ຄະນະວິຊາປ່າໄມ້ ວິທະຍາເຂດຊຽງເງິນ ສ້າງຄວາມເຂັ້ມແຂງໃຫ້ທີມງານໂທລະໂຄ່ງ

ໃນລະຫວ່າງ ວັນທີ 08 – 09 ກຸມພາ 2018 ທີ່ຫ້ອງປະຊຸມ ຂອງຄະນະວິຊາປ່າໄມ້ ຊຽງເງິນ ໄດ້ຝຶກອົບຮົມການຂຽນຂ່າວ ແລະ ການຈັດລາຍການໂທລະໂຄ່ງ ເພື່ອສ້າງຄວາມເຂັ້ມແຂງໃນການເຮັດວຽກງານໂຄສະນາ ເຜີຍແຜ່ຂໍ້ມູນຂ່າວສານດ້ານຕ່າງໆ ໂດຍມີຄູ – ອາຈານ, ນັກສຶກສາ ທີມງານໂທລະໂຄ່ງ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ. ທ່ານ ບຸນກ້ຽງ ສຸລິຍະສັກ ຫົວໜ້າຄະນະວິຊາປ່າໄມ້ ໄດ້ກ່າວຄໍາຊີ້ນໍາ ໃນການຝຶກອົບຮົມໃນຄັ້ງນີ້ວ່າ: ຈຸດປະສົງ: ກໍ່ເພື່ອເຮັດໃຫ້ຄູ – ອາຈານ ແລະ ນັກສຶກສາມີຄວາມຮູ້, ຄວາມສາມາດໃໝ່ໃນການຂຽນຂ່າວ, ການຂຽນບົດ ແລະ ຈັດລາຍການໂທລະໂຄ່ງ, ໄດ້ນໍາເອົາຄວາມຮູ້ດັ່ງກ່າວໄປຈັດຕັ້ງປະຕິບັດຕົວຈິງໃນເວລາຜະລິດລາຍການໂທລະໂຄ່ງ  ຂອງຄະນະວິຊາປ່າໄມ້ ໃຫ້ມີສີສັນ, ມີເນື້ອໃນທີ່ດີສາມາດດຶງດູດຄວາມສົນໃຈ ຂອງຜູ້ຟັງຫຼາຍຂຶ້ນກວ່າເກົ່າ, ເພື່ອພັດທະນາວຽກງານໂຄສະນາຂ່າວສານ ຂອງຄະນະວິຊາປ່າໄມ້ ໃຫ້ມີໃບໜ້າໃໝ່, ເຮັດໃຫ້ທີມງານໂທລະໂຄ່ງ ຄະນະວິຊາປ່າໄມ້ ມີຄວາມເຂັ້ມແຂງ, ສາມາດຖ່າຍທອດຄວາມຮູ້ ແລະ ບົດຮຽນໃຫ້ວິທະຍາໄລອື່ນໃນອະນາຄົດ, ອີກດ້ານໜຶ່ງກໍເພື່ອເປັນການແລກປ່ຽນບົດຮຽນເຊິ່ງກັນ ແລະ ກັນ ໃນການປະຕິບັດຕົວຈິງກ່ຽວກັບການສໍາພາດຊອກຫາຂໍ້ມູນ, ການຂຽນຂ່າວ, ການນໍາສະເໜີຂ່າວຜ່ານສື່ໂຄສະນາສັງຄົມໄດ້ຮັບຮູ້. ໃນໄລຍະການເຝິກອົບຮົມຜູ້ເຂົ້າຮ່ວມໄດ້ຮຽນຮູ້ ຈັນຍາບັນຂອງນັກຂ່າວ, ຄວາມສໍາຄັນຂອງຂ່າວ, ອົງປະກອບຂອງຂ່າວ, ພື້ນຖານການຂຽນຂ່າວ, ການຂຽນບົດ, ການຈັດລາຍການ, ໂດຍໄດ້ຮຽນຮູ້ພາກທິດສະດີ ແລະ ປະຕິບັດຕົວຈິງ. ທີມງານໂທລະໂຄ່ງຄະນະວິຊາປ່າໄມ້ ເປັນໜ່ວຍງານໜຶ່ງ ເຮັດໜ້າທີ່ໂຄສະນາເຜີຍແຜ່ຂໍ້ມູນຂ່າວສານຢູ່ພາຍໃນຄະນະວິຊາປ່າໄມ້ ໄດ້ຮັບການສ້າງຕັ້ງມາແຕ່ປີ 2016 ມີບົດບາດໃນການໃຫ້ຄວາມຮູ້ທັກສະດ້ານການເວົ້າ ແລະ ການຂຽນໃຫ້ແກ່ນັກສຶກສາ ໂດຍມີການເກັບກໍາຂໍ້ມູນ, ຜົນງານຂອງນັກສຶກສາ, ການເຄື່ອນໄຫວວຽກງານຮອບດ້ານ ຂອງຄະນະວິຊາ ແລ້ວເຜີຍແຜ່ຜ່ານສື່ ແລະ ອອກອາກາດທາງໂທລະໂຄ່ງປະຈໍາຄະນະວິຊາປ່າໄມ້ ເຊິ່ງໄດ້ຮັບການສະໜັບສະໜູນທຶນຈາກ ໂຄງການສະໜັບສະໜູນປັບປຸງວິທະຍາໄລກະສິກໍາ ແລະ ປ່າໄມ້ ພາກເໜືອ ເຊີລາໂກ (SURAFCO lll ) ຂອງອົງການເຮວວີຕັສ ( HELVETAS ).

———————————————————————————————————————

ຂ່າວໂດຍ: ມະນີຈັນ ສີບົວຄຳ

ຫ້ອງການພົວພັນ ແລະ ການຮ່ວມມື, ວິທະຍາໄລກະສິກຳ ແລະ ປ່າໄມ້ ພາກເໜືອ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s