ງານຕະຫຼາດນັດກະສິກຳ ຄັ້ງທີ 9 ທີ່ວິທະຍາໄລກະສິກໍາ ແລະ ປ່າໄມ້ພາກເໜືອ

ໃນວັນທີ 20 – 21 ເດືອນ ກຸມພາ  2017 ທີ່ຜ່ານມາ ທາງວິທະຍາໄລກະສິກໍາ ແລະ ປ່າໄມ້ພາກເໜືອ ໄດ້ຈັດງານຕະຫຼາດນັດກະສິກຳ ຄັ້ງທີ 9 ຂຶ້ນທີ່່ເດີນງານຕະຫຼາດນັດງານ ເຊິ່ງໄດ້ເປີດພິທີໃນຕອນເຊົ້າ ຂອງວັນຈັນ ວັນທີ 20 ເດືອນ ກຸມພາ 2017 ເວລາ 9:30 ໂດຍການເປັນປະທານ ທ່ານ ສົມສີ ຄຳມະນີວົງ ຮອງອຳນວຍການ ວິທະຍາໄລກະສິກຳ ແລະປ່າໄມ້ພາກເໜືອ, ໃນງານດັ່ງກ່າວ ມີຜູ້ເຂົ້າຮ່ວມມາຈາກ: ສະພາການຄ້າ ແລະອຸດສາຫະກໍາ ແຂວງ ຫຼວງພະບາງ, ຫ້ອງການກະສິກຳ ແລະປ່າໄມ້ ເມືອງ ຫຼວງພະບາງ, ຫ້ອງການກະສິກຳ ແລະປ່າໄມ້ ເມືອງ ປາກອູ, ພ້ອມທັງຕົວແທນ ຊາວກະສິກອນ ຈາກໝູ່ບ້ານ ອອ້ມຂ້າງ ວິທະຍາໄລ ເຊັ່ນ: ບ້ານ ໂພນໂຮມ, ບ້ານ ໂພນສະຫວ່າງ, ບ້ານ ຖິ່ນຈະເລີນ, ບ້ານ ວຽງສະຫວັນ, ບ້ານ ປາກເຊືອງ ແລະ ຍັງມີບັນດາຟາມ ແລະ ລັດວິສາຫະກິດຕ່າງໆ ທີ່ເຂົ້າຮ່ວມເຊັ່ນ: ຜາຕັດແກ້, ບໍລິສັດຊາວບ້ານ ສາຂາ ຫຼວງພະບາງ, ອິນດີໂກຟາມ, ລັດວິສາຫະກິດ ຢູນີເທວ, ລັດວິສາຫະກິດອີທີແອວ, ທະນາຄານ ຮ່ມພັດທະນາ, ພ້ອມທັງບັນດາຟາມຕ່າງໆ ພາຍໃນວິທະຍາໄລ ທັງນີ້ຍັງມີ ພໍ່ – ແມ່ ປະຊາຊົນ, ພະນັກງານ ຄູອາຈານ ແລະ ນັກສຶກສາເຂົ້າຮ່ວມງານຢ່າງພຽງພໍ. ຈຸດປະສົງ: ແມ່ນເພື່ອເປັນການ ສົ່ງເສີມຜົນຜະລິດກະສິກຳ ໃນວິທະຍາໄລອອກສູ່ສັງຄົມ, ເພື່ອເປັນການຮ່ວມມືກັບຊາວກະສິກອນ – ຄູ່ຮ່ວມງານອື່ນໆ ທາງພາຍນອກ ແລະ ເພື່ອເປັນບ່ອນສາທິດກໍລະນີສຶກສາ ຂອງຄູອາຈານ ແລະ ນັກສຶກສາໃຫ້ໄດ້ຮຽນຮູ້, ນອກນີ້ ທ່ານ ສົມສີ ຄຳມະນີວົງ ຮອງອຳນວຍການວິທະຍາໄລກະສິກຳ ແລະປ່າໄມ້ພາກເໜືອ ໄດ້ໃຫ້ຄຳຊີ້ທິດວ່າ: ການຈັດງານ ໃນຄັ້ງນີ້ ແມ່ນເພື່ອເປັນການຄຸ້ມຄອງການຈັດການ ການຕະຫຼາດເພາະວ່າ ວຽກງານກະສິກຳເປັນວຽກງານທີ່ສຳຄັນຫຼາຍ ໃນການພັດທະນາປະເທດຊາດ, ວິທະຍາໄລກະສິກຳ ແລະປ່າໄມ້ພາກເໜືອ ກໍ່ເຊັ່ນດຽວກັນໄດ້ເລັ່ງໃສ່ການພັດທະນາການຜະລິດກະສິກຳທີ່ດີເພື່ອ ອອກສູ່ຕະຫຼາດ ງານເປີດຕະຫຼາດນັດກະສິກຳ ກໍ່ໄດ້ມີຫຼາກຫຼາຍກິດຈະກຳ, ມີການວາງສະແດງສິນຄ້າ ພະລິດຕະພັນ ແລ້ວຍັງມີການເດີນແບບຊຸດກະສິກອນ ທີ່ມາພ້ອມຜົນຜະລິດ ທາງດ້ານກະສິກຳ, ການເດີນແບບໂຊຊຸດ ຂອງນັກສຶກສາ ຈາກວິທະຍາໄລກະສິກຳ ແລະ ປ່າໄມ້ພາກເໜືອ. ບັນຍາກາດພາຍໃນງານ ແມ່ນເຕັມໄປດ້ວຍຄວາມເບີກບານມ່ວນຊື່ ແລະ ຄຶກຄື້ນ ເຊິ່ງແຕ່ລະຄົນທີ່ມາຮ່ວມງານກໍ່ຖືວ່າໄດ້ພືດຜັກເລັກນ້ອຍກັບເຮືອນກັນທົ່ວໜ້າ ການດຳເນີຕະຫຼາດນັດແມ່ນດຳເນີນໄປເປັນ ເວລາ 2ວັນ ຈຶ່ງສຳເລັດ.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s