ພິທີເລື່ອນສະມາຊິກພັກສຳຮອງຂຶ້ນສົມບູນຂອງ ວິທະຍາໄລກະສິກຳ ແລະ ປ່າໄມ້ ພາກເໜືອ

ໃນຕອນແລງວັນທີ 15 ທັນວາ 2017 ທີ່ຜ່ານມານີ້ ທີ່ຫ້ອງປະຊຸມຂອງ ວິທະຍາໄລກະສິກຳ ແລະ ປ່າໄມ້ ພາກເໜືອ ໄດ້ຈັດພິທີຮັບເອົາມະຫາຊົນກ້າວໜ້າເຂົ້າເປັນສະມາຊິກພັກສຳຮອງ ແລະ ເລື່ອນສະມາຊິກພັກສຳຮອງຂຶ້ນສົມບູນ ຂຶ້ນ, ຊຶ່ງມີສະມາຊິກເຂົ້າຮ່ວມທັງໝົດ 37 ສະຫາຍ, ຍິງ 7 ສະຫາຍ, ໂດຍການເປັນປະທານຂອງ ສະຫາຍ ທອງສະມຸດ ພູມມະສອນ ເລຂາຄະນະພັກຮາກຖານວິທະຍາໄລກະສິກຳ ແລະ ປ່າໄມ້ ພາກເໜືອ. ໃນພິທີ ຄະນະໜ່ວຍພັກໄດ້ອ່ານ ແລະ ມອບມະຕິຕົກລົງວ່າງດ້ວຍການເລື່ອນສະມາຊິກພັກສຳຮອງຂຶ້ນສົມບູນ ຈຳນວນ 2 ສະຫາຍ, ຍິງ 1 ສະຫາຍ. ຫຼັງຈາກນັ້ນ ມະຫາຊົນຜູ່ກ້າວໜ້າກໍໄດ້ຜັດປ່ຽນກັນຂຶ້ນອ່ານໃບຄຳຮ້ອງຂໍເຂົ້າເປັນສະມາຊິກພັກ ແລະ ພ້ອມທັງປະຕິຍານຕົນ ເຊິ່ງລວມທັງໝົດມີ 8 ສະຫາຍ, ຍິງ 3 ສະຫາຍ, ຈາກ 3 ໜ່ວຍພັກທີ່ຂຶ້ນກັບຄະນະພັກຮາກຖານວິທະຍາໄລກະສິກຳ ແລະ ປ່າໄມ້ພາກເໜືອ ຄື: ຄະນະປູກຝັງ 2 ສະຫາຍ, ຍິງ 1 ສະຫາຍ, ຄະນະລ້ຽງສັດ – ການປະມົງ 3 ສະຫາຍ, ຍິງ 1 ສະຫາຍ ແລະ ຄະນະປ່າໄມ້ 3 ສະຫາຍ, ຍິງ 1 ສະຫາຍ, ຈາກນັ້ນກໍຜ່ານມະຕິຕົກລົງວ່າດ້ວຍການຮັບເອົາມະຫາຊົນເຂົ້າເປັນສະມາຊິກພັກສຳຮອງ ແລະ ພ້ອມທັງມອບມະຕິຕົກລົງໃຫ້ສະມະຊິກໃໝ່, ພາຍຫຼັງມອບມະຕິຕົກລົງເປັນທີ່ຮຽບຮ້ອຍແລ້ວ ສະຫາຍ ທອງສະມຸດ ພູມມະສອນ ເລຂາຄະນະພັກພັກຮາກຖານວິທະຍາໄລກະສິກຳ ແລະ ປ່າໄມ້ພາກເໜືອ ໄດ້ຂື້ນໂອ້ລົມ ແລະ ໃຫ້ຄຳໂອວາດ ທ່ານໄດ້ຍົກໃຫ້ເຫັນພາລະບົດບາດ, ສິດ ແລະ ໜ້າທີ່ຂອງພັກ ແລະ ທ່ານຍັງໄດ້ເນັ້ນໜັກໃຫ້ສະມາຊິກພັກທຸກສະຫາຍຈົ່ງຕັ້ງໜ້າຝຶກຝົນຫຼໍ່ຫຼອມຕົນເອງໃຫ້ກາຍເປັນສະມາຊິກພັກສົມບູນ, ເປັນສະມາຊິກພັກຜູ້ທີ່ດີເດັ່ນ ແລະ ເປັນແບບຢ່າງທີ່ດີໃຫ້ແກ່ອົງການຈັດຕັ້ງມະຫາຊົນ ເປັນເຈົ້າການໃນການຈັດຕັ້ງປະຕິບັດ ແລະ ຜັນຂະຫຍາຍມະຕິຄຳສັ່ງນະໂຍບາຍ-ແນວທາງຂອງພັກພ້ອມທັງປະກອບ ສ່ວນຢ່າງຕັ້ງໜ້າ ເຂົ້າໃນວຽກງານພັກເພື່ອກໍ່ສ້າງໜ່ວຍພັກໃຫ້ມີຄວາມເຂັ້ມແຂງຂຶ້ນເປັນກ້າວໆ.

————————————————————————————————————————-

#ຫ້ອງການພົວພັນ ແລະ ການຮ່ວມມື, ວິທະຍາໄລກະສິກຳ ແລະ ປ່າໄມ້ ພາກເໜືອ,
#ໂທຣ: 071 219 036; ແຟກສ໌: 071 219 034
ຕູ້ ປ.ນ 154; Web: www.nafclao.org ;

#ພາບ-ຂ່າວ: ສີສະຫວາດ ພັນທຸວົງ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s