາມໝາຍຂອງຄຳຂວັນ 3 ເນື້ອໃນ 4 ເປົ້າໝາຍອີກດ້ວຍ.

ພາບ-ຂ່າວ: ສີສະຫວາດ ພັນທຸວົງ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s