ການແຂ່ງຂັນຄວາມຄິດທຸລະກິດກະສິກໍາ

ພິທີແຂ່ງຂັນການສ້າງຜູ້ປະກອບການໄວໜຸ່ມກັບການແຂ່ງຂັນຄວາມຄິດທຸລະກິດກະສິກໍາ ແລະ ປ່າໄມ້ທີ່ຍືນຍົງ ຈັດຂື້ນທີ່ສະໂມສອນຂອງວິທະຍາໄລກະສິກໍາ ແລະ ປ່າໄມ້ພາກເໜືອ 25 ພະຈິກ 2017. ໄດ້ດໍາເນີນມາຮອດຮອບຕັດສິນຈາກ 11 ທີມ ຄັດເລືອກເອົາ 3 ທີມຜົນການແຂ່ງຂັນແມ່ນທີມ ລ້ຽງຈີຫລີດ-ແປຮູບຈີຫລີດ ເປັນທີມຊະນະເລີດ. ທ່ານທອງສະມຸດ ພູມມະສອນ ອໍານວຍການວິທະຍາໄລກະສິກໍາ ແລະ ປ່າໄມ້ພາກເໜືອ ກ່າວວ່າ : ພາຍຫຼັງເປີດການແຂ່ງຂັນຄວາມຄິດທຸລະກິດກະສິກໍາ ແລະ ປ່າໄມ້ທີ່ຍືນຍົງເຫັນໄດ້ວ່ານັກສຶກສາ ປີ 3 ແຕ່ລະນ້ອງໄດ້ປະກອບເປັນທີມ, ມີອາຈານທີ່ປືໍຶກສາລວມທັງໝົດມີ 16 ທີມ 60 ແນວຄວາມຄິດທຸລະກິດໄດ້ສົ່ງເຂົ້າແຂ່ງຂັນ, ພາຍຫຼັງທີ່ຄະນະກໍາມະການກວດກາ ແລະ ໃຫ້ຄະແນນໄດ້ຄັດເລືອກເອົາ 11 ທີມ ເຂົ້າແຂ່ງຂັນໃນຮອບທີ 2 ຕໍ່ໄປ, ຊຶ່ງແຕ່ລະທີມ ແລະ ທີ່ປຶກສາຂອງທີມທີ່ເຂົ້າແຂ່ງຂັນໃນຮອບທີ່ 2 ນີ້ກໍ່ໄດ້ຮັບທຶນຈໍານວນໜຶ່ງເພື່ອນໍາໄປສ້າງຜະລິດຕະພັນຂອງຕົນເອງ ພ້ອມໄດ້ຮັບການຝຶກອົຍຮົມທັງໝົດ 5 ຄັ້ງນັບແຕ່ເດືອນ 10 ຫາເດືອນ 11 ປີ 2017 ເພື່ອພັດທະນາຄວາມຄິດທຸລະກິດຂອງທີມຕົນໃຫ້ລະອຽດກວ່າເກົ່າ ເພື່ອກະກຽມການແຂ່ງຂັນມື້ສຸດທ້າຍກໍຄື ວັນທີ 25 ພະຈິກ 2017ນີ້. ຜົນການແຂ່ງຂັນແມ່ນທີມ ລ້ຽງຈີຫລີດ ແລະ ແປຮູບຈີຫລີດ ເປັນທີມຊະນະເລີດ ໄດ້ຮັບລາງວັນເງິນສົດ 6,5 ລ້ານແສນກີບ, ທີ 2 ແມ່ນທີມ ສວນເສດຖະກິດກະສິກໍາແບບຍືນຍົງ ໄດ້ຮັບເງິນສົດ 5 ລ້ານກີບ, ທີ 3 ແມ່ນທີມໄກ່ອົບສະໜຸນໄພ ໄດ້ຮັບເງິນສົດ 3 ລ້ານກີບ ແລະ ທີມຫົວຂໍ້ນາງງາມໃນຫ້ອງມືດ ( ຖົ່ວງອກ) ໄດ້ຮັບລາງວັນຂວັນໃຈມະຫາຊົນ 2 ລ້ານກີບ, ໄດ້ຮັບລາງວັນ ຊີວະນາໆພັນ ແມ່ນທີມ ເຫັດບົດທອດສະໝຸນໄພ ແລະ ຊາຢານາງພັນປີ. ໃຫ້ກຽດເຂົ້າຮ່ວມເປັນກໍາມະການຕັດສິນຮອບສຸດທ້າຍນີ້ມີ ທ່ານ ບຸນທ່ຽງ ສຸລິວັນ ປະທານສະພາອຸດສາຫະກໍາການຄ້າ ແຂວງຫຼວງພະບາງ, ທ່ານ ໄຊຍະພັນ ລາສີ ຫົວໜ້າພະແນກກະສິກໍາແລະ ປ່າໄມ້ແຂວງຫຼວງພະບາງ, ທ່ານ ອາຄົມ ພົມມະບານ Lao green group, ທ່ານ ສຸວັນທອງ ນາມວົງ ຈາກກົມສົ່ງເສີມກະສະກໍາແລະ ສະຫະກອນກະຊວງກະສິກໍາແລະປ່າໄມ້, ທ່ານ ສຸພົນ ລາຊພົນ ຜູ້ອໍານວຍການສະຖາບັນການເງິນຈຸລະພາກ ຈໍາປາລາວ ແຂວງຫຼວງພະບາງ, ທ່ານ ນາງ ວັນນິດາ ເຈົ້າຂອງຮ້ານຈິທັນມິນິມາກ, ທ່ານ ນາງ ຫັດຖະນີກອນ ວົງສຸລິນ ອາຈານ ສອນ ປະຈໍາທີ່ວິທະຍາໄລກະສິກໍາແລະ ປ່າໄມ້ພາກເໜືອ ພ້ອມດ້ວຍຜູ້ປະກອບການທຸລະກິດອ້ອມຂ້າງ ແຂວງເຂົ້າຮວ່ມ. ການຈັດການແຂ່ງຂັນ ຂອງວິທະຍາໄລເພື່ອສ້າງຜູ້ປະກອບການໄວ້ໜຸ່ມໃຫ້ບັນດານັກສຶກສາທີ່ກໍາລັງຈະຮຽນຈົບຈາກວິທະຍາໄລ ດ້ວຍການແຂ່ງຂັນຄວາມຄິດທຸລະກິດກ່ຽວກັບກະສິກໍາ ແລະປ່າໄມ້ ທິ່ຍືນຍົງແບບນີ້ແມ່ນແນໃສ່ໃຫ້ບຸກຄະລາກອນທີ່ຮຽນຈົບໄປໄດ້ປະກອບທຸລະກິດເປັນຂອງຕົນເອງໄດ້ດ້ວຍຕົນເອງ.

ຂຽນໂດຍ: ມະນີຈັນ ສີບົວຄໍາ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s